Sunday, 17 May 2009

Komentatori BBC-së ofendon Shqipërinë dhe Kejsi Tolën

Komentatori BBC-së ofendon Shqipërinë dhe Kejsi Tolën

Nga Londra
Muhamed Veliu

Emigrantët shqiptarë në Angli, nëpërmjet telefonatave dhe postës elektronike kanë nisur t’i shprehin ankesat e tyre stacionit televiziv BBC-i, pasi komentatori britanik në Eurovizion, pak përpara hyrjes në skenë të Kejsi Tolës tha se "Ja tani një lajm i keq. Është radha e Shqipërisë për të interpretuar”.

Ky koment i prezantusit Graham Norton ka indinjuar komunitetin shqiptarë, pasi ishte tërësisht i panevojshëm madje ofendues.
Menjëherë pas bërjes së komentit, kanë nisur të qarkullojnë mes emigramntëve mesazhet e para telefonike duke i bërë thirrje njëri tjetrit për të kontaktuar numrin e pasacëm që BBC-i ka, në të tilla raste, kur publiku ka ankesa.
Viola Abëria një finaniciere shqiptare që jeton në Londër pasi e ka dëgjuar këtë koment, është ndjerë e nënvleftësuar dhe e fyer pasi sipas saj, kultura shqiptare dhe arritja e Kejsi Tolës për të mbërritur deri në finalen e Eurovizionit, është nëpërkëmbur, nga ky komentator.
Kontaktuar nga Top-Channel një zëdhënëse e BBC tha se “Ne kërkojmë ndjesë pasi nuk kishim qëllim të ofendonim. Komentimi Graham Norton ishte sipas stilit të tij unik”.
Nuk është hera e parë që BBC përballet me një mori ankesash nga emigrantët shqiptarë që jetojnë dhe punojnë në Britani.
Në vitin 2004 BBC-së ju dërguan me mijëra enkesa pasi humoristja Jo Brand u tall me himnin kombëtarë shqiptarë gjatë një programi festiv me aktorët e tele-dramës “East-Enders”.
Ky rreagim i komunitet shqiptarë detyroi drejtorin e atheshëm të BBC Mark Bajford të kërkonte falje publike.
Gjatë muajve të fundit BBC është ndeshur me një sër ankesash nga publiku në drejtim të prezantuesve radiofonik dhe televiziv të cilët kanë bërë komente ofenduese ndaj individëve të caktuar.

© Veliupress copyright 2007

About Me

Veliupress


View My Stats