VELIUPRESS. First for breaking news in Albanian community in UK.E-mail:pressmv@yahoo.co.uk

Balla-Doshi: Lëmë imunitetin - Top Channel

2012-01-23T19:58:00.000Z

Balla-Doshi: Lëmë imunitetin - Top Channel

You aren’t permitted to publish any material text of photo from this blogg. Any publication will be treated as breach of copyright.© Veliupress copyright 2007

“Shqipëria pa kufij shtetërorë” - Top Channel

2012-01-23T19:06:00.000Z

“Shqipëria pa kufij shtetërorë” - Top Channel

You aren’t permitted to publish any material text of photo from this blogg. Any publication will be treated as breach of copyright.© Veliupress copyright 2007

The Economist "Trafiku organeve kishte mbështetjen e policisë sekrete shqiptare"

2011-02-25T17:25:00.002Z

Nga Londra
Muhamed Veliu

Revista prestigjoze britanike “The Economist”, në vazhdën e publikimit të shkrimeve për tregtinë e organeve gjatë luftës në Kosovë, pretendon se disponon fakte të reja që mbështesin pretendimet e Dick Marty.

Gazetari Tim Judah ka publikuar një analizë të gjatë për këtë cështje me titull: “A është balta duke ngjitur?”.

“Gjatë dy ditëve të fundit kanë dalë në dritë dy dokumente të reja të cilat do t’ia shtojnë akoma më shumë ëndrrat e këqija atyre të përfolurve në raportin e Marty. Disa dokumenta që kanë përfunduar në mediat serbe duket se po i forcojnë më tepër pretendimet e shkruara në raport”, thuhet në artikull.

Tim Judah thotë se ai posedon transkriptimin në origjinal të dy intervistave të zhvilluara me dëshmitarë që kanë dijeni për tregtinë e organeve.

Sipas tij, këto dëshmi i janë dhënë nga një burim konfidencial në vitin 2003, të cilat i janë përcjellë edhe administratës së Kombeve të Bashkuara.

Dëshmitë e cituara nga “The Economist” tregojnë se dëshmitarët besojnë se serbë të rrëmbyer janë vrarë për t’iu marrë organet.

Dokumenti i parë mban datën 30 tetor 2003 dhe ka një aneks me dëshmitë e dërguara nga UNMIK tek gjykata për krimet e luftës në Hagë.

Dokumenti i dytë mban datën 12 dhjetor 2003 dhe është dërguar nga drejtuesit e UNMIK departamentit të Drejtësisë.

Nga një përmbledhje e këtyre dëshmive rezulton se gjatë periudhës qershor-tetor 1999, 100 deri 300 njerëz, shumica e të cilëve meshkuj serbë, janë rrëmbyer për t’u dërguar në Shqipëri.

100 prej tyre janë dërguar në një tjetër qendër detencioni, nga ku i janë hequr organet të cilat më pas janë transportuar për në Tiranë drejt Turqisë.

Por në këto dokumenta asnjë prej dëshmitarëve nuk kanë parë me sytë e tyre procedurat mjekësore, por kishin dijeni për këto ngjarje ku në disa raste sipas tyre ishin përfshirë drejtues të lartë të UCK-së.

Duke cituar një prej dëshmive, “The Economist” shkruan: “Të tilla operacione kishin mbështetjen e policisë sekrete shqiptare të qeverisë së zotit Sali Berisha, i cili është përsëri kryeministër i Shqipërisë”.

Në këto dokumente nuk përmendet emri i zotit Thaci, por ato të zotit Ramush Haradinaj dhe të vëllait Dautit.

Pavarësisht rrjedhjes së këtyre dokumentave, “The Economist” parashikon se do të jetë e pamundur për ata që kanë dijeni për trafikun e organeve të dëshmojnë nëse nuk i garantohet një identitet i ri dhe strehim jashtë Kosovës.

Gjykata e Londrës lejon ekstradimin e Assange

2011-02-24T17:12:00.002Z

Nga Londra
Muhamed Veliu

Ka marrë fund pa ndonjë surprizë të madhe pjesa e parë e sagës së ekstradimit të Julian Assange në Suedi. Sic edhe pritej, gjykata e ekstradimeve në Londër ka pranuar kërkesën e drejtësisë suedeze për të ekstraduar nga Anglia themeluesin e Wikileaks.

Howard Riddle, gjykatësi që mori në shqyrtim kërkesën e ekstradimit, tha se deri në këto momente prokuroria suedeze është në fazën e hetimit rreth pretendimeve të dy grave, më pas do të ketë një vendim për ngritjen e akuzave.

Më tej gjatë leximit të vendimit, gjykatësi Riddle u shpreh se kërkesa suedeze bazuar në urdhër-arrestin europian, është e vlefshme por është ende e paqartë përse ishte e pamundur që Assange të merrej në pyetje nga hetuesit e cështjes.

Sipas tij, vërehen elementë se Julian Assange qëllimisht ka evituar përballjen me marrjen në pyetje nga prokurorët, që është edhe thelbi i kërkesës së ekstradimit.

“Si jo të besueshëm dhe të varfër në argumenta”, kështu i ka cilësuar gjykatësi personat që dëshmuan në favor të ish-hacker-it australian.

Pretendimeve të mbrojtjes për gabime në hetimin e kësaj cështjeje gjykatësi Riddle i ka dhënë këtë përgjigje:

“Nëse janë bërë gabime në sistemin hetimor suedez, atëherë vendi më i përshtatshëm për t’i ekzaminuar ato është gjykata suedeze”.

Ndërsa për një kërkesë të mundshme në SHBA për ta ekstraduar atje Assange, gjykatësi tha se përpara se të ndodhë një gjë e tillë sekretarja britanike e Punëve të Brendëshme dëshiron të konsultohet me gjykatën suedeze.

Ndryshe nga seancat e tjera kur Assange ka dëgjuar i qetë zhvillimin e gjyqit, sot tek njeriu që tronditi diplomacinë amerikane me publikimin e kabllogramëve, dallohej qartë nervozizmi, legjitim në të tilla momente.

Ekipi mbrojtës i Julian Assange deklaroi në gjykatë se vendimi i sotëm do të apelohet menjëherë.

Londer-Pitbullët e shqiptarit kafshojnë vrapuesin portugez

2011-02-18T15:01:00.002Z

Nga Londra
Muhamed Veliu

Neglizhimi në të ushqyerin dhe trajtimi në mënyrë mizore të dy qenve të rracës pitbull, i ka kushtuar pesë muaj burg një emigranti shqiptarë në Londër.

Sipas prokurorisë lonineze Hektor Bushati pronari dy qenve nuk i kishte ushqyer për disa ditë.

Të dy qentë që mbaheshin në orborrin e shtëpisë të 31 vjecarit në zonën Stratford në lindje të Londrës, kanë mundur të kalojnë gardhin duke kafshuar një person që

Portugezi Joao Barbeiro ka provuar në trupin e tij egërsinë e dy qenve pitbull duke i shkaktuar dëmtime trupore nga kafshimet.

Skena e qenve të egërsuar është ndjekur nga njerëzit në park që kanë telefonuar policinë.

Më pas një patrullë policie ka mbërritur në park duke i kërkuar ndihmë kolegëve nga njësia e armatosur, të cilët kanë ekzekutuar dy qentë e dalë jashtë kontrollit.

Pasi është identifikuar pronari i dy pitbullëve ai është prangosur nga policia ndaj të cilit janë ngritur akuzat për lejimin e qenve të sillen në mënyrë të rrezikshme dhe trajtimin në mënyrë mizore.

Hektor Bushati i ka pranuar akuzat në seancën e parë duke u dënuar në gjykatët Inner London Crown Court me pesë muaj burg.

Londer-Dënohen shqiptarët, fshihnin kokainën në airbag të makinës

2011-02-17T15:31:00.002Z

Nga Londra
Muhamed Veliu

Sofistikohet mënyra e fshehjes së lëndëve narkotike gjatë transportit, nga grupet kriminale shqiptare në Angli, duke befasuar oficerët e agjencisë britanike të krimit të organizuar SOCA.

Airbag është pjesë e rëndësishme e një makine, e shpikur në vitin 1980 që shërben për mbrojtjen e shoferit dhe pasagjerit, për mos t’u përplasur me xhamin në rast aksidenti.

Dy emigrantë shqiptarë në Londër i kishin transformuar makinat e tyre, duke përdorur pikërisht pjesën ku qëndron airbag, si vend-fshehje për drogën që transportonin.

Dritan dhe Olger Bullari ishin korrierët e një grupi kriminal, të cilët shpërndanin kokainë të pastër, që më pas përzihej me Lidokainë për t’u shitur në rrugë me gramë.

Kushërinjtë Bullari kanë pranuar akuzat në gjykatë për posedim dhe transportim të lëndëve narkotike, duke u dënuar me nga 6 vjet burg secili.

Në mënyrë shumë të sofistikuar, ata pasi kishin modifikuar airbag-un që hapet si një tullumbace e bardhë, i kishin vendosur kapakut mbi kroskotin e makinës një shul që hapej e mbyllej përmes një telekomande.

Shuli hapej e mbyllej përmes një mekanizmi elektrik, që komandohej nga telekomanda.

Një sy i lirë nuk mund ta dallonte se kësaj pjese të makinës i shin bërë modifikime të kësaj mënyre.

Edhe nëse kushërinjtë Bullari mund të ndaloheshin rastësisht nga ndonjë patrullë policie në rrugë, policëve kurrë nuk do t’i shkonte ndërmend që kokaina ishte fshehur në pjesën e airbag-ut.

Kjo metodë fshehje e drogës është zbuluar vetëm falë survejimit të SOCA-s kur Olger Bullari u filmua, duke hapur mbulesën e airbag-ut teksa kishte parkuar makinën në lagjen Enfield, në veri të Londrës.

Agjencia britanike kundër krimit të organizuar SOCA, që hetoi aktivitetin e tyre, zbuloi disa makina të modifikuara nga shqiptarët, përmes të cilave kryenin transportin e kokainës.

Chris Farrimond, një oficer i SOCA-s tha se “këta individë besonin se kryenin aktivitetin kriminal jashtë radarit të forcave ligj zbatuese, duke u maskuar në mënyrë të kujdesshme.

Heqja e pjesës të airbag-ut, duke e modifikuar në një mini-magazinë droge, tregon përpjekjet e tyre për të shpikur mënyra të reja për fshehjen e kokainës”.

Oficerët e SOCA që hetuan aktivitetin kriminal të Dritan dhe Olger Bullarit thonë që kjo është hera e parë që ata zbulojnë një mekanizëm të tillë për fshehjen e drogës.

Burgosja e kushërinjve Bullari e çon në 44 numrin e shqiptarëve të dënuar në Angli për trafik droge në tre vitet e fundit.

Julian Assange, beteja ekstradimit vazhdon

2011-02-09T09:21:00.000Z

Nga Londra
Muhamed Veliu

Julian Assange themelues i Wikileaks do t’i duhet të presë deri të premten për të mësuar nëse beteja e nisur për ta ekstraduar drejt Suedisë do të përfundojë në favorin apo disfavorin e tij.

Nuk kanë mjaftuar dy ditë intensive në gjykatën e Londrës për të konkluduar këtë çështje e cila ka tërhequr vëmendjen botërore.

Dita e dytë e këtij proçesi ishte një betejë e nxehtë juridike mes avokatëve të Assange dhe përfaqësueses të shtetit suedez që kërkon ekstradimin pasi ai akuzohet për ngacmimin dhe përdhunim e dy grave.

Avokatët mbrojtës të Assange i kanë paraqitur gjykatës një dëshmi e cila mund të ndalojë ekstradimin njëkohësisht të vërtetojë se proçesi ka prapaskena politike me qëllimin final ekstradimin e ish hakerit australian drejt SHBA-ve.

Bjord Hurting avokati i Assange në Suedi i tha gjykatës se në dosjen hetimore të prokurorisë suedeze i janë treguar 100 mesazhe telefonike dërguar dy viktimave ku atyre u premtohet pagesë, nëse ato do të hakmerreshin.

Por, sipas Hurting, këto mesazhe nuk janë lejuar të kopjohen dhe t’i kalohen ekipit mbrojtës në Suedi.

“Një veprim i tillë është thyerje e hapur e proçedurave gjyqësore”, ka thënë avokati Bjord Hurting.

Një ish prokuror suedes që dëshmoi në gjykatën londineze i thirrur nga pala mbrojtëse, shprehu kritikat e tij rreth mënyrës së kërkesës suedeze për ta ekstraduar Assange.

Sven-Erik Alhem tha se Suedia i ka të gjitha mundësitë ta intervistojë Assange në Angli dhe nuk është aspak nevoja për ta ekstraduar.

Shpresohet që gjykatësi Haëard Riddle ta lexojë vendimin të premtem.

Nëse kjo nuk ndodh të premten, atëherë Assange duhet të presë edhe disa javë të tjera plot ankth për të mësuar vendimin e gjykatësit Riddle.

“Top-Gear”, ironi me Shqipërinë

2011-02-08T13:24:00.000Z

Nga Londra
Muhamed Veliu

Dy ditë pasi kryeministri Berisha propozoi kontraktimin e njërit prej këngëtarëve më të spikatur për ta sjellë në Shqipëri, në programin “Top-Gear” të BBC, edhe njëherë tjetër imazhi Shqipërisë nxihet duke u përshkruar si një vend mafioz.

Në emisionin “Top-Gear” në BBC2 testohen markat më të reja të makinave.

Prezantuesit e “Top-Gear” e nisën programin duke lexuar një letër ardhur në redaksinë e programit nga një mafioz shqiptar që kërkonte t’i sugjerohej një makinë e përshtatëshme për aktivitetin e tij kriminal.

Tre prezantuesit e “Top-Gear”, pasi kanë mbërritur me traget nga Korfuzi testuan makinat “Rolls Royce” dhe “Benz” në rrugën Himarë-Sarandë dhe atë të Butrintit.

Programi vazhdon duke testuar bagazhet e dy makinave se cila prej tyre mund të ishte e përshtatëshme për të fshehur një njeri pasi bosi shqiptar i mafias ta kishte vrarë.

Duke pirë një kafe në Sarandë drejtuesi programit Jeremy Clarkson u shpjegon kolegëve të tij përse në rrugët e Shqipërisë ka kaq shumë makina me targa angleze.

“Shqiptarët vinë në Angli, punojnë dhe kur kthehen sjellin makina me vete. Por makinat e kanë celësin e derës të shqyer”, duke lënë të kuptohet se ato janë makinë të vjedhura.

“Top-Gear” mbyllet me një test mes “Rolls Royce” dhe “Benz”, të ndjekura nga dy makina dhe një motorcikletë e policisë shqiptare, pasi gjoja prezantuesit britanik të emisionit ishin përfshirë në grabitjen e një banke në Himarë.

Për këtë program bashkëpunoi edhe policia shqiptare. Ndërsa produkti final i programit ishte një turpërim tjetër i Shqipërisë dhe Shqiptarëve përballë audiencës britanike.

Për këto ofendime në “Top-Gear” nuk dihet ende nëse ambasada shqiptare në Londër do të reagojë, ndërkohë që disa media britanike kanë komentuar rreth “Top-Gear” dhe gjuhës së papërshtatëshme në të, duke i bërë shqiptarët steriotipa të krimit.

Miranda Vickers: "Ishte protestë, jo grusht shteti"

2011-02-07T21:19:00.001Z

Nga Londra
Muhamed Veliu

Miranda Vickers është një studjuese e cështjeve shqiptare në Ballkan, njëkohësisht edhe autore e disa librave më i fundit i të cilëve ai për vitin e mbrapshtë 1997.

Vickers gjithmonë ka mbajtur një qëndrim kritik ndaj mënyrës së qeverisjes prej politikanëve shqiptarë gjatë këtyre 20 viteve të fundit.

Gjatë një interviste ajo shpreh shqetësim rreth situatës akutuale që po kalon Shqipëria, duke theksuar se në Shqipëri po sundon një rregjim i korruptuar dhe autoritar.

TCH: Cili është komenti juaj rreth zhvillimeve më të fundit në Shqipëri e vecanarisht pas protestës së 21 janarit ku u vranë katër protesues?

Vickers: Jam shumë e shqetësuar sikurse të gjithë në komunitetin ndërkombëtar. Për mua aspekti më shokues është drejtimi që kanë marrë këto ngjarje nga qeveria dhe kryeministri, duke tentuar t’i mbushin mëndjen njerëzve se ata janë viktimat e vërteta të kësaj situate, duke e përshkruar veten si viktima të një grushti shteti. Në fakt, viktimat e vërteta janë vetë populli shqiptar duke u nënvleftësuar nga qeveria njëkohësisht duke mos u parë si viktimat reale të asaj që ndodhi më 21 Janar.

TCH: Pas këtyre ngjarjeve kryeministri Berisha, përmes televizioneve, iu drejtua popullit shqiptar duke deklalruar se cfarë ndodhi ishte një grusht shteti i drejtuar nga lideri i opozitës, zoti Rama, së bashku me prokuroren e përgjithëshme. Sipas jush, a ka baza një deklaratë e tillë?

Vickers: Unë mendoj se e gjitha kjo është për të qeshur. Të gjithë ne e dimë se c’farë do të thotë një grusht shteti dhe se si ngjason një i tillë. Ne pamë thjesht një protestë popullore të njerëzve që donin një protestë paqësore, sic mund të ndodhë në të gjitha vendet demokratike. Ata ndjejnë se zgjedhjet janë manipuluar pjesërisht dhe kjo ishte një arsye reale që ata të dilnin në protestë sic ne shikojmë në të gjitha vendet e Europës. Në asnjë mënyrë kjo nuk ishte një përpjekje për grusht shteti. E gjithë ajo që ndodhi ishte një protestë e zakonshme ku njerëzit kërkonin zgjedhje të reja.

TCH: Zyra e prokurores së përgjithëshme ka kërkuar që 6 prej pjestarëve të Gardës së Republikës të merren në pyetje, por policia nuk i ekzekutoi fletë-thirrjet. Duket se ky incident është një shembull i pastër që institucionet nuk po funksionojnë. Sa e rrezikëshme është për demokracinë shqiptare?

Vickers: Është me të vërtetë shumë e rrezikëshme. Pas 20 vjetësh rrugëtim drejt demokracisë është e pabesueshme dhe e pafalëshme të jemi në një situatë të tillë. Të gjithë mekanizmat e institucioneve shqiptare janë organizuar sipas udhëzimeve të komunitetit ndërkombëtar. Nuk ka asnjë lloj preteksti për mosfunksionimin e tyre. Janë institucione të dobëta ngaqë nuk ka një vullnet politik që ato jetë të fuqishme. Shumë njerëz në Shqipëri, jo vetëm nga klasa politike por edhe nga biznesi që kanë interesa, mundohen që t’i mbajnë të dobëta institucionet në mënyrë që ato të manipulohen.

TCH: Sipas jush, kush është fajtor për një situatë të tillë në Shqipëri?

Vickers: Është shumë e lehtë nëse themi se kjo situatë ka ardhur si produkt i rritjes dhe sjelljes paranojake të kryeministrit, por ndoshta ky është një fakt që duhet pranuar. Janë edhe të tjerë elementë për t’u fajësuar. Mes tyre Shtetet e Bashkuara të Amerikës dhe Komuniteti Europian.

TCH: Përse është një gjë e tillë?

Vickers: Gjatë 20 viteve të fundit ata kanë qenë dëshmitarë të rritjes së korrupsionit në nivel zyrtar në Shqipëri. Kjo situatë është lejuar të vazhdojë kështu relativisht pa u kontrolluar. Janë marrë disa nisma kundër korrupsionit në një nivel të ulët, por unë mendoj se komuniteti ndërkombëtar e ka toleruar këtë thjesht për stabilitetin e Shqipërisë dhe të rajonit. Ky është shqetësimi kryesor i komunitetit ndërkombëtar. Është mëse e qartë. E gjithë situata është injoruar. Tani populli shqiptar po paguan një cmim të rëndë. Shqipëria u lejua t’i bashkohet NATO-s pa plotësuar tërësisht kërkesat për të vijuar procesin e reformave në drejtimin e duhur. Është e pafalshme për komunitetin ndërkombëtar. Pra, janë disa elementë që duhen fajësuar, marrë në konsideratë për situartën aktuale.

TCH: Të tilla ngjarje e risollën Shqipërinë edhe njëherë në vëmendjen e komunitetit europian. Sa e ka dëmtuar imazhin e Shqipërisë dhe shqiptarëve e gjitha kjo situatë, kur aspiratat e tyra synojnë bashkimin me familjen europiane?

Vickers: Kjo situatë e ka rikthyer Shqipërinë mbrapa në radhë për t’iu bashkuar BE-së, vecanarisht kur tani në BE nuk ekziston dëshira për zgjerim me vende të reja. E gjitha kjo është asrye perfekte për ta futur kërkesën e Shqipërisë më një anë, duke vazhduar së thëni me zë të lartë për vazhdimin e reformave. Vecanarisht për zgjedhje të lira dhe demoktatike. Shqipëria nuk mund të ketë progres drejt Europës me një situatë të tillë, pa patur zgjedhje të lira dhe demokratike. Kur njerëzit atje kërkojnë zgjedhje të lira u mbyllet goja duke u qëlluar në rrugë.

TCH: Cila mund të jetë zgjidhja për të dalë nga një situatë kaq e tensionuar kur kemi opozitën që kërkon zgjedhje të parakohshme, ndërsa kryeministri në detyrë i ka thënë me kohë jo kësaj kerkese?

Vickers: Shumë njerëz në Shqipëri, përfshirë një politikan të respektuar si Sabri Godo, kanë kërkuar dhe kërkojnë zgjedhje të reja që në verën e shkuar, përfshirë edhe opozitën. Kjo për mendimin tim është e vetmja mënyrë për të ecur përpara. Që kjo të ndodhë duhet që qeveria aktuale të japë dorëheqjen duke u krijuar një qeveri teknike, e mbikëqyrur nga komuniteti ndërkombëtar për të ndryshuar ligjin e zgjdhjeve dhe më pas të mbahen zgjedhje të reja. Megjithatë, duke parë situatën aktuale jam shumë pesimiste që kryeministri ta lejojë një gjë të tillë. Kjo tregon se c’farë rregjimi të korruptuar dhe autoritar ka në Shqipëri dhe se në cfarë situate të rrezikëshme vëndi juaj ndodhet dhe i gjithë Ballkani në tërësi si rajon.

Angli, tjetër triumf i gazetarisë investigative

2011-02-07T08:54:00.000Z

Nga Londra
Muhamed Veliu

Gazetaria investigative në Britaninë e Madhe ka shënuar suksesin e radhës, ndryshe nga Shqipëria ku gazetarët investigative anatemohen, televizionet ku ata punojnë gjobiten dhe ku drejtori i programit të emisionit “Fiks Fare” etiketohet si çakall nga kryeministri i vendit.

Pas një investigimi të gazetës ‘News of The World’, publikuar vitin e shkuar, tre prej pjesëtarëve të ekipit kombëtar të Pakistanit në kriket janë pezulluar për disa vite të jenë pjesë e këtij sporti pasi u filmuan duke shitur një ndeshje.

Një gjykatë në kryeqytetin Doha të Katarit, bazuar në provat e publikuara nga kjo gazetë, dënoi me 10 vjet për të mos luajtur kriket Salman Butt, kapitetin e skuadrës pakistaneze.

Ndërsa dy lojtarët e tjerë, Mohammad Asif dhe Mohammad Amit, u dënuan për mos të luajtur respektivisht me nga shtatë dhe pesë vjet.

Këshilli Ndërkombëtar i sportit të kriketit, i udhëhequr nga Harron Lorgat që hetoi tre sportistët, lavdëroi investigimin e gazetarit Mazher Mahmood.

“Pa ndihmën e këtij investigimi gazetaresk do të ishte e pamundur të frenonim këtë aktivitet të jashtëligjshëm në sportin e kriketit. Ne jemi shumë mirënjohës ‘News of The World’ për bashkëpunimin” ka deklaruar Harron Lorgat.

Ky investigim zbuloi atë që është cilësuar si skandali më i madh në historinë e sportit ku një bashkëpunëtor i tre lojtarëve pakistanezë u filmua duke marrë 150 mijë stërlina dhe më pas gjatë ndeshjes kundër Anglisë, lojtarët u filmuan duke humbur pikët siç edhe kishin premtuar.

Historia korruptive e tre lojtarëve pakistanezë nuk mbaron këtu. Më 17 mars ata duhet të paraqiten në një gjykatë në Londër ku do t’i komunikohen akuzat pas një hetimi të Scotland Yard bazuar në provat e mbledhura gjatë investigimit nga ‘News Of The World’.

Nëse ata do të shpallen fajtorë rrezikojnë të dënohen me nga 7 vjet burg.

Amnesty International : "Të mos pengohet prokuroria"

2011-02-04T15:00:00.001Z

Nga Londra
Muhamed Veliu

Pas deklaratës së djeshme në mbrojtje të katër gazetarëve shqiptarë që ishin përfshirë në planet e komisionit hetimor parlamentar për t’i kontrolluar tabulatët, Amnesty International ka publikuar sot një tjetër reagim shqetësues për mos lejimin e prokurorisë në zbatimin e ligjit.

Kjo organizatë ka shprehur shqetësimin për abuzimet verbale të adresuara nga kryeministri Berisha ndaj kryeprokurores së përgjithëshme Ina Rama.

Andrea Huber, zëvendësdrejtore e Amnesty International për Europën, ka shprehur shqetësimin për pengesat që po ndesh prokuroria në marrjen në pyetje të drejtuesve të Gardës së Republikës.

“Amnesty International shpreh shqetësimin për injorimin e kërkesës së zyrës së prokurores së përgjithëshme në zbatimin e urdhër-ndalimit për gjashtë drejtuesit kryesor të Gardës së Republikës, të cilët kërkohen të hetohen për vdekjen e tre personave, të shkaktuar nga përdorimi i armëve të zjarrit gjatë protestave të 21 janarit” thuhet në deklaratë.

Gjithashtu, Amnesty International vëren se Policia e Shtetit ka injoruar kërkesën e prokurorisë duke ndërhyrë në mos zbatimin normal të ligjit.

Zonja Andrea Huber e mbyll deklaratën e saj duke dënuar sjelljen e kryeministrit Berisha ndaj kryeprokurores Ina Rama.

“Amnesty International shpreh shqetësim të thellë për gjuhën abuzuese të kryeministrit Berisha ndaj prokurores së përgjithëshme, gjë e cila nënvleftëson respektin për ligjin në Shqipëri”, është shprehur ajo.

Hetimi i gazetarëve, reagon Amnesty International

2011-02-03T22:31:00.000Z

Organizata prestigjoze “Amnesty International” i është bashkuar zërave kritik të organizatave të tjera botërore, duke e cilësuar si të padrejtë kërkesën e komisionit hetimor parlamentar për të hetuar tabulatet e telefonave të katër prej gazertarëve më të njohur në Shqipëri.

Andrea Huber, zëvëndësdrejtore e Amnesty International për Europën në një prononcim dhënë korrespondentit të Top-Channel në Londër, Muhamed Veliu, e konsideron kërkesën drejtuar kompanive të celularëve, për marrjen e tabulateve telefonike të katër gazetarëve, nga komisioni parlamentar që heton ngjarjet e 21 janarit si thyerje e të drejtës dhe lirive të gazetarëve për t’u informuar bazuar në të drejtën e informimit të publikut.

“Konfidencialiteti në mbrojtje të burimeve të informimit të gazetarëve është esenciale për lirinë dhe pavarësinë e medias sikurse është edhe integriteti i gazetarëve disa prej të cilëve u dhunuan nga policia më 21 janar në momentet kur ata po kryenin detyrën në raportimin e protestës anti-qeveritare në Tiranë”, thuhet në vijim të deklaratës.

“Amnesty International” në mënyrë të vendosur kërkon të tërhiqet kërkesa e marrjes së tabulatëve dhe se gazetarët duhet të vazhdojnë detyrën e informimit të publikut pa asnjë ndërhyrje.

“Të drejtat e njeriut kërkojnë që gazetarët kanë të drejtë të mbrojnë burimet - thuhet në deklaratë - dhe vetëm në ato raste kur ka një vendim gjykate të bazuar në vlefshmërinë e informacionit që ka burimi për të mbrojtur interesin e publikut ose të drejtat private, vetëm atëherë burimet nuk gëzojnë më mbrojtje”.

Amnesty International e përfundon deklaratën duke ngritur shqetësimin rreth ligjshmërisë së komisionit hetimor parlametar duke deklaruar se: “Amnesty International” vëren se për kushtetutshmërinë e këtij komisioni duhet të shprehet Gjykata Kushtetuese dhe se komisioni parlamentar duhet të jetë objektiv për të vërtetuar se institucionet vepruan për të mbrojtur dhe ndëshkuar ativitetet kriminale që kishin qëllim sulmin ndaj institucioneve dhe thyerjes së

Mashtrimi nigerian mbërrin në Shqipëri

2011-02-03T15:35:00.004Z

Nga Londra
Muhamed Veliu

Nisja e procedimit penal nga policia shqiptare, si të akuzuar për mashtrim ndaj një zyrtari të një banke në Londër dhe dy bashkpuntorëve të tij britanik, është maja e aisbergut e një mashtrimi që ka prodhuruar mijëra viktima në të gjithë botën.

Gjatë javëve të fundit me qindra shtetas shqiptarë përdorues të telefonisë mobile kanë marrë mesazhe në të cilat thuhet se ata janë fitues të 600 mijë paund nga llotaria e kompanisë Nokia.

Por që kjo shumë të behej e tyre ata duhet të paguanin 3 mijë stërlina për shpenzimet ligjore dhe më pas tërheqjen e cmimit të fituar.

Në disa raste mesazhet kërkonin të dhënat personale dhe ato bankare ku do ti transferohej shuma prej 600 mijë stëtlinash.

Top-Channel ka mësuar se të tilla mesazhe kanë mbërritur edhe në telefonin celular të një zëvëndës ministri në kabinetin Berisha dhe në celularin e kryeredaktorit të lajmeve në një prej televizioneve të Tiranës.

Mesazhet dërgohen nga një munër me prefiks 353 që i përket Irlandës.

E gjitha kjo është një formë mashtrimi e vënë në veprim që prej vitit 1980 nga shtetas nigerian që jetojnë në Britaninë e Madhe.

Në zhargonin e përditshëm të agjentëve të luftës kundra krimit ekonomik në Scotland Yard ky lloj mashtrimi njihet si “Nigerian Fraud” mashtrimi Nigerian që organizohet përmes mesazheve sms, postës elektronike apo dërgimit me postë të një njoftimit për fitimin e një llotarie.

Një studim i kryer në vitin 2006 mbërriti në përfundimin se gjatë një viti në Britaninë e Madhe shuma e përfituar nga gruper kriminale nigeriane përmes këtij mashtrimi ishte 150 miljon stërlina.

Dita ndërkombëtare e kujtesës nderohet ambasadori Zef Mazi

2011-01-30T15:01:00.001Z

Nga Londra
Muhamed Veliu

Në ditën ndërkombëtare të kujtesës komuniteti hebre në Londër në bashkëpunim me Forumin e Tre feve në Britaninë e Madhe, kanë vlerësuar ndihmën dhënë hebrenjve, nga shqiptarët gjatë luftës së dytë botërore, duke i akorduar amabasadorit Zef Mazi medaljen e arit të këtij forumi.
Motivacioni medaljes është "Ne shenjë mirënjohje për kontributin e shquar në mirëkuptimin ndërfetar".
Forumi Tre Feve ne Britanine e Madhe, është një organizatë mjaft prestigjoze me qendër në Londër dhe aktivitet të gjerë ndërkombetar.
Ndër një numër kandidatësh, pasi analizoi karrierën dhe veprimtaritë, përzgjodhi dhe unanimisht vendosi që cmimin më te lartë të saj - Medaljen e Arit të Forumit - t'ia akordojë Ambasadorit të Shqipërisë në Britaninë e Madhe Zef Mazit në rolin e përfaqësuesit të Shqipërisë dhe popullit shqiptar.
Kjo medalje iu dorëzua ambasdorit Mazi , në Qendrën Kulturore Cifute në Londër, duke përkujtuar kontributin unikal që shqiptarët kanë dhënë në mbrojtjen dhe shpëtimin e gjithë hebrenjve që jetonin dhe që erdhën në Shqipëri gjatë Luftës së II Botërore, për t'i shpëtuar shfarosjes naziste.
Pas dorëzimit të medaljes ambasadori Mazi tha se "është vlerësim dhe nder mjaft i madh që kjo Medalje e lartë u vendos që të më akordohet mua, me atë motivacion mjaft domethënës, si përfaqësues i vendit dhe popullit tim, dhe pikërisht në ditën përkujtimore të Holokausttit.
“Jam shumë krenar që kjo medalje do të ndihmojë sado pak për të përmirësuar dhe ngritur lart imazhin dhe emrin e vendit tim në arenën ndërkombetare pikërisht në këto momente" deklaroi ambasadori Mazi.
Një medalje e tillë i është akorduar më parë Mbretëreshës Elisabeta II, ish Presidentit të Gjermaniseë Johanes Rau, Princit Oto fon Habsburg, dhe disa udhëheqësve të tjerë të shquar botëror që kanë kontribuar për të promovuar mirëkuptimin dhe marrëdhëniet paqësore ndërmjet feve.
Me rastin e kesaj ceremonie, Ambasada Shqiptare në Londër në bashkëpunim me Qendrën e Kulturës Cifute , organizuan edhe shfaqen e dy filmave dokumentarë mbi rolin e shqiptarëve në shpëtimin e cifutëve gjatë Luftës II Botërore.

Drejtësia britanike vendim kundër drejtësisë shqiptare

2011-01-28T12:02:00.001Z

Nga Londra
Muhamed Veliu

Gjykata e Lartë në Londër nëpërmjet një vendimi, është shprehur se “drejtësia shqiptare nuk ka paraqitur argumentat e nevojshme që vërtetojnë se në Shqipëri rigjykimi personave të dënuar në mungezë zbatohet”.
Kjo gjykatë i ka dhënë të drejtë apelit të shtetasit shqiptarë Astrit Bulla i dënuar në mungesë me 10 vite burg për grabitje me armë, ngjarje e ndodhur në vitin 1996 për të cilën ai ka mohuar autorësinë.
Vendimi ka bllokuar ekstradimin e Bullës pasi gjykata mbërriti në përfundimin se drejtësia shqiptare ka lënë pa sqaruar shumë cështje duke mos ofruar garancitë e duhura për rigjykim.
Një raport i hartur nga një avokat shqiptarë me mbiemrin Gorgji tregon se në shumë raste personat e ekstraduar të dënuar në mungesë nuk u lejojet rigjykimi sic e parashikon ligji shqiptarë dhe konventat ndërkobëtare.
Gjykata e ka marrë për bazë raportin duke kokluduar se përgjigjes së shtetit shqiptarë ndaj këtij raporti i mungonin sqarimet e nevojshme.
Gjithashtu Gjykata e Lartë në Londër ka pranuar vështirësitë në interpretimin e cështjeve të ekstradimit por vëren se interpretimi këtyre cështjeve në përgjigjen e dhënë nga Ministria e Drejtësisë në Tiranë ka humbur kuptimin.
Në faqen tre të vendimit gjykatësi Lord Justice Sullivan thotë se “nga materialet e paraqitura përpara gjykatës është pothuajse e pamundur të sigurohemi se Astit Bullës do ti lejohet e drejta e rigjykimit”.
Edhe në të shkuarën kjo gjykatë gjatë viteve 2005-2008 është shprehur kundër shtetit shqiptarë për cështjen e rigjykimit duke bllokuar ekstradimin e personave të kërkuar.
Ndërsa gjatë viteve 2008-2010 vendimet e dhëna nuk shprehnin shqetësim për rigjykimin e shtetasve shqiptarë të arrestuar në Angli me kërkesë të drejtësisë shqiptare.
Vendimi i fundit nga kjo gjykatë, është një hap prapa për drejtësinë shqiptare, falë gamimeve të atyre që hartojnë dokumentacionet përkatëse, pasi rasti Bulla i kthyer tashmë në precedent juridik për këtë gjykatë, do të shërbejë për bllokimin e ekstradimeve në raste të ngjashme kur do të kërkohet ekstradimi personave të dënuar në mungesë.

Kriza financiare mbyll BBC në Shqip

2011-01-26T11:47:00.000Z

Nga Londra
Muhamed Veliu

“Ju flet Londra po dëgjoni BBC në Shqip”. Këto fjalë që kanë shoqëruar miljona dëgjues që nga rihapja e seksionit të BBC në Shqip nuk do të kenë mundësi ti dëgjojnë përsëri.

Në kuadër të shkurtimit të shpenzimeve me 16% shërbimi botëror i BBC ka vendosur ndërprerjen e transmentimeve në gjuhën shqipe dhe katër gjuhëve te tjera.

Ndërprerja e transmetimeve është konfirmuar nga një zëdhënëse e BBC.

Arben Manaj njëri prej themeluesve të BBC në Shqip tha se “kjo mbyllje është për të ardhur keq pasi sipas tij BBC në Shqip ende kishte një rrol për të luajtur në informimin në Shqipëri dhe Kosovë.

“ Vendimi për mbylljen e seksionit tonë dhe disa seksioneve të tjera për arsye financiare është e mirëkuptueshme për vetë situatën e krizës ekonomike” ka deklaruar Manaj.

Dy prej drejtuesve të emisioneve kryesor në Top-Channel Sokol Balla dhe Adi Krasta kanë qenë pjesë e BBC në Shqip.

Sokol Balla e ka komentuar mbylljen si një lajm të keq pasi për të BBC ishte shtëpija e tij profesionale për katër vjet.

“Kam kaluar vite të mrekullueshme dhe ngjarje të mëdha si puci i shtetit në vitin 98, clirimi Kosovës në vitin 1999 apo konflikti në Maqedoni. Gjithsesi mendoj se zbehja e rolit dhe influencës në rajon pas viteve 2002-2003 ishte e prekshme edhe falë rritjes profesionale të medias elektronike lokale. Gjithsesi megjithëse dëgjuesit do ta ndjejnë pak mungesën e BBC në Shqip, sigurisht të gjithë do ndjejmë boshllëkun e madh të shqipes në BBC” ka thënë Balla.

Gjatë viteve të fundit Top-Channel ka patur një bashkëpunim të suksesshëm me BBC në Shqip duke organizuar programin Auditorium në të gjitha qytet shqiptare dhe ato kosovare.

Seksioni shqiptarë në BBC për herë të parë ka nisur transmetimet në gjatë luftës së dytë botërore si Radio Londra për ti ndërprerë ato në vitin 1967 pasi ministria e jashtëme britanike mendonte se kjo radio nuk ishte influencuese për rregjimin e Enver Hoxhës.

Përsëri BBC në Shqip do të shpërndante valët në eter mbrëmjen e 28 shkurtit 1993 duke rifulluar transmetimet pasi gazatari Tim Cook do të ndërtonte një redaksi me gazetarë të përzgjedhur nga Tirana dhe Prishtina.

Paanshmëria dhe influenca e BBC në Shqip nuk do të pëlqehej nga presidenti i athershëm Sali Berisha i cili në vitin 1994 një vit pas rihapjes së BBC në Shqip urdhëroi ndërprerjen e transmetimeve në valën e mesme.

E njëjta situatë do të përsëritej në vitin 1997 kur Shqipëria ishte në gjendje të jashtëzakonshme dhe korrespondentët e BBC në Shqip raportonin zhvillimet nga terreni.

Vrau në Angli, pranga në Kosovë

2011-01-25T17:37:00.001Z

Nga Londra
Muhamed Veliu

“Asnjë nga shtetasit shqiptarë që mundohen t’i fshihen drejtësisë britanike nuk do të mund të jenë të suksesshëm”. Kështu është shprehur detektiv inspektori Nick Sumner i cili hetoi vrasjen e një qytetari britanik me autor një shqiptar.
Gerald Mitre, mëngjesin e 2 janarit 2006, goditi me thikë për vdekje britanikun me ngjyre, Aron Stokes pasi besonte se ai kishte nisur një lidhje me motrën e tij.

Menjëherë pas krimit 25 vjeçari nga Durrësi do të largohej nga Anglia duke i shpëtuar drejtësisë britanike për 6 vjet.

Policia e Kosovës disa ditë më parë bëri të mundur arrestimin e Gerald Mitres i cili në Angli përdorte emrin Aldo Aliaj.

Gjatë javëve në vazhdim pritet ekstradimi i tij në Tiranë.

Provat e siguruara për këtë vrasje në jug të Londrës iu paraqitën nga oficerët e Scotland Yard, gjykatës së Tiranës në vitin 2009 nga ku Gerald Mitre më pas është dënuar në mungesë me 14 vite burg.

“U gëzova shumë kur m’u tregua për arrestimin e vrasësit të djalit tim. Kemi kaluar shumë vite të vështira duke pritur drejtësi për vrasjen e pakuptimtë të Aronit. Na ka munduar shumë gjatë gjithë këtyre viteve fakti se jeta e tij u ndërpre tragjikisht dhe se vrasësi ishte i lirë”, është shprehur nëna viktimës Marilyn Stokes.

Gjatë 10 viteve të fundit 13 shtetas shqiptarë janë dënuar nga gjykatat në Angli me dënime të ndryshme për vrasje të shtetasve britanikë.

Vitin e fundit në 8 raste, oficerët e policisë britanike i kanë paraqitur gjykatave shqiptare provat për krime të emigrantëve shqiptarë, duke siguruar dënimin në mungesë ndaj tyre ose dënimin në prezencë në ato raste kur policia shqiptare ka prangosur të kërkuarit e drejtësisë britanike.

BBC-“Shqipëria lëshon fletëarresti për pjestarët e gardës"

2011-01-23T20:52:00.001Z

Nga Londra
Muhamed Veliu

Koorporata britanike e transmetimeve BBC vazhdon së raportuari rreth zhvillimeve më të fundit në Shqipëri duke e vënë theksin në artikullin e sotëm në mos ekzekutimin nga policia të gjashtë fletë arresteve lëshuar nga prokuroria për punonjësit e gardës.

“Shqipëria lëshon fletëarresti për pjestarët e gardës”. Ky është titulli i artikullit rreth kërkesës së prokurorisë shqiptare për arrestimin e 6 drejtuesve të gardës.

“Tre persona u qëlluan për vdekje jashtë selisë së kryeministrit Berisha të premten” shkruan BBC. Artikulli vijon duke iu referuar pamjeve të transmetuara në televizionet e Tiranës. BBC duke iu referuar këtyre pamjeve, raporton se imazhet e transmetuara tregojnë se të shtënat vinin nga brenda godinës së kryeministrisë.

Artulli BBC-së sqaron se akuzat e ngritura për drejtuesit e gardës kanë të bëjnë me “tejkalim të kompetencave”.

Gjithashu kjo media britanike thekson se tashmë këto fletë arresti të lëshuara nga prokuroria nuk janë ekzekutuar ende nga policia. Kronologjia e asaj që ndodhi të premten është vijimi artikullit ku citohen deklaratat e zotit Berisha i cili fajësojn opozitën.

“Tensioni në Shqipëri u rrit pasi Ilir Meta njëri prej aleatëve më të të rëndësishëm të kryeministrit Berisha dha dorëheqjen javën e shkuar si i akuzuar për korrupsion” shkruan BBC.

“Shqipëria është njëri prej vendeve më të varfra në Europë” rikujton BBC.

Shpresat e këtij vendi për t’iu bashkuar Bashkimit Europian janë të vështira dhe për momentin kanë mbetur në vendnumëro pasi ende nuk ka provuar se faza e tranzicionit ka mbaruar dhe një demokraci funksionale është në zbatim.

Lajmi për lëshimin e urdhër-arresteve ndaj 6 anëtarëve të Gardës së Republikës është pasqyruar gjërësisht edhe nga CNN që i ka kushtuar një vëmendje të vecantë edhe retorikës politike të ashpër që po shoqëron vendin pas protestës të së premtes

Britani, penalizim deputetit abuzoi me fondet

2011-01-13T20:48:00.001Z

Nga Londra
Muhamed Veliu

Një tjetër deputet britanik pritet të dënohet nga gjykata, pasi në mënyrë të jashtëligjëshme përfitoi 14 mijë stërlina nga fondi i shpenzimeve që kanë deputetët.
Eric Illsley, i cili është deputet, ka pranuar akuzat për shpërdorim të fondeve publike duke deklaruar se përpara seancës së ardhëshme ku do t’i lexohet masa e dënimit ai do të largohet nga Parlamenti, duke e cuar zonën e tij elektorale në zgjedhje të parakohëshme.

Përpara pranimit të akuzave në gjykatë, deputeti Eric Illsley tha se ai i kërkonte falje votuesve të tij, familjes dhe miqve për turpin e shkaktuar nga ky veprim, për të cilin ndjente keqardhje.

“Kam nisur të paketoj materialet e zyrës time në Parlament, pasi kam vendosur ta dorëzoj mandatin e deputetit përpara përaqitjes së ardhëshme në gjykatë”, deklaroi ai.

Illsley që prej vitit 1987 është zgjedhur deputet në disa legjislatura nga partia Laburiste, e cila e përjashtoi nga radhët e saj që në momentin kur prokuroria ngriti akuzat.

Ishte lideri i Laburistëve, Ed Milliband ai i cili kërkoi largimin nga Parlamenti të ish-kolegut të tij.

Javën e shkuar një tjetër deputet britanik u dënua me 18 muaj burg për të njëjtat akuza. David Caytor ka nisur ta vuajë këtë dënim në burgun Wansworth, pasi pranoi akuzat për përfitimin në mënyrë ilegjitime të 13.500 stërlinave.

Tre nga katër deputetët e tjerë të akuzuar për abuzim me fondet që janë nga partia Laburiste kanë dhënë dorëheqjen nga politika.

Dy deputetë të tjerë, Jim Devine dhe Elliot Morley do të gjykohen gjatë muajve në vazhdim pasi prokuroria ka mbyllur hetimet.

Skandali i abuzimeve me shpenzimet nga deputetët britanikë u zbulua vitin e kaluar përmes një sërë investigimesh të publikuara nga gazetarët e së përditëshmes “Daily Telegraph”.

Julian Assange rrezikon dënimin me vdekje

2011-01-12T11:04:00.001Z

Nga Londra
Muhamed Veliu

Nëse Julian Assange do të ekstradohet në Suedi atëherë një veprim i tillë do t’i hapë rrugë dërgimit në burgun famëkeq të Guantanamo Bay ose dënimit me vdekje.
Ky është njëri prej argumentimeve juridike të formuluara nga avokatët e Assange pjesë e kundërshtimit të ekstradimit që do t’i paraqitet gjykatës në seancën e 7 shkurtit.

Sipas avokatëve menjëherë pas ekstradimit në Suedi, SHBA mund të kërkojnë një ekstradim ose rrëmbim të jashtëligjëshëm duke e dërguar në Guantanamo Bay ose diku tjetër.

Dokumenti hartuar nga avokatët mbrojtës, përbëhet nga 35 faqe. Në të trajtohen më së shumti të drejtat e njeriut që shkelen, nëse ekstradimi lejohet dhe në vecanti analizohet frika e mos dhënies së garancive nga Amerika për mos ta dënuar atë me vdekje.

*Abuzimet me procesin e ekstradimit pasi Assange nuk ka në dispozicion të gjitha provat që posedon Suedia.

*Mos vlefshmëria e mandatit të arrestit.

*Mënyra e hetimit dhe rihapjes së cështjes nga prokurorët suedez.

*Tentativat politike që fshihen pas kërkesës së ekstradimit janë disa prej cështjeve që formojnë argumentat e mbrojtjes kundra ekstradimit.

Gjykatësi Anthony Evans më 7 dhe 8 Shkurt do të dëgjojë palët për të dhënë vendimin disa javë më pas.

Julian Assange pas përfundimit të seancës së djeshme deklaroi se ishte i vendosur të vazhdonte publikimin e kabllogramëve të diplomacisë amerikane.

“Puna jonë me WikiLeaks vazhdon e pandalshme. Ne do ta intensifikojmë publikimin e ‘CableGate’ dhe të tjera materialeve. Ato do të publikohen në bashkëpunim me mediat tona partnere në të gjithë botën gazeta të mëdha dhe të vogla përfshi disa organizata të drejtave të njeriut”, ka thënë ai.

Ekstradimi i Assange do të jetë një sagë më vete pasi nëse gjykatësi Evans lejon ekstradimin ish-hakeri australian ka të drejtën e apelit në Gjykatën e Apelit, atë Supreme në Angli përfshi Gjykatën Europiane të të drejtave të njeriut në Strasburg

Julian Assange sërish përpara gjykatës

2011-01-11T14:10:00.001Z

Nga Londra
Muhamed Veliu

Julian Assange themelues i WikiLeaks ka dalë përsëri përpara një gjykate londineze në të cilën zakonisht paraqiten të akuzuarit për akte terroriste, në një seancë gjyqësore me qëllim përgatitjen e nisjes së proçesit të ekstradmit.

Për seancën e sotme ishte zgjedhur gjykata Belmarsh Magistrate Court e ndërtuar disa vite më parë posaçërisht për gjykimin e të akuzuarve për terrorizëm.

Nën shoqërinë e dy gardianëve, përballë një xhami të blinduar 39 vjeçari me origjinë australiane, ka ndjekur i qetë bashkëbisedimin mes avokatit, përfaqësueses të Suedisë dhe gjykatësit.

Të vetmet fjalë që ai shqiptoi në gjykatë ishte emri, adresa dhe mosha kur u pytet t’i deklaronte ato.

Njeriu që tronditi diplomacinë amerikane me publikimin e kabllogramëve, kërkohet të ekstradohet nga Suedija, për ngacmim seksual dhe përdhunim të dy grave ndodhur vitin e shkuar akuza të cilat ai i ka mohuar.

Nën drejtimin e gjykatësit Nicolas Evans seanca e sotme ka zgjatur vetëm 10 minuta ku është vendosur se kur do të zhvillohet seanca e ardhshme, ku do të shqyrtohet kërkesa e ekstradimit.

Gjykatësi Evans vendosi datat 7 dhe 8 shkurt për shqyrtuar kërkesën suedeze duke e lënë Assange të lirë me kusht duke u paraqitur, në polici dhe nën një monitorim elektronik.

Seanca e sotme është ndjekur nga më shumë se 200 gazetarë të mediave botërore duke transmetuar live nëpërmjet rrjetit social Twitter, zhvillimet në gjykatën londineze.

Falë këtij interesimi avokati mbrojtës Geofrey Roberson i kërkoi leje gjykatës që t’i shpërndajë medias argumentat kundra ekstradimit.

Gjykatësi Nicolas Evans e ka pranuar kërkesën duke lejuar shpërndarjen e këtij dokumenti në fillim të seancës së ardhshme.

Avokatët e Julian Assange që kundërshtojnë ekstradimin e kanë cilësuar atë si të motivuar politikisht me qëllimin final ekstradimin e tij në Amerikë

Angli-Rreh fëmijën, dënohet emigranti shqiptar

2011-01-11T13:51:00.001Z

Nga Londra
Muhamed Veliu

Një emigrant shqiptar është përballur me ligjin anglez për rrahjen e fëmijës 2 vjeç, duke i shpëtuar një dënimi me burg pasi pranoi akuzat për goditjen e të miturit.

Gjykatës së krimeve Snaresbrook Crown Court iu tregua me detaje se si Artan Galica rrahu të miturin si ndëshkim për sjellje të keqe.

Galica, 25 vjeç, me profesion kamarier në një restorant ishte duke lyer me bojë dhomën e fëmijëve kur është mërzitur nga sjellja e 2 vjeçarit të cilin ka nisur ta godasë me forcë duke i shkarkuar dëmtime trupore.

Prokurori i çështjes tha se ishte nëna e të miturit ajo e cila dalloi dëmtimet kur po e lante 2 vjeçarin.

Emiganti Artan Galica pranoi në gjykatë akuzën për dëmtime trupore të fëmijës duke i shpëtuar një burgimi që për këtë vepër penale, ndëshkohet deri me 5 vite burg nëse nuk pranonte fajin.

Pranimi fajësisë është vlerësuar nga gjykatësi i cili shprehu habi për dhunën e panevojshme, ndaj të miturit duke e dënuar Galicën me 100 orë punë vullnetare.

Rrahjet e të miturve merren shumë seriozisht në Britaninë e Madhe veçanërisht pas disa çështjeve kriminale me profil të lartë dy vitet e fundit, kur nga rrahjet e prindërve apo kujdestarëve të miturit kanë gjetur vdekjen.

Angli-"Herkuli” shqiptar mohon akuzat për trafik droge

2011-01-10T22:17:00.001Z

Nga Londra
Muhamed Veliu

Xhimi Marku, tre herë fitues i konkursit “Burri më i Fortë në Angli” i ka mohuar akuzat si i përfshirë në trafik droge.

Paraditen e së hënës ai ka dalë përpara Gjykatës së Krimeve në Harrow për t’u shprehur rreth akuzave të ngritura.

Marku së bashku me dy persona të tjerë është arrestuar më 19 nëntor 2010 me 10 kg kanabis sativa në zonën Willesden Green në veri të Londrës.

Menjëherë pas arrestimit zyra e shtypit e Scotland Yard tha se arrestimi ishte zhvilluar pas një informacioni të siguruar për shit-blerje të një sasie droge.

36 vjecari Marku në mënyrë kategorike ka mohuar përfshirjen në këtë aktivitet kriminal. Dy të bashkëakuzuarit me Markun, shqiptari Adriatik Dosti 27 vjec dhe irlandezi i Hugh McCourt 40 vjec, pranuan akuzat për posedim të lëndës narkotike me qëllim shpërndarje.

Dostit dhe Mccourt do t’i lexohet masa e dënimit në javët në vazhdim ndërsa Xhimi Marku do të gjykohet për posedim dhe shpërndarje droge më 21 Mars.

Mbetet ende e paqartë përfshirja e Markut në këtë histori por me sa duket ai është ndodhur në vëndim e gabuar në momentin e gabuar kur ka ndodhur arrestimi.

Në komunitetin shqiptar në Angli ai është parë gjithmonë si një shqiptar i suksesshëm dhe model për t’u ndjekur nga të rinjtë shqiptar. Gjatë të gjitha pjesmarrjeve në konkursin “Burri më Fortë” megjithëse Marku ka përfaqësur Anglinë ai gjithmonë me krenari ka pohur origjinën shqiptare.

Lajmi për arrestimin e tij ka ardhur shumë papritur dhe si një tronditje për komunitetin shqiptar në Britaninë e Madhe që krenonet me një sportist të llojit të vecantë sic është Xhimi Marku.

Londër, gjykata lejon ekstradimin e Riza Vatocit

2011-01-10T17:23:00.003Z

Nga Londra
Muhamed Veliu

Gjykata e ekstradimeve në Londër i ka hapur dritën jeshile ekstradimit për në Shqipëri të një shtetasi shqiptar i arratisur nga Burgu i Lezhës në vitin 1997.

Riza Vatoci kërkohet të ekstradohet, pasi është dënuar me 15 vite burg nga Gjykata e Krujës për tentativën e vrasjes në vitin 1996 të Përparim Gjonajt duke e goditur atë 6 herë me armë zjarri.

Për 39-vjeçarin me origjinë nga Tropoja ky ishte procesi i dytë i ekstradimit në ngarkim të tij nga ku ai ka mohuar të jetë personi që kërkon drejtësia shqiptare.

Në vitin 2009 Vatoci që udhëtonte me një pasaportë britanike është arrestuar në Bolonja.

Disa muaj më pas për mungesë provash gjykata e këtij qyteti e ka lënë të lirë për t’u rikthyer në Angli ku është arrestuar përsëri në tetor 2010.

Zyra Interpol Tiranes ka siguruar disa foto të vjetra të Riza Vatocit të cilat ishin pika e kthesës për të vërtetuar se personi arrestuar është ai i cili tentoi vrasjen e Përparim Gjonajt.

Gjykatësi David Colman që lejoi ekstradimin e Vatocit, tha se të gjitha provat përpara tij janë të mjaftueshme të vërtetojnë se personi përpara kësaj gjykate është ai që kërkohet nga drejtësia shqiptare.

Riza Vatoci kishte mbërritur në Angli si azilant politik në vitin 1999 duke përdorur po këtë emër, por duke ndryshuar datën dhe vendin e lindjes.

Megjithëse ai ishte në listat e personave të kërkuar të Interpolit, kishte mundur që në vitin 2005 të përfitonte një pasaportë britanike, pasi kishte fituar nënshtetësinë.

Pranga londineze vrasësit Marash Gjoka

2011-01-09T11:20:00.001Z

Fshihej në Angli që prej vitit 1999. Interpol Tirana 8 muaj hetime për të zbuluar vendfshehjen

Nga Londra
Muhamed Veliu

Policia kriminale londineze Scotland Yard ka prangosur për llogari të drejtësisë shqiptare njërin prej 200 shtetasve shqiptarë më të kërkuar në të gjithë botën nga Interpoli.Marash Gjoka është prangosur mbrëmjen e të mërkurës në zonën Lewisham ne Londer, duke pretenduar se ai ishte një shtetas kosovar me emrin Mark Toma.
48 vjecari Gjoka i skeduar në kartelat e kuqe të Interpolit, është dënuar nga gjykta Lezhës me 20 vite burg për vrasje.
Nga fletë arresti ndërkobëtar mësohet se në muajin Maj 1999 tek vendi i quajtur Ura Lezhë, ai ekzekutoi me armë zjarri Tonin Dashin.
Pas vrasjes Gjokaj me origjinë nga Velipoja është larguar nga Shqipëria për tu fshehur në Angli.
Vëndfshehja e vrasësit Gjoka u zbulua pas 8 muaj hetimesh të Interpol Tiranës dhe oficerit të ndërlidhjes së polisicë shqiptare pranë Ambasadës shqiptare në Londër, të cilët kishin siguruar informacione se ai fshihej në shtetin ishull.
Marash Gjoka ka dalë përpara gjykatës së ekstradimeve, duke u shtirur sikur nuk kuptonte atë c’ka po thoshte gjykatësi gjatë procesin e ekstradimit dhe duke shfaqur shenja të një tronditje psiqike.
Ai refuzoi të ekstradohet vullnetarisht për në Shqipëri duke mbetur në paraburgim deri seancën e radhës më 2 Shkurt.
Zyrtarë të lartë të policisë shqiptare vitin e shkuar i deklaruan medias britanike se 80 vrasës shqiptarë fshihen në Britaninë e Madhe. Të dhënat e tyre i janë dërguar Scotland Yard.
Arrestimet e disa shqiptarëve “wanted” vitin e shkuar janë mundësuar falë një bashkëpunimi të gjerë mes zyrës së Interpol Tiranës dhe homologëve britanik.
Megjithatë numri personave të arrestuar dhe ekstraduar në Shqipëri nga Britania e Madhe është i ulët në krahasim me vendet fqinjë si Italia apo Greqia.
Anglia ka një sistem shumë strikt, procedurash ekstradimi që zgjasin 6 dëri në 12 muaj.
Arrestimi i Marash Gjokës e con në tetë numrin e shqiptarëve të arrestuar në Angli në pritje të perfundimit te procedurave të ekstradimit.

Rooney zbulon talentin shqiptar

2010-12-30T12:44:00.001Z

Nga Londra
Muhamed Veliu

Wayne Rooney, njëri prej futbollistëve më të suksesshëm për momentin në futbollin anglez, e ka shpalosur talentin që kur ishte fëmijë, fillimisht duke shkelmuar topin nëpër rrugët e qytetit të Liverpoolit.

Duke mos harruar fëmijërinë e vështirë dhe dëshirën për t’u bërë futbollist, çdo vit në bashkëpunim me stacionin televiziv SKY, ai zhvillon një konkurs për të zbuluar talente futbolli.

Këtë vit në edicionin e tretë të konkursit “Futbollistët e rrugës të Wyane Rooney-it” u paraqitën 3 mijë persona nga të cilët u përzgjodhën 100 dhe më pas 10 ku mes tyre ishte edhe një shqiptar.

Shpresim Vulaj, i cili jeton në Londër, kaloi me sukses të gjitha fazat e konkurrimit duke mbërritur në finale ku morën pjesë tre konkurrues.

19-vjeçari i veshur me një bluze të kuqe dhe shqiponjë të zezë, është duartrokitur nga të pranishmit, mes tyre shume shqiptarë, në finalen e zhvilluar në Manchester dhe të ndjekur nga miliona britanikë përmes SKY.

Shkodrani Vulaj, i cili ka shpalosur një teknikë të lartë në gjuajtjen e topit, është renditur i treti, pasi është përpjekur të japë maksimumin gjatë një ushtrimi të vështirë.

Ai është një djalë i qetë që flet pak, por ama me pasion për këtë eksperiencë të bukur dhe të vlefshme në konkursin e Wane Rooneyit.

I shoqëruar nga babai Xhelal Vulaj, e takojmë Shpresimin në veri të Londrës, jo shumë larg zonës ku ai banon. E pyesim në fillim si i lindi ideja për t’u paraqitur në fazën seleksionuese të këtij konkursi.

“Kisha dy vjet që e ndiqja këtë program nga ku më lindi dëshira për të marrë pjesë, pasi isha i bindur që do t’i kaloja provat për të mbërritur në finale”, thotë Vulaj.

Shpresimi tregon se gjatë të gjithë konkursit Rooney shikonte për ata konkurrentë që kishin cilësi të veçanta mbi të gjitha vlerësonte teknikën. Përpara çdo ushtrimi ai vetë kryente demonstrimin.

“Ishte privilegj, njëkohësisht një eksperiencë e jashtëzakonshme, për mua të merrja instruksione për kryerjen e ushtrimeve nga një futbollist i cilësuar si George Besti i ri. Rooney ishte një djalë i thjeshtë, pa çka se ai tashmë ka statusin e njërit prej yjeve të futbollit anglez”, tregon Shpresimi.

Katër episodet e finales janë regjistruar në Manchester ku nuk ka në munguar edhe surprizat për tre finalistët.

Shpresimi tregon se një natë më parë na u tregua se Rooney i kishte ftuar të ndiqnin një ndeshje të nesërmen të Manchester United në Old Trafford.

Për të marrë tre finalistët, ai dërgoi një limuzinë dhe kishte rezervuar një prej bokseve VIP nga ku tre finalistët e ndoqën ndeshjen.

Gjatë njërës prej ditëve kur po xhirohej programi, Wayne kishte ditëlindjen. Shpresimi do t’i dhuronte një bluzë të kuqe me shqiponjë të cilën e ai e pëlqeu.

Ky moment është filmuar dhe transmetuar në puntatën e tretë ku Rooney thotë “më pëlqen”. “Kjo është në shenjë mirënjohjeje për ndihmën dhe këshillat e tua gjatë këtij konkurrimi .Kur të mbaroj konkurrimin e sotëm, do ta firmos”, i ka thënë i riu shqiptar, duke bërë shaka.

Dita e finales është pritur me tension nga tre konkurrentët të cilët e shprehin atë haptas gjatë intervistave përpara mbërritjes në sallën e përzgjedhur për dy ushtrimet finale.

I pari që nis ushtrimin e finales është Shpresimi. Nga tre tuba plastike lëshohen topa, ku konkurrenti me dy prekje duhet t’i fusë në një kuti që saj vjen dhe largohet nga pozicioni i tij.

Shpresimi arriti të fusë në kuti pesë topa gjatë kohës së lejuar. Shtatë topa futi në kuti konkurrenti i dytë dhe nëntë i treti. Vendimi i Rooneyt ishte i vështirë, siç edhe ai e thotë vetë gjatë programit.

I larguari ishte Shpresim Vulaj, të cilit i uron fat. Fitimi i konkursit pa dyshim do të ishte një arritje madhore për të. Megjithatë, mbërritja në finale i shërben promovimit të tij për të ardhmen.

Ai nuk është aspak i dekurajuar përse zuri vendin e tretë, por premton se do të marrë pjesë përsëri vitin e ardhshëm duke tentuar fitimin e vendit të parë.

I riu shqiptar që bëri realitet këtë dëshirë, ka nisur të luajë futboll që në moshën 9-vjeçare, kur tërhoqi vëmendjen e agjentëve nga qendra e zbulimit të talenteve në ekipin e Tottenhamit.

Më pas ai ka luajtur me disa ekipe të 13-vjeçarëve si ato të Southamptonit, Harringeyt dhe Kentish Town në Londër në ligat semiprofesionale.

Pasi ka kaluar me sukses dy kurse të FIFA-s, Shpresim Vulaj aktualisht punon edhe si trajner pranë ekipit të Arsenalit, për moshat 5 deri 15 vjeç.

Dëshira e tij e madhe është aktivizimi në ligat profesioniste angleze, duke përfshirë veshjen e fanellës së përfaqësueses shqiptare për të rinj.

Britani, ministri "rrebel" ne kurthin e gazetareve investigative

2010-12-21T21:47:00.003Z

Nga Londra
Muhamed Veliu

Zërat për një sërë problemesh në gjirin e koalicionit qeverisës të drejtuar nga kryeministri David Cameron janë vërtetuar përmes një investigimi nga dy gazetarë të së përditshmes “Daily Telegraph”.

Është Vince Cable, ministri që mbulon çështjet e biznesit, nga Partia Liberal Demokrate që ka shprehur një mori pakënaqësish gjatë një bisede me dy gazetarët e paraqitur si votues në zonën e tij elektorale.

Cable gjatë bisedës të regjistruar në mënyrë sekrete tha se ai ka të gjitha mundësitë për të rrëzuar qeverinë nëse ai do të shtyhet për të bërë më shumë se ç’është e mundur nga kolegët e tij konservatorë.

I pyetur nga gazetarët investigativë se çfarë influence ai ka në qeverinë e kryeministrit Cameron, ministry ka dhënë këtë përgjigje:

“Dua të jem shumë i siqertë me ju. Unë kam një mundësi nukleare. Është njësoj si të luftosh një luftë. Ata e dinë që unë kam një armë nukleare, por unë nuk kam ndonjë armë konvencionale. Nëse do të shtyhet për të bërë më shumë se ç’është e mundur, atëherë unë largohem nga kabineti qeveritar duke e rrëzuar qeverinë. Ata e dinë këtë”, ka deklaruar Cable.

Më tej gjatë bisedës zoti Cable ka ilustruar situatën brenda koalicionit me detajet e disa debate mes konservatorëve dhe liberaldemokratëve siç janë ato për bankat, çështjet e emigracionit apo rritjen e tarifës për të ndjekur universitet.

Si një betejë konstante e ka cilësuar ai atë që po ndodh mes partnerëve të koalicionit qeverisës.

Këto deklarata padyshim do të shkaktojnë një valë tronditjeje në politikën britanike.

Jo vetëm kaq, por edhe do të ngrenë një sërë pikëpytjesh për vijimin e koalicionit pasi deklaratat e Cable një politkan popullor tek Liberal Demokratët, janë të sinqerta gjatë bashkëbisedimit.

Kur Daily Telegraph ka kontaktuar Vince Cable të komentonte deklaratat e regjistruara ai ka shprehur keqardhje duke u ndjerë i turpëruar, për të tilla deklarime dhe se nuk ka ndërmend të largohet nga qeveria.

Daily Telegraph ka premtuar publikimin e të tjera investigimeve në ditët në vazhdim, përmes të cilave do të tregohen pakënaqësitë e aleatëve Liberal Demokrat në qeverinë Cameron.

The Times ,Thaci "Akuzat e Marty, propagandë fashiste"

2010-12-21T17:22:00.002Z

Nga Londra
Muhamed Veliu

Prestigjozja britanike “The Times” ka zhvilluar një intervistë me Hashim Thacin, ku ai ka follur rreth trillmeve të Dick Marty.

Që në fillim të intervistës, ish-lideri i UCK-së i cilëson akuzat e Marty si një propogandë fashiste, e frymëzuar nga lobet anti-kosovare.

Sikurse edhe në deklarimet e mëparshme, Thaci në mënyrë kategorike i ka mohuar akuzat duke i treguar “The Times” se ai asnjëherë nuk është përfshirë në trafikun e drogës, apo të ketë urdhëruar vrasje, apo të ketë vrarë vetë ndonjë person.

“Jam tërësisht i pastër ndaj këtyre pretendimeve. Jam i qetë. Unë jam akuzuar për të tilla gjëra që 15 vjet më parë dhe e di që për Europën dhe Amerikën këto akuza nuk janë gjë tjetër përvec se gënjeshtra”, ka deklaruar lideri Partisë Demokratike të Kosovës.

Edhe njëhërë tjetër, nëpërmjet gazetës britanike, Hashim Thaci ka treguar vendosmërinë e tij për t’i cuar në gjykatë shpfijet e senatorit zviceran.

Në vijim të intervistës, Thaci është shpehur se këto akuza nuk e ndalojnë atë që të vazhdojë me axhendën politike që ai ka. “Tre kanë qënë qëllimet madhore në jetën time”, thotë Thaci për “The Times”, duke i shpjeguar ato.

“Clirimi i Kosovës duke udhëhequr shqiptarët gjatë luftës në vitin 1999, shpallja e pavarsisë në 2008 dhe tani sfida më e madhe, integrimi i Kosovës në NATO dhe BE”, ka deklaruar Thaci.

“Tipa si Dick Marty nuk mundën të më ndalonin mua në realizimin e dy qëllimeve të para. Po ashtu nuk do të munden të më ndalojnë në përmbushjen e qëllimit të tretë”, ka theksuar ai.

I kontaktuar nga “The Times”, Dick Marty nuk ka pranuar të komentojë rreth rasportit dhe kundërshtimeve nga pala kosovare.

Ekpertja e OKB Anna Di Lellio: " Dick Marty nuk ka prova"

2010-12-20T16:53:00.004Z

Nga Londra
Muhamed Veliu

Anna Di Lellio është një emër i njohur në qarqet ndërkombetare dhe ato politike në Kosovë. Ajo është një sociologe dhe gazetare e cila ka shërbyer në Kosovë si konsulente e Kombeve të Bashkuara duke kryer një sër detyrash. Që prej vitit 1999 Di Lellio është një observuese dhe njëkohësisht raportuse e ngjarjeve të atjeshme duke i publikuar ato nëpër gazetat më me emër në Europë dhe Amerikë.
Aktualisht ajo është profesoreshë e mardhënieve ndërkombëtare në universitetin e “New School të New Yorkut”. Gjatë një interviste ekskluzive për Top-Channel unë fillimisht e pyeta zonjen Di Lelloi se cila është pikëpamja e saj rreth akuzave tejet të rënda në raportin e publikuar nga Dick Marty.

Nuk mund të komentoj me saktësi rreth këtyre akuzave pasi nuk e kam lexuar raportin. Ato janë thjesht akuza bazuar në thënie të ndryshme të cilat meritojnë një hetim të plotë në mënyrë që cilido më pas të komentojë rreth tyre.

Gjatë kohës që keni punuar në Kosovë a keni dëgjuar rreth të tilla krimeve monstruoze të kenë ndodhur gjatë luftës sic përshkruhen në raport?

Jo. Kurrë nuk kam dëgjuar të tilla gjëra. Unë kam mbërritur në Kosovë në vitin 1999 ekzaktësisht në përfundim të luftës. Përpara se të mbërrija atje isha në kampet e refugjatëve në Shqipëri. Kurrë nuk dëgjuar të tilla gjëra por e para herë që kam dëgjuar ishte në 2004 kur për herë të parë akuza të tilla u bënë publike nga Carla Del Ponte e cila hetoi këto akuza por pa sukses. Është disi e cuditshme që po të njëjtat akuza ringrihen përsëri.

A besoni se raporti në vetvete ka prova të mjaftueshme ku t'i mbështesë akuzat?
Jo. Raporti nuk ka paraqet ndonjë provë është thjesht i bazuar në gojdhëna të ndryshme. Unë mendoj se do të jetë në interes të zotit Thaçi si ish-udhëheqës i UCK-s të kërkojë një hetim të plotë. Unë nuk dua të them që jam 100% e sigurtë por jam shumë e sigurtë se anjë gjë nuk ka për tu vërtetuar apo gjetur në këto akuza të përmendura në raport.

Pas publikimit të këtij raporti, mendoni se komuniteti ndërkombëtar në Kosovë ka arsye të fortë për të nisur një hetim kriminal?

Po, unë besoj se janë arsye të forta për një hetim të tillë nga Këshilli Europës. Është në interes të personave të përmenduar në raport, të nis një hetim që do të provojë pafajsinë e tyre. Nuk e kuptoj pse njerëzit janë të mërzitur nga e gjithë kjo histori. Këto akzua janë të ngjashme me ato të ngritura në “Librin e Bardhë” që flet për terrorizmin shqiptarë të publikuara në anglisht nga Ministria e Jashtëme serbe disa vite mëparë. Ky ishte një libër që tentonte të kriminalizonte UCK-të gjithë luftën e tyre, pa patur asnjë provë.

Padyshim që ky raport ka dëmtuar figurën e zotit Thaci njëkohësisht imazhin e Kosovës. Zoti Thaci i ka mohuar të tilla akuza. Cila do të jetë rruga më e mirë që ai ta pastrojë emrin e tij nga këto akuza?

Mendoj se ai duhet të kërkojë një hetim. Nuk duhet ti frikësohet anjë hetimi. Nëse ai e bën një gjë të tilla atherë përvec se do të pastrojë emrin e tij njëkohësisht kjo do të vlejë për të gjithë. Të tilla akuza u ngritën disa vitë me parë por kurrë nuk u materializuan në prova. Janë shfaqur përsëri . Vetëm një investigim i plotë do ti qëtësojë ata që përmend në të.

Di Lellio në fund të intervistës thotë se për të ky nuk është një lajm i ri duke marrë si shembull një raport të BBC-së për “Shtëpinë e Verdhë” e cila është në qendër të historisë së tregtisë së organeve. Sipas saj do të jetë një zhvillim interesant për këto gazeta dhe televizione serioze të arrinë e të zbulojnë që këto akuza kanë baza.

John Terry “Makina e bllokuar në Tiranë s’është e imja”

2010-12-19T15:50:00.001Z

John Terry “Makina e bllokuar në Tiranë s’është e imja”

Nga Londra
Muhamed Veliu

Dy ditë më parë, burime policore të cituara nga disa media shqiptare, me plot vendosshmëri dhe siguri, kishin raportuar, për bllokimin në rrugët e Bllokut në Tiranë, të makisës së vjedhur që i përkiste futbollistit John Terry.

Sipas po të njëjtave burime makina kishte dy vjet, që i ishte vjedhur kapitenit, të ekipit të Celsit dhe skuadra e antitrafiqeve në Tiranë kishte përdorur sistemin GPS për ta lokalizuar.

Top-Channel ka mundur të hedhë dritë mbi këtë ngjarje duke zbuluar të kundërtën e këtyre deklarimeve.

Makina me targa angleze LT55EUO bllokuar nga policia e Tiranës javën e shkuar nuk i përket aspak John Terryt.

Është zoti Phil Hall nga kompania PHA-Media i cili kryen rrolin e zëdhënësit për futbollistin e kombëtares angleze, që mohon në mënyrë kategorike se makina në fjalë i është vjedhur klientit të tij .

“Jo. Ajo makinë nuk i përket John Territ. Ai kurrë nuk ka patur ndonjë makinë që ti vidhet. Nuk kam c’të them më shumë. Ata e kanë dhënë komplet gabim këtë gjë”.

Gjithashtu të kontaktuar përmes telefonit Scotland Yard në Londër dhe policia e zonës Surrey ku jeton John Terry konfirmuan se nuk kanë ndonje denoncim nga ky person apo të afërmit e tij, për makinë të vjedhur.

Nga kontrolli në një faqe të specializuar interneti në Angli, të targës së makinës të bllokuar rezulton se kjo makinë është e vjedhur dhe denoncuar në polici më datë 26 Tetor 2010, dhe jo dy vjet më parë sic deklarojnë burimet policore.

Një zëdhënëse e policisë së Tiranës deklaroi se “Interpoli është duke punuar për këtë cështje por ende nuk ka një denononcim nga personi në fjalë” pra John Terry”.

E gjithë kjo histori i ngjan një propagande të shëmtuar nga ata që e kanë orkestruar lëshimin e lajmit ndoshta me qëllimin final, për ti bërë qejfin shefave të tyre, pse jo edhe vetë ministrit të rendit Lulzim Basha se kishin mundur me sukses të bllokonin, makinën e vjedhur të John Territ.

Shtyhet ekstradimi i Kumbaros per ne Shkurt 2011

2010-12-17T20:55:00.001Z

Nga Londra
Muhamed Veliu

Ilir Kumbaro do t’i kalojë festat e fundivit i lirë me kusht për t’u përballur përsëri me drejtësinë britanike në fillim të vitit të ardhshëm kur do të shqyrtohet kërkesa e drejtësisë shqiptare që kërkon ekstradimin.

Gjatë seancës së sotme gjyqësore 17 Dhjetor 2010, përfaqësuesja e shtetit shqiptarë Rachel Scoot dhe John Jones, avokati Kumbaros, i kanë kërkuar bashkarisht, gjykatësit Haward Riddle shtyrjen e seancës ku palët do të paraqesin argumentat dhe kundra argumentat.

“Jemi në pritjeve të zhvillimit të një seance në kolegjet e bashkuara pranë Gjykatës së Lartë në Tiranë për të cilën na është thënë se do të zhvillohet gjatë muajt shkurt”, ka thënë prokurorja Scoot.

Ndërsa avokati Jons, krahas mbështetjes së kësaj kërkese, i kërkoi gjykatësit Riddle lehtësimin e kushteve të lirisë me kusht për ish drejtorin e Drejtorisë së Parë të SHIK-ut për Tiranën, i akuzuar për rrëmbimin dhe zhdukjen e Remzi Hoxhës, përfshi abuzime me detyrën.

Sipas avokatit Johns, është e tepër paraqitja Ilir Kumbaros tre herë në javë në një stacion policie, ndërkohë që ai monitorohen çdo ditë nga një cip elektronik.

Krahas pranimit të kësaj kërkese që Kumbaro të paraqitet vetëm një herë në javë në stacionin e policisë gjykatësi Haward Riddle paralajmëroi palët se pavarësisht zhvillimeve në Tiranë ai është i prirur të shqyrtojë këtë çështje sipas ligjit britanik të ekstradimeve.

Ilir Kumbaro do të paraqitet përsëri përpara kësaj gjykate me 11 shkurt 2011 ku do të vendoset, data finale e zhvillimit të seancës së ekstradimit.

Vilionistja Dizdari, sukses i pandalshem në Londër

2010-12-16T14:03:00.001Z

Nga Londra
Muhamed Veliu

Violinistja shqiptare Alda Dizdari po korr sukses me interpretimin e saj në koncertin më të fundit në Hollin Mbretëror të qëndrës kultutore në Southbank të Londrës.

Koncerti titullohej “Brahm’s Univers” ku ajo ka interpretuar të gjitha sonatat nga kompozitori Brahm.

Pas deputimit në sallën prestigjoze të koncerteve Wigmore Hall në Londër në muajin korrik, ky koncert ishte suksesi i radhës për Aldën, duke u vlerësuar maksimalisht nga publiku dhe media.

Alda Dizdari, tashmë është një emër i spikatur në qarqet artistike në Londër falë një talenti të vecantë.

Gjithashtu falë interpretimeve të shkëlqyera ajo ka bërë emër si soliste nëpër skenat botërore ku ka dhënë koncerte si pjesë e orkestrave më me emër në botë. Rruga drej një kariere tashmë të konsoliduar për violinisten shqiptare ka nisur në Shqipëri në moshën 5-vjecare, kur ajo u dashurua pas instrumentit të violinës, më pas në Rumani ku ajo ka kryer universitetin, masterin në Amerikë dhe së fundmi vijimin e studimeve të avancuara për solistikë në Londër .

Sean Rafferty drejtues i emisionit prestigjon “In Tune” në BBC Radio 3 e ka ftuar Alda Dizdarin ne disa emisione live ku ajo ka interpretuar.

“Interpretim i jashtëzakonshëm. Një artiste e shkëlqyer. Një fillim i mbarë për një violinist shqiptare” me këto fjalë Sean Rafferty komenton interpretimin e saj në studion e BBC-Radio 3.

Instrumenti, që përdor zonjusha Dizdari, është një violinë e Gian Battista Ceruti, Cremona prodhuar në vitin 1791, e cila i është dhuruar nga një sponsor privat.

Julian Assange fiton apelin, gjykata i jep liri me kusht

2010-12-16T13:58:00.002Z

Nga Londra
Muhamed Veliu

Pas një seance gjyqësore dramatike, në Gjykatën e Lartë në Londër të ndjekur nga 200 gazetarë të mediave botërore, shefi Wikileaks Julian Assange ka fituar lirinë me kusht.

Gjykatësi Duncan Ouseley ka kundërshtuar pretendimet e përfaqesueses së Suedisë e cila i tha gjykatës, se nëse Assange fitonte lirinë me kusht, ai do të zhdukej duke mos u paraqitur në gjykatë.

39-vjecari australian, që vazhdon së publikuari kabllogramet e diplomacisë amerikane, do të qëndrojë në një shtëpi në zonën Suffolk, pronë e mikut të tij Von Smith duke u paraqitur cdo ditë ne polici.

Avokatët e zotit Assange kanë depozituar një garanci pasurore prej 240 mijë stërlinash.

Assange i cili kërkohet të ekstradohet në Suedi për dy ngacmime seksuale, ndodhur në muajin gusht 2010, fitoi lirinë me kusht dy ditë më parë nga Gjykata e Ekstradimeve, por përfaqësuesja e Suedisë apeloi.

Të gjitha informacionet e dy ditëve më parë linin të besohej se vendimi për të apeluar lirinë me kusht ishte kërkuar nga Suedia.

Në fakt Suedia nuk e ka kërkuar një gjë të tillë por prokuroria britanike duke hedhur hije dyshimi për një reagim britanik përtej asaj cfarë i është kërkuar nga Suedia.

Më 11 Janar 2011 Julian Assange do të paraqitet përsëri në Gjykatën e Ekstradimeve ku palët do t'i raportojnë gjykatësit progresin e bërë në përgatitjen për seancën finale të ekstradimit.

Gjykata londineze liri me kusht Julian Assange, apelon Suedia

2010-12-14T20:06:00.003Z

Nga salla Nr 1 e gjykates se ekstradimeve ne Londer
Muhamed Veliu

Gjykata londineze e ekstradimeve i ka lejuar Julian Assange lirinë, me kusht pasi miqtë e tij ofruan një garanci pasurore prej 240 mijë stërlinash dhe një adresë ku themeluesi WikiLeaks mund të qëndrojë, por ai nuk e ka fituar menjëherë lirinë pasi përfaqësuesja e Suedisë do ta apelojë dhëninen e lirisë me kusht.

Pas një seance gjyqësore që ka zgjatur 80 minuta gjykatësi Haward Riddle tha se kushtet e reja të paraqitura në aplikimin për liri me kusht, nga avokati Geofrey Robnertson ishin në përputhje me aktin britanik të ekstradimeve.

Krahas garancive pasurore gjykatësi Riddlle tha se Assange duhet të paraqitet çdo ditë në rajonin më të afërt të policisë dhe lëvizjet do t’i monitorohen nëpëmjet një çipi elektronik të vendosur në këmbë.

Von Smith themeluesi “FronTline Club”, në Londër, i tha gjykatës se Assange mund të qëndronte në shtëpinë e tij. Gjithashtu Smith ofroi një garanci pasurore prej 20 mijë stërlinash.

Sara Sander një tjetër mike e Julian Assange vuri në dispozicion të gjykatës shumën prej 150 mijë stërlindash, ndërsa disa persona të tjetër i kanë ofruar gjykatës shumën prej 70 mijë stërlinash.

Julian Assange tek i cili dalloheshin shenja lodhjeje e mirëpriti vendimin duke buzëqeshur, ndërsa nëna e tij prezente në sallën e gjygjit nisi të qajë.

Pavarësisht këtyre zhvillimeve Assange edhe natën e sotme do ta kalojë në burgun Wandsworth pasi shuma prej 240 mijë stërlinash duhet të depozitohet në gjykatë në formën “cash”.

Jemma Lindsphield përfaqësuese e Suedisë tha se do ta apelojë vendimin e dhënises së lirë me kusht në gjykatët e lartë e cila do ta shqyrtojë apelin pas 48 orëve.

Assange do të paraqitet përsëri në këtë gjykatë me 11 Janar 2011 ku palët do t’i rapotojnë gjykatësit progresin në përgatitjen për gjygjin final të ekstradimit që do të zgjasë dy ditë.

Pak përpara mbërritjes në gjykatë Julian Assange ka patur një bisedë telefonike 10 minutëshe me nënën e tij, zonjën Christine Assange e cila kishte ardhur nga Australia.

Nëpërmjet saj njeriu që turpëroi diplomacinë amerikane, ka drejtuar një mesazh të gjithë mbështetëseve të WikiLeaks.

“Tani të gjithë ne e dimë që kompanitë Visa, Master Cards, Paypal dhe të tjera, janë instrumenta të politikës së jashtme të Shteteve të Bashkuara të Amerikës. I bëjë thirrje të gjithë botës të marrë në mbrojtje punën time, njërëzit e mi nga këto sulme ilegale dhe të pamoralshme”, tha ai.

Assange e mbyll këtë mesazh duke deklaruar se ai i qëndron besnik idealeve tashmë të bëra publike dhe se rrethanat aktuale nuk do t’i lëkundin ato.

“Të gjitha këto sulme nuk kanë bërë gjë tjetër përveç se ka rritur vendosmërinë time”, ka thënë ai.

Daily Express-BE, 8,8 miliard euro ndihme vendeve te Ballkanit

2010-12-13T22:40:00.003Z

Nga Londra
Muhamed Veliu

E përditshmja britanike “Daily Express” krtitikon ashpër vendet e Bashkimit Europian për ndihmën prej 8,8 miliard eurosh vënë në dispozicion të vëndeve si Shqipëria, që janë ende shumë larg aderimit në familjen Europiane.

Editori politik i kësaj gazete, Macer Hall shkruan se Shqipëria, e zhytur në varfëri, do të përfitojë gjatë pesë viteve të ardhëshme 320 milionë euro, pavarsisht se për momentin nuk po zhvillon negociata për aderim në BE.

“Ti japësh miliona euro vendeve si Serbia dhe Shqipëria për të luftuar korrupsion, ky është një hap shumë i madh nga Bashkimi Europian, që njihet si një organizatë e korruptuar. Është skandaloze t’i jepen këto para Shqipërisë kur me mijëra familje në Britani janë duke vuajtur financiarisht”, ka deklaruar për “Daily Express” eurodeputeti britanik William Dartmouth.

Duke i cilësuar nënpunësit e Brukselit si burokratë, “Daily Express” shkruan se janë miliarada euro të takspagusve që do t’i shkojnë Shqipërisë, Turiqisë, Bosnjës, Malit të Zi, Kroacisë dhe Serbisë, të cilat mund t’i bashkohen BE-së në një kohë ende të paparashikuar.

Skepticizmi i kësaj gazete britanike është legjitim, pasi në të shkuarën historia e financimeve europiane në Shqipëri është e errët.

Pjesën më të madhe të luanit nga këto fonde e marrin po vetë ekspertët e BE-së, që për një ditë këshillim të këtyre projekteve paguhen mijëra euro nën të ashtuquajturën asistencë teknike e projektit.

Një zyrtar i Komisionit Europian ka deklaruar se kjo ndihmë për këto vende ndihmon indirekt Bashkimin Europian.

Interviste ekskluzive me njeriun qe strehoi Julian Assange ne Londer

2010-12-11T22:17:00.003Z

Nga Londra
Muhamed Veliu

Dalja e fundit në publik e Julian Assange ishte më 4 nëntor gjatë në konference në Zvicër. Pas kësaj date ai ka qëndruar në Angli në dy adresa të ndryshme njëra prej tyre ndërtesa e “Frontline Club” një vend takim i gazetarëve britanikë dhe atyre ndërkombëtarë.
Njeriu i fundit që ka takuar thelemeluesin e Wikileaks përpara se ai të hynte në stacionin e policisë ishte Vaughan Smith, themeluesi “FrontLine Club”. Korrespondenti i Top Channel e ka takuar ate në sallën e konferencave të Front Line Club nga ku Assange më 26 Korrik anoncoi mekanizmin e lëshit të dokumentave sekrete për luftën në Irak dhe Afganistan. Fillimisht Smith u pyet nëse ai u suprizua që zotit Assange nuk ju lejua liria me kusht.

"U suprizova shumë. Unë isha në të njëjtën makinë nga cila e coi në rajonin e policisë. E rikujtoj momentin kur ai vendosi të hyjë në polici, kur më tha se ishte i bindur që do t'i lejohej liria me kusht. Kjo ishte një nga arsyet përse ai u vetëdorëzua. Nuk arrita ta kuptoj përse gjykatësi nuk e lejoi një gjë të tillë pas vetëdorëzimit", thote Smith.

Front Line club është përshkruar në mediat britanike si “selia sekrete e Assange në zemër të Londrës”.

"Julian Assange e ka përdorur Frontline Club si një bazë të tijën në Londër gjatë 4-5 muajve të fundit. Ai nuk ka qëndruar këtu gjatë të gjithë kohës pasi ka udhëtuar për në Suedi apo vende të tjera por ishte Frontline Club ishte një vend qëndrimi i vazhdueshëm për të. Ai pagoi për dhomën ku qëndronte njësoj në Clubet e tjera. Unë isha shumë i interesuar të kisha këtu një njeri interesant shumë të informuar. Edhe gazetarët antarë të club-it tonë e donin një dicka të tillë. Unë i kam pyetur antarët tanë se cfarë mendonin pasi disa e njihnin disa të tjerë jo. Morëm një përgjigje pozitive nga të gjithë ata", shton Smith.

Voughan Smith beson se akuzat për ngacmim seksual nuk qëndrojnë.

"Unë nuk i besoj ato por natyrisht tani kemi të bëjmë me procedura ligjore. Kam biseduar me pesë gazetarë të cilët i kanë investiguar këto akuza. Cdonjëri prej tyre më ka pohuar se ato nuk qëndrojnë sipas pikëpamjes së tyre. Jam shumë rretha dyshues rreth tyre. Fillimisht ai u akuzua dhe më pas ato u rrëzuan nga një prokuror që tha se akuzat nuk qëndronin. Provat ishin të pa mjaftushme. Ai pyeti që mund të largohej nga Suedia pasi qëndroi atje për 40 ditë. Ata kishin kohën e mjaftushme për t'u marrë me këtë cështje. Kur u rikthye në Londër papritur akuzat u ringritën. Unë besoj se një presioni është ushtruar. Këto që them janë bazuar në thëniet e gazetarëve që unë kam biseduar të cilët kanë investiguar këtë cështje", tha Smith.

Sipas Voughan Smith një ish-kameraman në Afganistani ne dhe Kosovë Wikileaks nuk ka shkaktuar dëm ne jetën e njerëzve sic pretendon Amerika.

"Nuk besoj në një gjë të tillë. është e vështirë të thuash se cfarë mund të ketë ndodhur pas këtyre publikimeve. Ne duhet të presim të paktën pesë vjet dhe të shikojmë. Duhet të kuptojmë. Nuk është WikiLeaks që direkt po bën shpërndarjen. WikiLeaks është duke bashkëpunuar me pesë gazetat më të mëdha në botë, të cilat janë duke bërë redaktimet e nevojshme duke fshirë emrat. Eshtë gabim të fokusohemi vetëm tek Wikileaks dhe harruar faktin që dokumentat po kalojnë nëpër kanalet mediatike. Unë jam shumë i qetë me këtë aspekt", shton Smith.

I pyetur nese zoti Smith beson se me 14 dhjetori Assange do t'i lejohet liria me kusht, ai u pergjigj:

"Shpresoj shumë. Për mua do të jetë një tronditje nëse nuk rifiton lirinë me kusht. Një prej shumë gjërave që më shqetëson është ajo që më është thënë nga avokatët e tij të cilët e kanë të vështirë të takojnë dikë që është në burg . Ata kanë vetëm dy orë kohë për ta takuar dhe bashkëbiseduar nga ku mund të ndërtojnë një stategji, një marrëdhënie me klientin që duhet për ta mbrojtur atë sa më shumë që të jetë e mundur. Nuk është aspak një gjë e mire të jesh në të tilla pozita. Kjo është me të vërtetë për t'u shqetësuar".

Më shumë se një ekstradim i Assange në Amerinë për zotin Smith do të kishte vlerë gjetja e një kontrolli më të mirë të internetit.

"Nuk e di nëse ndonjëherë ata do t'ia arrijnë ta ekstradojnë. Mbase ata do të ndryshojë ndonjë ligj kjo nuk do të jetë e drejtë. Shumë njerëz do të mërziten nga një veprim i tillë. Që tani shumë njerëz në Angli janë të shqetësuar. Nëse ai shkon në burgjet amerikane shumë e shumë njerëz do të mërziten. Kjo nuk do të jetë një dicka këndshme. Më mirë le të punohet se si në këtë botë moderne duhet të sillen me WikiLeaks, me internetin për ta kontolluar me mënyra të reja dhe jo arrestuar një njeri që quhet Julian Assange", tha Smith.

Pavarisht deëshirës prej një miku të Assange që ta shikojë atë të lirë , Von Smith e ka mëse të qartë se beteja SHBA kundra Assange do të jetë e gjatë dhe e vështirë.

“FT”, analizë për zgjedhjet në Kosovë

2010-12-11T13:45:00.000Z

Nga Londra
Muhamed Veliu

Prestigjozja britanike “Financial Times” i ka kushtuar një analizë të ngjatë zgjedhjeve të së djelës në Kosovë, me titull “Sondazhet në Kosovë tregojnë rritje të partive të reja”. Albin Kurti, lideri partisë Vetëvendosja, gjithmonë nëpër protesta merr me vete një libër për ta lexuar më vonë nëpër qelitë e policisë.

Kështu e nis analizën “FT”, duke përshkruar profilin dhe ngjarjet që kanë patur si protagonist Kurtin, i cili nga udhëheqës i një levizjeje studentore, tani ndodhet në potizat e një politikani me prominencë.

“Të djelën shteti më i ri i Ballkanit zhvillon zgjedhjet e para që nga shpallja e pavarsisë”, shkruhet në vijim të artikullit, ku nënvizohet fakti se, “grupimi zotit Kurti, së bashku me partitë e reja të cilat kanë një platformë elektorale të pëlqyshme, mund të luajnë një rol në përcaktimin e koalicionit të ardhshëm”.

Duke analizuar rolin e liderëve serbë pro-europianë, “FT” vëren se ata janë duke bashkëpunuar, por këto zgjedhje në Kosovë ngrenë pyetjen se, cili do të jetë qëndrimi qeverisë së ardhëshme të Kosovës pasi shumica e shqiptarëve etnikë i shikojnë negociatat si të pakuptimta, ose të dëmshme.

“FT” për Partinë Demokratike të Hashim Thacit parashikon një garë të ngushtë elektorale përballë ish-partisë partnere në koalicion, LDK-së.

Artikulli vazhdon duke cituar analistë kosovarë të cilët mendojnë se partitë e reja kanë mobilizuar ata që votojnë për herë të parë, duke i larguar ata nga suporti për zotin Thaci.

Duke cituar themeluesin e partisë Fryma e Re, Shpend Ahmeti, kjo gazetë shkruan se qeveria ka dështuar në kryerjen e reformave të parashtruara nga Bashkimi Europian.

“FT” e ka cilësuar ish-koalicionin e mëparshëm qeveritar si “të cuditshëm”, me përbërje nga ish-ushtarët e UCK-së dhe pjesa tjetër akademikët e paraluftës që dështuan në sjelljen e investitorëve të huaj, gjë e cila do të shërbente në uljen e papunësisë që është 40%.

Artikulli mbyllet duke iu referuar sondazheve të cilat nxjerrin si parti të tretë forcën politike të Albin Kurtit me 20%, i cili ka shprehur qëndirimin e tij se një koalicion me PDK-në e Thacit apo me LDK-në e Mustafës është gati i pamundur për momentin.

Mirësevini në bunkerin "Assange"!

2010-12-09T16:02:00.001Z

Nga Londra
Muhamed Veliu

Sikurse vetë jeta e mistershme e Julian Assange bosit të WikiLeaks, po aq i mistershëm mbetej edhe bunkeri ku ai ka të fshehura 251000 kabllogramet amerikane.

Mediat britanike kanë mungur së sigurojnë foto në brendësi të bunkerit nga ku ka nisur shpërndarja e dokumentave sekrete të cilat kanë shkaktuar një tronditje botërore.

I ngjashëm me skenat e filmit Agjenti 007 bunkeri quhet “Pionen data Centre” i ndërtuar 100 mentra nën tonë.

Gjatë luftës së ftohtë bunkeri nuklear është përdorur për qëllime ushtarake ndërsa sot në mënyrë po aq paradoksale po përdoret nga Julian Assange si qendra e një lufte tejet të vecantë në llojin e saj.

Vendodhja e tij ndodhet në parkun Vita Berg, në afërsi të kryeqytetit suedez Stokholm.

Bunkeri që mban sekretet amerikane tashmë të poseduara nga Assange dhe organizata ëikileaks është rihapur në vitin 2008.

Ndërtimi këtij bunkeri mban firmën e arkitektit suedez Albert France-Lanord, i cili e mori inspirimin për ta projektuar atë nga skenat e filmit Agjenti 007.

Eshtë ende e paqartë se si Assange mundi të marrë në përdorim shërbimet që ofron “Pionen data Centre” ku ai ka ruajtur materialet e përfituara nga një burim, që nuk pranoi ta bëjë publik, por që besohet të jetë ushtari amerikan Brandley Manning.

Kush e mbron Julian Assange?

2010-12-09T12:26:00.001Z

Nga Londra
Muhamed Veliu

Julian Assange, themeluesi i WikiLeaks ka kaluar 48 orët e para në qelitë e burgut Wandsworth në Londër. Mbrapa tij qëndron një ekip mbrojtës me avokatë anglez, të cilët po tentojnë bllokimin e ekstradimit.

Por cilët janë juristët që kanë marrë përsipër një mision të vështirë sic mund të jetë mbrojtja e njeriut që iu kundërvu në mënyrën më të ashpër një superfuqie botërore sic janë SHBA.

Në krye të ekipit mbrojtës në Londër qëndron Mark Stephens një avokat me eksperiencë të gjatë i përkushtuar cështjeve të medias.

Stephens është pjesa e dukshme e përfaqësimit ligjor falë një mori deklaratash në media ku ai e ka cilësuar kërkesën e ekstradimit të Assange si “të motivuar politikisht” ndërsa drejtësinë suedeze e ka akuzuar “si orkestruese të një procesi gjyqësor që do t'i përngjajë një show.”

Barrën më të rëndë në prezantimin e mbrojtjes në gjykatë, e mban baristeri John Jones një jurist lider në fushën e ekstradimeve në Britaninë e Madhe përfshi cështjet e terrorizmin.

CV-ja e tij përmban një sëre cështjes të profilit të lartë sic janë marrja në mbrojtje e Naser Orić dhe Rasim Delić që të dy, komandante lufte gjatë luftës në Bosnjë dhe Hercegovinë.

NE CV përfshihet edhe mbrojtja e Ejup Ganic ish- presidentit së Federatës së Bosnjë Hercegovinës duke mundur bllokimin e ekstradimit nga Londra për në Serbi si të motivuar politikisht.

Juristi John Jones që prej 10 Shtatorit 2008 ka marrë në mbrojtje edhe ish SHIK-asin Ilir Kumbaron, ndërsa në vitin 2007 Vullnet Mucellin i kërkuar për t'u ekstraduar në Francë dhe Shqipëri.

Për zotin Johnes ky proces ekstradimi padyshim është një prej sfidave më të mëdha profesionale.

Atij do t'i duhet përsëri t'i argumentojë gjykatës javën e ardhshme kërkesën e lirimit me kusht për Assange.

Në krah të ekipit mbrojtës së Julian Assange janë edhe zonja Jemima Khan një aktiviste e të drejtave të njeriut ish e dashura e yllit të kinemasë britanike, Hugh Grant.

Ken Loach një regjisor i njohur britanik është një tjetër përkrahës.

Gazetari John Pilger një prej legjendave të gazetarisë britanike, mik i shefit të Wikileaks, është një tjetër përkrahës i Assange i cili së bashku me Khan dhe Loach vunë në dispozicion të gjykatës një garanci pasurore prej 180,000 stërlinash.

Prezenca e tyre në gjykatë më 14 Dhjetor duket se do të jetë e paevitueshme duke ofruar përsëri këtë garanci pasurore njëkohësisht duke i shtuar këtij procesi atë që është cilësuar si “Celebrity-Factor”.

Assange nën akuzë "bëri seks pa prezervativë"

2010-12-08T11:27:00.002Z

Nga Londra
Muhamed Veliu

Pas vetëdorëzimit në polici të themeluesit të Wilileaks, Julian Assange dhe refuzimit të lirisë me kusht kundrejt një garancie pasurore prej 180 mijë stërlinash, pyetja e parë që ngrihet është nëse ai do të ekstradohet në Suedi.

Përpara se kjo pyetje të marrë përgjigje duhet të analizohet e gjithë procedura e ekstrdamit duke nisur nga shpjegimi se cfarë është Mandati Europian i Arresit, që në gjuhën ligjore njihet si “European Arrest Warant”.

Mandati Europian i Arresit është i vlefshëm për të gjitha vendet e BE-së për cështje të karaktetit kriminal.

Me t'u lëshuar prej njërit shtet në mënyrë automatike të gjitha shtetet e tjera nisin zbatimin duke arrestuar personin e kërkuar në territorin e tyre.

Katër janë cështjet e parashtruara në mandatin e firmosur nga prokuroria suedeze ndaj të cilave kërkohet marrja në pyetje në polici i Julien Assange.

Së pari ngacmim seksual të viktimës A ndodhur më 14 Gusht 2010 në Stokholm.

Së dyti marredhënie seksuale më dëshirë por duke kundërshtuar përdorimin e prezervativit.

Së treti është përsëri viktima A që thotë se Assange më 18 Gusht 2010 e ka ngacmuar atë seksualisht.

Akuza e katërt vjen nga viktima B, e cila pretendon, se kur ajo po flinte Assange ka krye marredhënie seksuale pa kondom, kundra dëshirës së saj që cilësohet si përdhunim.

Mandati Europian i Arresit është vlerësuar nga gjykatësi Haward Riddle në përputhje me aktin britanik të ekstradimeve duke ja kaluar të gjithë betejën ligjore ekipit mbrojtës së Assange.

Ata duhet të provojnë që kërkesa e ekstradimit është e motivuar politikisht që për momentin përballë kërkesës suedeze nuk ka asnjë element politik.

Thënë ndryshe probabiliteti i përfundimit të procesit, në favour të shtetit suedez është shumë i lartë.

Nëse Assange ekstradohet në Suedi do të përballet me një hetim, nga ku mund të ngrihen edhe akuza duke e cuar cështjen në gjykatë.

Ateherë, nëse ai do të shpallet fajtor në të gjitha shkallët e gjyqësorit suedez, bosit të Wikiliks do t'i duhet të shpenzojë disa vite në burg.

Por a do të ndihmonte një zhvillim i tillë në nisjen e shumëdëshiruar nga amerikanët, të procedurave të ekstradimit drejt Shteteve të Bashkuara të Amerikës? Nga pikepamja ligjore duket shumë e vështirë.

E vetmja akuzë që prokurorët amerikanë mund të ngejnë për Assange është spiunazhi.

Suedia dhe Amerika kanë një marreveshje ekstradimi por në të nuk përfshihet spiunazhi që do të thotë një avantazh për Assange.

E gjitha kjo do të jetë një betejë e gjatë dhe e vështirë ligjore që nisi dje në Londër për të përfunduar me 14 Dhjetor, nëse gjykata do të mund të marrë një vendim duke vijuar në Suedi, me aktin final të një ekstradimi të mundshëm në Amerikë.

Assange humb lirinë me kusht

2010-12-07T20:43:00.001Z

Nga gjykata ekstradimeve "City of Westminster Magistrates Court"
Muhamed Veliu

Julian Assange themelusei WikiLeaks ka humbur lirinë duke u izuluar në një burg londinez, por jo mundësinë e vazhdimit së publikuari të dokumentave sekrete të dipllomacisë amerikane.

Gjatë seancës së parë të ekstradimit gjykatësi Haward Riddle ka refuzuar ta lirojë zotin Assange me kusht pavarësisht se pesë prej miqve të tij ofruan një garanci pasurore prej 100 mijë stërlinash.

Që në filim të seancës gjyqësore Julian Assange i veshur me një kostum blu të errët dhe këmishë të bardhë, i zbehur në fytyrë, por i qetë, ka refuzuar ekstradimin për në Suedi ku kërkohet të merret në pyetje pasi është akuzuar nga dy gra për pëdhunim dhe ngacmim seksual.

Gemma Lindfield përfaqësuese e drejtësisë suedeze për herë të parë ka treguar detajet e fletëarrestit, por jo emrat e dy grave akuzuese të Assange të cilat janë nga Stokholmi.

Jon Jones avakati mbrojës i Assange, i cili mbron edhe ish SHIK-asin Ilir Kumbaro, propozoi që klienti i tij ta ndjekë proçesin e ekstradimit në liri me kusht.

Gjykatësi Haward Riddle e refuzoi kërkesën duke e argumentuar me faktin se Assange nuk ka një adresë fikse në Angli përfshi mospasjen e informacionit se kur dhe në cilën pikë kufitare ai ka hyrë në Britaninë e Madhe.

Gjithashtu gjykatësi Riddle tha se nëse ai do t’i garantonte Assange një liri me kusht i frikësohej mosparaqitjes në gjykatë.

Seanca e ardhshme do të jetë më 14 dhjetor ku palës mbrojtëse do t’i duhet të argumentojë përse Assange nuk pranon të shkojë në Suedi për t’u pyetur nga hetuesit e atjeshëm në lidhje me akuzat të cilat ai i ka mohuar.

Assange do të arrestohej mëngjesin e së martës, kur sëbashku me avokatët ai u paraqitën vullnetarisht në një stacion policie pasi ishin njoftuar se ndaj tij kishte mbërritur një fletë arresti ndërkombëtar.

Kryeministria britanike dhe Downing Street e ka komentuar arrestin si “tërësisht një çështje të policisë”, ndërsa sekretari amerikan i mbrojtjes Robert Gates tha se “zhvillimet në Londër ishin një lajm i mirë”.

Izolimi Julian Assange në një burg londinez pritet të provokojë një valë publikimesh të reja, ku siç është premtuar nga WikiLeaks do të shpërndahen dokumenta të paçesuruara me emra diplomatësh apo agjentësh amerikanë.

28-29- Nëntori mungojnë fondet, s’ka pritje zyrtare në Londër

2010-11-29T14:44:00.001Z

Hera e parë që nga viti 1991 kur është rihapur ambasada shqiptare në Mbretërinë e Bashkuar që nuk organizohet një pritje zyrtare.

Nga Londra
Muhamed Veliu

Shkurtimet në buxhetet e ministrive të urdhëruara nga ministri financave Ridvan Bode apo deklaratat e kryeministrit Berisha “për një qeveri në dietë” e kanë patur efektin e tyre mijëra kilometra larg Shqipërisë.
Pritja zyrtare tradicionale, për kremtimin e festave kombetarë të 28 dhe 29 Nëntorit, këtë vit nuk është organizuar nga Ambasada e Shqipërisë në Londër.
Shkaku mosorganizimit ishte mungesa e një fondi që MPJ-a duhet t'i akordonte për këtë qëllim kësaj ambasade.
Është hera e parë që nga viti 1991 kur është rihapur ambasada shqiptare në Londër që nuk organizohet një pritje zyrtare.
Një ngjarje e tillë padyshim që ul prestigjin e përfaqësimit të shtetit shqiptarë në një prej kryeqyteteve më të rëndësishme në botë sic është Londra.
Mosdhënia e fondeve për pritjen zyrtare në Londër është një viktimizim i hapur që i bëhet ambasadës shqiptare në Londër, njëkohësisht komunitetit shqiptarë të këtushëm, pasi në vendet fqinjë me Anglinë si Franca apo Belgjika janë zhvilluar pritje zyrtare nëpër ambasada.
Përgjegjësia dhe turpi bie mbi qeverinë shqiptare e cila vitin e fundit ka organizuar disa koncerte festive me vlerë miliona Euro, ku këngëtarët vetëm për të luajtur buzët duke kënduar me playback janë paguar nga 2 deri 3 mijë Euro secili.
Megjithatë shoqatat e emigrantëve në c’do cep të Anglisë, janë mbeldhur duke festuar me plot dinjitet, ditën e shpalljes së pavarsisë duke i dhënë një leksion të mirë qeverisë shqiptare e cila nuk ka 5 mije euro fond për organizmin zyrtar të pritjes nga ambasada në Mbretërinë e Bashkuar.

Angli-celulari tradheton fierakun "wanted"

2010-11-18T08:35:00.002Z

Nga Londra
Muhamed Veliu

Telefoni celular ka tradhëtur një vrasës nga Fieri i cili fshihej në Angli dhe kërkohej nga drejtësia shqiptare. Lulzim Haxhi Hoxhaj është arrestuar në qytetin e Newcastle në Anglinë Veriore pas 13 vjet fshehje.

Ai kërkohet të vuajë dënimin e dhënë nga gjykata me 22 vite burg për vrasjen e Eduart Hoxhës dhe plagosjen e dy personave të tjerë me armë zjarri e tipit kallashnikov, ndodhur në vitin 1997.

Një zëdhënëse e Scotland Yard tha se Hoxhaj në Angli përdorte identitet të rremë me emrin Idriz Dervishaj, i datëlindjes 15 Shkurt 1966.

Agjentët e zyrës së Interpol Tiranës në bashkëpunim me policinë e Fierit fillimisht kanë mundur të identifikojnë numrin e telefonit celular nëpëermjet të cilit ai telefononte familjarët.

Numri i identifikuar së bashku me materialet përkatëse i kanë kaluar oficerëve të skuadrës së ekstradimeve në Scotland Yard të cilët nëpërmjet kompanive celulare në Angli kanë zbuluar banesën ku ai jetonte duke e arrestuar.

Hoxhaj ka dalë përpara gjykatës në Londër ku do të zhvillohen seancat e ekstradimit. Në këtë gjykatë janë në procesh shqyrtimi edhe katër kërkesa të tjera të shtetit shqiptarë.

Gjatë pesë viteve të fundit 14 është numri personave të ekstraduar për në Shqipëri nga Anglia ndërsa rastet kur ekstradimi ka dështuar janë 5.

Duke tentuar bllokimin e ekstradimit në Gjykatën e Apelit në Londër janë dy shtetas shqiptarë, pasi është lejuar ekstradimi i tyre.

Policia shqiptare beson se 80 shtetas shqiptarë shumica të kërkuar për krimin e vrasjes fshihen në Britaninë e Madhe.

Dasma e princit William me Kate Middleton, vitin e ardhshëm

2010-11-16T14:25:00.001Z

Nga Londra
Muhamed Veliu

Marrin fund të gjitha spekulimet se kur Princi William do të martohet me të dashurën e tij Kate Middleton.Clarence House, selia e Princit të Uellsit babait të Princit William paraditen e sotme ka shpërndarë lajmin se cifti do të martohet vitin e ardhshëm. “

Princi i Wales është i lumtur të anoncojë lajmim e martesës mes princit William dhe zonjushës Catherine Middleton” thuhet në njoftimin për shtyp.

Dasma do të zhvillohet në Londër gjatë pranverës së vitit të ardhshëm.

Princi William kandidati kryesor për të udhëhequr monarkinë britanike pas një lidhje disa vjecare u fejua me Kate Middleton në muajin tetor gjatë kohës kur ata ishin me pushime në Kenia.

Ai ka njoftuar gjyshen, Mbretëreshën Elisabeta II për martesësn pasi ka marrë pëlqimin e babait të vajzës.

Pas martesës cifti do jetojë në veri të Uellsit ku princi William do të vazhdojë së shërbyeri në “Forcën Ajrore Mbretërore".

Zonjusha Middleton pas martesës do të marrë titullin e princeshës.

Menjëherë pas bërjes publik të këtij lajmi kryeministri David Cameron ka uruar ciftin.

Kate Middleton është 27 vjece. Ajo ka lindur në zonën Berkshire dhe vjen nga një familje e rangut të mesëm

Me princin William ajo do niste historinë e dashurisë në vitin 2001 kur ata studionin së bashku në universitetin St Andreës.

Dasma pritet të tërheqë një vëmendje të madhe të medias botërore të njëjtë me atë të martes së nënës së tij Princeshës Diana, e cila u nda nga jeta gjatë një aksidenti në Francë

Miliarderi rus inkurajon gazetarinë investigative

2010-11-16T09:07:00.000Z

Nga Londra
Muhamed Veliu

Alexander Lebedev botues i tre gazetave në Londër dhe një tjetre në Rusi do të financojë nëpërmjet një fondi të veçantë të gjithë ata gazetarë në të gjithë botën që ushtrojnë gazetarinë investigative.

Qëllimi i kësaj nisme në partneritet me ish-presidentin rus Mikhail Gorbachev ka si qëllim inkurajimin e këtij zhanri gazetarie për të ekspozuar korrupsion.

Lebedev ish-agjent i KGB-së në Londër, tani një biznesmen i fuqishëm i përfshirë edhe në botën e medias, thotë se kjo iniciativë do të ndihmojë në bërjen publike të rasteve korruptive në nivel global.

Duke paraqitur këtë projekt zoti Lebedev ka treguar se ky fond prej qindra mijëra dollarë, ka si qëllim të ndihmojë gazetarinë investigative në të gjithë botën duke dhënë grante dhe çmime.

Gjatë një sesioni me pyetje përgjigje në konferencën e prodhuesve të medias britanike në Gllasgou, Lebedev u tha delegatëve se ai beson që korrupsioni global është i shpërndarë në të gjitha institucionet financiare duke u kthyer në një çështje ndërkombëtare

Për ta ilustruar këtë Lebedev tha se çdo vit në Rusi jepen 300 miliard dollarë në formë rryshfeti.

“Të kesh mundësi raportimi se çfarë ndodh në korridoret e fuqishme të politikës, në fushën e betejës, mbrapa dyerve të mbyllura janë principe të panegociueshme të gazetarisë, me qëllimin final për t’i vënë të korruptuarit përpara përgjegjësive që të kryejnë akte pozitive për shoqërinë dhe njerëzit” , me këto fjalë Lebedev e ka përfunduar fjalën e tij e cila është mirëpritur nga drejtuesit e medias në Britani.

Ish-diplomati britanik në Tiranë,përpara gjykates në Londër, i akuzuar për shpërdorim të qëllimshëm detyre

2010-11-15T11:58:00.005Z

Nga Londra
Muhamed Veliu

Një ish-diplomat që ka shërbyer në Ambasadën Britanike në Tiranë ka dalë përpara një gjykate në Londër, i akuzuar për shpërdorim të qëllimshëm detyre, gjatë shqyrtimit të aplikimeve për viza pune.

Shkeljet u zbuluan nga një kontroll i brendshëm i Ambasadës Britanike pas marrjes së informacionit se një punonjës abuzonte me detyrën.

“Mark Griffith 44 vjeç me dashje ka neglizhuar kryerjen e detyrës si oficer intervistues i emigracionit, gjatë kohës kur ai punonte në seksionin e vizave të Ambasadës Britanike në Tiranë”, shkruhet në aktakuzë.

Pas një hetimi disa mujor, prokurorët britanikë në aktakuzën e ngritur thonë se Griffith me dashje neglizhoi detyrën e shqyrtimit të aplikimeve gjatë një periudhe 18 mujore.

Ish-diplomati ka lëshuar viza duke shkelur proçedurën e lëshimit të tyre. Nuk është ende e qartë nëse zoti Griffith apo persona të tjerë kanë përfituar financiarisht nga shkeljet në lëshimin e vizave jashtë standarteve të parashikuara nga ligji anglez i emigracionit.

Së bashku me ish-punonjësin e Ambasadës Britanike si i bashkëakuzuar është edhe 39 vjeçari Samuel Fongho.

Të dy akuzuarit gjatë seancës preliminare në gjykatën e krimeve “Southwark Crown Court” në Londër i kanë mohuar akuzat.

Ndaj Mark Griffith me origjinë nga qyteti Norwich, rëndon akuza e shpërdorimit të detyrës në një zyrë shtetërore gjatë periudhës 1 Dhjetor 2005 deri më 1 Maj 2007.

Samuel Fongho banues në zonën Middlesex në Londër, akuzohet për këshillim dhe prokurim, që çuan në neglizhimin e detyrës nga zoti Griffith. Fongho akuzohet edhe për konspiracion në përdorimin e instrumentave të falsifikuar.

Ai nuk është diplomat, por punon si menaxher i një kolegji dhe agjencie punësimi në Londër.

Gjykatësi John Price vendosi datën 6 Qershor 2011 për të zhvilluar proçesin gjyqësor që parashikohet të zgjasë katër deri në gjashtë javë.

Ministria e punëve të jashtëme britanike “Foreign Office” nëpërmjet zëdhënes së saj nuk ka pranuar të komentojë rreth këtij rasti, por ka konfirmuar se Mark Griffith ishte një diplomat i cili merrej me shqyrtimin e vizave të punës duke shërbyer në këtë detyrë prej Gushtit 2005 deri në Maj 2007, kur ai është larguar nga puna pas një hetimi të brendshëm.

Irlandë, Gjykata pafajësi agresorit VIP të shqiptarit

2010-11-12T13:18:00.000Z

Nga Londra
Muhamed Veliu

Shpeshherë në Britaninë e Madhe përballja e personave publik me drejtësinë kthehet në temë debatesh për dënimet minimale apo mosdënimit prej gjykatave.

I tillë është edhe rasti i ish-kampionit të botës në boks, irlandezit Steve Collins, i cili goditi me grusht një emigrant shqiptar në Irlandë, duke i thyer tre dhëmbë.

Gjykata kriminale në Dublin e ka shpallur të pafajshëm për të dytën herë Collins, i cili akuzohej për dëmtime të rrezikshme trupore ndaj Adriatik Vodës.

I janë dashur vetëm 35 minuta kohë jurisë për të vendosur për pafajsinë e ish-boksierit të dhunshëm, duke vënë në pikëpyetje nëse ky ishte një vendim i drejtë që duhej marrë.

Steve Collins në vitin 2006 tentoi të hynte në stadiumin nacional në zonën VIP, ku do të komentonte një ndeshje boksi në televizionin RTE, pa patur të varur në qafë baxhën identifikuese.

Emigranti shqiptar që punonte si roje sigurie i ka ndaluar hyrjen duke zbatuar detyrën. “A e dini se kush jam? Keni vetëm 2 sekonda kohë”, ka thënë Collins.

Më pas kur është ndeshur me kundërshtinë e Adriatik Vodës e ka goditur me grusht duke e rrëzuar në tokë.

“Në momentin kur më goditi përjetova një shok elektrik”, ka deklaruar shqiptari në gjykatë.

Pavarësisht se ai po kryente punët si roje sigurie në përputhje me instruksionet e marra, pavarësisht se u godit në krye të detyrës, agresori i tij ka lënë ambientet e gjykatës duke u shpallur i pafajshëm.

Kësaj here gjykata irlandeze nuk dha drejtësi pasi viktima ishte shqiptar, por u vendos në krah të personit që e goditi, i cili ishte një person publik, duke rihapur debatin në Britaninë e Madhe se statusi i personit VIP kthehet në mburojë për cdo prapësi që ata mund të bëjnë

Britani, asistencë sociale me punë vullnetare

2010-11-12T08:16:00.001Z

Britani, asistencë sociale me punë vullnetare

Nga Londra
Muhamed Veliu

Qeveria britanike e kryeministrit David Cameron ka anoncuar një sërë masash që kanë si qëllim inkurajimin drejt punësimit të personave të papunë të cilët e kanë mbështetur jetesën në asistencën sociale.

Refuzimi i punës së dhënë nga qendrat e punës “Job Centres” do të thotë ndërprerje e asistencës sociale për tre muaj. Nëse kjo përsëritet për të dytën herë paratë e asistencës ndërpriten për 6 muaj. E nëse e njëjta gjë përsëritet për të tretën herë atëherë asistenca sociale hiqet për tre vjet.

Gjithashtu asistenca do t’u ndërpritet edhe atyre të cilët refuzojnë të kryejnë punë vullnetare në komunitet që ka si qëllim edukimin e personave të cilët për shume vite jetotojnë me ato pak para të dhëna nga shteti.
Në punën vullnetare parashikohet pastrimi i rrugëve, grumbullimi i mbeturinave, rregullimi i parqeve apo pastrimi i mureve të mbushura me grafite.

Sipas statisikave 1,5 milion persona në Britaninë e Madhe jetojnë me 64 stërlina në javë të dhëna nga shteti.

Kryeministri David Cameron tha se këto masa do të detyrojnë heqjen dorë nga ndihmat sociale të atyre mijëra personave të cilët jetojnë nga taksat e paguara nga ata mijëra të tjerë që janë në marrëdhënie pune.

“Mesazhi është mëse i qartë. Nëse ekzistojnë mundësitë e punësimit atëherë opsioni i të jetuarit me asistencë sociale nuk është më një opsion” ka theksuar Cameron.

Këto masa janë cilësuar si më të ashprat në sistemin e ndihmave sociale të cilat prekin edhe mijëra emigrantë shqiptarë me të drejtë qëndrimi në Britani të cilët janë të papunë.

Shqipëria dhe Kosova, në panairin e boteror te turizmit ne Londer

2010-11-10T18:13:00.001Z

Nga Londra
Muhamed Veliu

Qendra 'Exel' në Londër ka hapur dyert për panairin e përvitshëm i turizmit “World Travel Market”, i dyti më i madhi i këtij lloji në botë pas atij të Berlinit, ku marrin pjesë edhe Shqipëria me Kosovën.

Në katër ditët e panairit brenda 90 mijë metrave katrorë të qendres 45 mijë pjesmarrës nga më shume se 180 vende nga e gjithë bota shpalosin të gjitha ofertat e tyre turistike, në një kohë kur kriza ekonomike globale e ka prekur edhe këtë industri që vlen miliona dollarë.

Eshtë viti i pestë që edhe Shqipëria është pjesë e këtij panairi, duke u përfaqësuar me operatorë privatë,hotele dhe disa bashki në stendën e krijuar nga Agjencia Kombëtare e Turizmit.

Stenda e Shqipërisë ka tërhequr më shumë vëmendjen e vizitorëve për turizmin kulturor sidomos në zonat arkeologjike.

Panairi ndiqet nga 2500 gazetarë të akredituar. Programet për turizimin në televizonet Euronews, CNN dhe BBC kanë treguar interes per pavionin e Shqipërisë duke intervistuar zëvëndësministrin e Rinisë Kulturës, Sporteve dhe Turizmit zotin Nikolle Lesi, i pranishëm në panair.

I pyetur nga Top Channel se cfarë synohet të arrihet me pjesëmarrjen në panair, Lesi tha se "Shqipëria është këtu për t'i thënë të gjithë vendeve të botës se është një treg i shkëlyqer për turistët të huaj, të cilët duhet ta vizitojnë menjeherë".

Sipas Lesit, turizmi në Shqipëri nuk është vetëm veror, por në të gjithë stinët, pasi zotërojmë vende të jashtëzakonshme me trashëgimi kulturore.

Eshtë viti i dytë që edhe Kosova vjen në këtë panair me një stendë të ideuar për të përcuar mesazhin e shtetit më i ri në Europë, jo vetëm kaq por edhe se cfarë ofron në turizëm.

"Duhet të mbështetemi ne ato që kemi, në aspektin e trashegimisë kulturore dhe natyrore", tha Njazi Shala, drejtor i Departamentit të Turizmit në Kosovë.

Pas disa artikujve pozitivë në mediat botërore,më i fundit ai i dy ditëve më parë në revistën 'Lonely Planet', pjesëmarrja në këtë panair është një tjetër mundësi e artë promovimi për të treguar se Shqipëria nuk ofron vetëm diell, det dhe rërë por akoma edhe më shumë.

Emigrantët kosovarë do të votojnë

2010-11-10T11:33:00.000Z

Nga Londra
Muhamed Veliu

Ndryshe nga emigrantët shqiptarë që nuk kanë të drejtë vote, qytetarët e Kosovës që jetojnë dhe punojnë në perëndim do të kenë mundësi votimi në zgjedhjet e jashtëzakonshme më 12 dhjetor.

Ambasada e Kosovës në Britaninë e Madhe ka nisur një fushatë të gjerë sensibilizuese në mënyrë që shtetasit e Kosovës sic edhe e parashikon ligji i zgjedhjeve fillimisht të regjistrohen për të votuar.

Muhamet Hamiti, ambasador i Kosovës në Mbretërinë e Bashkuar shpjegon rëndësinë e të votuarit nga emigrantët, pasi sipas tij këto janë zgjedhjet e para të përgjithshme që organizohen në Kosovën e pavarur.

"Republika jonë, - thotë ambasadori Hamiti, - si çdo demokraci, ka nevojë për rinovim të pushtetit në cikle të caktuara kohore. Zgjedhjet e mundësojnë këtë. Kosova e do vullnetin demokratik e të gjithë shtetasve të vet, pa marrë parasysh a jetojnë aktualisht brenda apo jashtë atdheut.”

Komisioni Qendror i Zgjedhjeve ka vendosur si afat aplikimi për t'u regjistruar përmes postës datën 16 nëntor.

Hap i parë është rregjistrimi duke plotësuar “Formularin e rregjistrimit dhe aplikimit për votim jashtë Kosove” që mund të shkarkohet nga faqja online, e Komisionit Qëndror të zgjedhjeve apo të tërhiqet në ambientet e ambasadës së Kosovës në Londër.

Formulari i postohet ose dërgohet me fax, Komisionit Qëndror i cili pasi verifikon vlefshmërinë e aplikantit dërgon me postë fletën e votimit tek adresa që aplikanti ka shënuar në formular.

Kushtet për t'u përfshirë në votimin me postë janë:

Mosha 18 vjec.

Regjistrim në Regjistrin Civil të Kosovës dhe UNMIK-ut.

Posedimi dokumentin të Identifikimit të Kosovës ose të UNMIK-ut (ose pasaportën), apo ndonjë dokument tjetër që vërteton se janë shtetas i Kosovës.

Shetasit që kanë vetëm si dokument identifikimi pasaportën britanike , atëherë kanë të drejtë aplikimi nëse në pasaportë shënohet se vendlindja është në Kosovë.

Media britanike komenton liberalizimin e vizave

2010-11-09T23:23:00.000Z

Media britanike komenton liberalizimin e vizave

Nga Londra
Muhamed Veliu

Pamvarsisht se Anglia dhe Irlanda nuk janë në zonën Shengen, mediat britanike e kanë pasqyruar vendimin e liberalizimit të vizave për Shqipërinë dhe Bosnjën në dy këndvështrime të ndryshme.
Prestigjozja Financial Times publikon detajet teknike të marrveshjes duke e ilustruar shkrimin me një foto nga festimet në Tiranë.
“Marrveshja vjen si një shpërblim për të inkurajuar akoma më shumë reformat demokratike në të dy këto vënde, një vit pas liberalizimit të vizave me Serbinë, Maqedoninë dhe Malin e Zi” shkruan FT.
Në vijim të artikullit theksohet se Shqipëria dhe Bosnja janë paralajmëruar se do të ndërshkohen rëndë, nëse kjo marrveshje do të përdoret për cështje azili, në vëndet e zonës Shengen.
Ndërsa gazeta Express që shquhet për artikujt me karakter racist kundra të huajve, e komenton liberalizimin e vizave si një veprim që mund të shkaktojë, një valë emigracioni klandestin drejt Britanisë.
Express shkruan se emigrantë përfshi njerëz të botës së krimit, do të futen fshehurazi në Britaninë e Madhe tani që ata kanë mundësi të udhëtojnë në të gjithë Europën ku nuk ka pika kufitare.
Gerard Batten zëdhënës për cështjet e emigracionit në partinë “UK Independent” citohet nga Express të ketë deklaruar se “Ata nuk do të ndalojnë në Francë apo Spanjë por do të vinë në Britani duke u përfshirë në sitemin e ndihmave sociale apo të punojnë me pagesë të ulët në tregun e zi të punës.
Zyrtarë nga Agjencia Britanike e Kufirit (UK Border Agency) që monitoron të gjitha pikat kufitare të shtetit ishull, nuk kanë shpehur ndonjë shqetësim për një valë të mundshme të shqiptarëve apo boshnjakëve drejt Britanisë së Madhe.

Edhe Mbretëresha në Facebook

2010-11-07T19:39:00.001Z

Nga Londra
Muhamed Veliu

Nuk i ka shpëtuar përfshirjes në rrjetin social Facebook, edhe monarkja britanike Mbretëresha e Elisabeta II e cila është regjistruar duke e përdorur atë si një mjet komunikimi me miliona fansa të saj në të gjithë botën.

Që prej mëngjesit të sotëm foto, video dhe lajme rreth aktivitetit të mbretëreshës mund të shikohen në Facebook.

Faqja e saj në këtë rrjet social nuk i lejon monarkes të pranojë kërkesat, për t’u miqësuar me të, por me një klikim të vetëm mund të shtypet butoni “Like” që do të thotë pëlqimin e faqes duke u bërë kështu automatikisht fans i saj.

Mbretëresha Elisabeta II e cila është 84 vjeçe, është një përdoruese e rregullt e internetit.

Nëpërmjet postës elektronike ajo shkëmbën mesazhe me nipërit dhe mbesat.

Ndërsa bashkëshorti Princi Philip është një përdorues akoma më i madh i internetit.

Vendimi për hapjen e kësaj faqeje në Facebook është komentuar si një tjetër përpjekje e pallatit mbretëror Buckingham për të rifreskuar imazhin e monarkisë.

Në Britaninë e Madhe janë 26 milion njerëz që përdorin Facebook.

Që prej ditës së sotëme atyre i është bashkuar edhe monarkia e vendit të tyre.

Londra lejon ekstradimin e vrasesit Laurent Cakollari

2010-11-07T10:34:00.002Z

Akuzohet për ekzekutimin e Adriatik Banos në vitin 1998. Përdorte emrin e rremë, Roland Kadria

Nga Londra
Muhamed Veliu

Gjykata lonindeze e ekstradimeve i ka dhënë OK-in ekstradimit të Laurent Selami Cakollarit i dënuar në mungesë për vrasjen e Adriatik Banos në janar 1998.

Sipas vendimit, gjykata angleze ka refuzuar kërkesat e 34-vjeçarit me origjinë nga fshati Zvarisht i Korçës, banues në Londër, që pretendonte se nëse kthehet në Shqipëri do të vritet për hakmarrje dhe nuk do të ketë një gjykim të drejtë.

Në vendim thuhet se pretendimi për një eliminim fizik në Shqipëri, apo mosrealizimin e një procesi gjyqësor të drejtë, siç pretendonte pala mbrojtëse, janë të pabazuara.

Cakollari i ka deklaruar gjykatës se në vitin 2009, në Londër, ai është qëlluar me armë për ta vrarë së bashku me një person tjetër i quajtur Vilion Krasniqi dhe se e njëjta histori mund t’i përsëritet, nëse ai ekstradohet.

Kjo ngjarje, ndodhur pranë një lokali në zonën Paddington në Londër, është ende nën hetim nga Scotland Yard, në bashkëpunim me policinë dhe prokurorinë shqiptare të krimeve të rënda.

Motivi i ngjarjes dyshohet të jetë për një larje hesapesh në kryeqytetin britanik mes Cakollarit dhe disa anëtarëve të bandës së Selitës, që janë aktivë në botën kriminale në Londër.

Një zëdhënëse e Gjykatës se Ekstradimeve tha se i kërkuari i drejtësisë gjatë të gjithë procesit të ekstradimit ka pretenduar se ai nuk ishte personi që kërkohej, por ishte Roland Kadria, një shtetas shqiptar, me origjinë nga Kosova.

Vetëm në seancën e fundit, pak përpara se gjykatësi Zani të lexonte vendimin, ai pranoi se ishte Laurent Cakollari i datëlindjes 14 qershor 1976.

Menjëherë pas incidentit ku ai mbeti i plagosur, Scotland Yard nëpërmjet hetimeve intensive mësoi identitetin e tij të vërtetë nga ku rezultoi se ai ishte person në kërkim nga Interpol Tirana.

Prokuroria shqiptare ka ngritur disa akuza ndaj Laurent Cakollarit.

Të gjitha akuzat përbëjnë edhe thelbin e fl etëarrestit ndërkombëtar, ekzekutuar nga skuadra e ekstradimeve në Scotland Yard, për llogari të Interpol- Tiranës.

Prokuroria, pas hetimeve ka mbërritur në përfundimin se në mbrëmjen e 15 janarit 1998, Laurant Cakollari ka goditur me armë për vdekje Adriatik Banon, pranë banesës së tij në afërsi të pallatit të sportit “Asllan Rusi” në Tiranë.

Oficerët gjyqësorë kanë zbuluar se Cakollari, i cili ishte mik me viktimën, gjatë kohës kur ata ishin emigrantë në Itali, i kishte marrë një makinë për ta shitur në Shqipëri.

Pas shitjes së saj nuk ia kishte dhënë lekët.

Nga ky konflikt i lindur për makinën, prokuroria beson se është shkaku i ngjarjes së rëndë.

Britani, filtër për emigrantët

2010-11-06T15:06:00.000Z

Nga Londra
Muhamed Veliu

Qeveria britanike e kryeministrit David Cameron vijon reformimin e ligjit të emigraciont duke futur sistemin e pikëve, të njëjtë me atë kanadez, për të gjithë ata të cilët duan të punojnë apo studiojnë në Britani.

Ligji i ri i Emigracionit që hyn në fuqi fillim vitin e ardhshëm, i klasifikon aplikantët në pesë kategori në bazë të pikëve që do të mbledhin.

Në kategorinë e parë bëjnë pjesë të gjithë emigrantët e kualifikuar të cilët nëse aplikimi për vizë pune është i suksesshëm mund të qëndrojnë sëbashku me familjet më shumë se dy vjet.

Emigrantët me ftesë pune përbëjne kategorinë e dytë por ata kanë të drejtën e bashkimit familjarë pas pesë vitesh.

Ndërsa aplikantët që nuk janë të kualifikuar, renditen në kategorinë e tretë duke u lejuar, të qëndrojnë në Britani, maksimumi një vit por nuk kanë të drejtën e bashkim familjar.

Studentët përbëjnë kategortinë e katërt. Pasi ata do të jenë të suksesshëm në aplikimin e vizës, nuk mund të ndryshojë universitetin që i ka pranuar, por mund të tërheqin familjarët për të gjithë kohën që kryejn studimet.

Grupi i pestë dhe i fundit përbëhet nga emigrantët e përkoshëm që mund të jenë artistë apo vullnetarë, që nuk shkojnë në Britani për arsye ekonomike.Ata mund të qëndrojnë në shtetin ishullor jo më shumë se dy vjet. Mosha e tyre duhet të jenë 18 deri 30 vjeç. Kjo kategori nuk mund të kryejë bashkim familjar.

Ligji i ri parashikon se të gjithë personat që do të paisen me vizë punësimi duhet të lënë një garanci monetare, në zyrën e emigracionit në vendin e origjinës, në formë sigurije ndaj autoriteteve të emigracionit , që aplikanti do të kthehet në vendin e origjinës.

Gjithashtu aplikantët , do të vlerësohen me pikë në testin e gjuhës angleze, në bazë të moshës, profesionit, më kryesorja nevojës së tregut britanik për punën që mund të kryejnë.

Gjykata i heq mandatin deputetit Laborist

2010-11-06T14:37:00.001Z

Nga Londra
Muhamed Veliu

Gjykata e Lartë në Londër i ka hequr mandatin një deputeti laborist pasi gjatë fushatës elektorale nëpërmjet fletëpalosje, ai kishte shpërndarë informacione të pavërteta ndaj kandidatit kundërshtar në zonën ku garonte.

Ish-ministri Emigracionit Phil Woolas krahas heqjes së mandatit nuk do t'i lejohet hyrja në parlament për tre vjet pasi gjykata vërtetoi se gjatë fushatës elektorale ai gënjeu elektoratin.

Dy gjykatës e gjetën atë fajtor për shpifje të qëllimshme me vetëdije ndaj kundërshtarit.

Ky është vendimi i parë i këtij lloji që kjo gjykatë jep pas 99 vjetesh, duke i cuar përsëri votuesit drejt qendrave të votimit në zonën elektorale Oldham East, ku zoti Woolas fitoi ngushtë me 130 vota më shumë se rivali Liberal Demokrat.

I menjëhershëm ishte reagimi Partisë Laburiste. Lideri i saj Ed Milliband e shkarkoi zotin Woolas nga detyra e ministrit hije për Emigracionin.

“Nuk është pjesë e Partisë Laburiste të fituarit e vëndeve në parlament duke gënjyer elektoratin” tha Harriet Harman një deputete Laburiste.

Burime pranë ish ministrit Woolas i kanë deklaruar medias britanike se vendimi i gjykatës do të thotë fund i karrierës politike për të.

Nëse në Shqipëri do të përdorej i njëjti standart me atë britanik, atëherë gjysma e deputetëve të parlamentit shqiptarë duhet t'i hiqej madati, pasi të gjithë ne jemi dëshmitarë të fushatave elektorale, ku dominojnë ofendimet e shoqëruara, me akuza të pavërteta mes kandidatëve.

Presidenti Topi në Britani, viziton BERZH-in

2010-11-05T08:28:00.000Z

Nga Londra
Muhamed Veliu

Presidenti Bamir Topi në vijim të vizitës në Londër, i është rezervuar një pritje nga presidenti “Bankës Europiane për Rindërtim dhe Zhvillim”, Thomas Mirow. BERZH që prej nisjes së aktivitetit në Shqipëri është përfshirë në 49 projekte me vlerë 550 milion euro.

Fillimisht kreu i shtetit shqiptar ka nënshkruar librin e personaliteteve që vizitojnë këtë bankë ku edhe ka lënë një shënim.

I shoqëruar nga ambasadori Zef Mazi takimi ka vijuar në një prej zyrave të BERZH-it ku është diskutuar për vijimin e një sër projekteve ekzistuese dhe të reja në Shqipëri.

Claudio Viezzoli drejtor i kësaj banke për Ballkanin Perëndimor, ka folur rreth një prej projekteve më të fundit të BERZH në Shqipëri, në dhënien e një kredie me vlerë 50 milion euro e cila po përdoret për ndërtimin e 500 kilometra rrugë në zonat rurale.

Antarësimi i Kosovës në BERZH i është parashtruar nga presidenti Topi të pranishmëve në takim si një domosdoshmëri.

“Ky anëtarësim ka një rëndësi të madhe jo vetëm për zhvillimin ekonomik të shtetit më të ri në rajonin e Ballkanik, por edhe në kuadër të projekteve rajonale” ka theksuar zoti Topi.

Kreu i shtetit shqiptar dhe zoti Mirow diskutuan edhe rreth angazhimit të BERZH-it në sektorin bankar shqiptar si dhe mbi rëndësinë e përqendrimit të vëmendjes nga banka në sektorin privat dhe perspektivave të zhvillimit ekonomik rajonal në tërësi.

Presidenti Topi, vizitë në Britani

2010-11-04T15:48:00.001Z

Nga Londra
Muhamed Veliu

Presidenti Bamir Topi vijon vizitën treditore të punës në Britaninë e Madhe, i ftuar nga presidenti Oxford Union.

Kreu i shtetit shqiptar, i shoqëruar nga zonja e Parë Teuta Topi, është takuar në parlamentin britanik me kryeministrin David Cameron, lordë dhe deputetë nga grupi gjithë partiak Britani e Madhe Shqipëri

Kryeministri David Cameron i ka rezervuar presidentit Topi një takim në ambientet e parlamentit, pa praninë e mediave.

Menjëherë pas takimit zyra e kryeministrit lëshoi një deklaratë, ku thuhet se zoti Cameron vlerësoi kontributin e rëndësishëm ushtarak në Afganistan dhe inkurajoi përpjekjet e Shqipërisë së bashku me ato të vendeve të Ballkanit Perëndimor, drejt anëtarësimit në Bashkimin Europian.

Gjatë takimit me ministrin e Europës, David Lidington presidentit Topi iu rikonfirmua mbështetja britanike për ambicjen e Shqipërisë drejt Bashkimit Europian, por edhe bërja me dije e një monitorimi rigoroz nga Britania e zhvillimeve më të fundit politike në Shqipëri.

Ministri Lidington u shpreh se pavarësisht rekomandimeve për liberalizimin e vizave dhe gatishmërisë së Shqipërisë për të përfituar statusin e vendit kandidat, politikanët shqiptarë duhet të përshpejtojnë reformat.

Ai ka theksuar gjatë takimit se reformimi sistemit të drejtësisë është një cështje e rëndësishme për të cilën ka përshëndetur angazhimet e presidentit Topi dhe përpjekjet e tij, për këtë reformë.

“Pata një falenderim për Zotin kryeministër, i cili demonstroi dëshirën e madhe për të ndihmuar Shqipërinë në rrugën e integrimit evropian. E falenderova për ndihmën që Shqipëria të bëhet anëtare e NATO-s dhe për të gjitha proceset e tjera. Kemi diskutuar për cështjet e bashkëpunimit në fushën e sigurisë. Kryeministri falenderoi Shqiperinë për pjesëmarrjen e trupave shqiptare ne Afganistan”, u shpreh Topi.

Përpara mbajtjes së një leksioni në ‘Oxford Union’, presidenti është takuar me një grup të rinjsh nga shoqata e studentëve shqiptarë të Oxfordit.

I shoqëruar nga James Kingston presidenti Oxford Union, që është një prej unioneve më të vjetra në botë, ku kanë ligjëruar personalitete të rëndësishme nga e gjithë bota presidenti Bamir Topi foli për rolin e Shqipërisë në rajon, cështjet ballkanike duke e vënë theksin në integrimin Euro-Atlantik.

Dikur një akademik, tashmë i përfshirë në politikë, presidenti Topi e ka cilësuar këtë leksion si një rikthim i shkurtës në botën akademike.

Angli-170 mije paund sekuestro 6 shqiptareve

2010-11-02T08:36:00.001Z

Nga Londra
Muhamed Veliu

Policia britanike thotë se grupet kriminale shqiptare po hasin një sër vështirësish në pastrimin e parave të pista të përfituara nga prostitucioni dhe trafiku drogës.

Detektiv Inspektori Iain Mansphield në Scotland Yard, i cili udhëheq një skuadër në luftën kundra grupeve kriminale shqiptare deklaroi se këto grupe apo individë, nuk po i investojnë paratë e fituara në Angli, por tentojnë kalimin e tyre në kesh jashtë shtetit ishullor.

Sipas tij arsyeja e transferimit të parave jashtë Anglisë lidhet, me frikën e kapjes nga policia dhe përballjen e sekuestrimit të pasurive të përfituara nga aktivitet kriminale pas marrjes së dënimit.

Deklarata e zotit Mansphield ilustrohet me kapjen nga Agjencia Britanike e Kufirit UK Border Agency të një shqiptari fundjavën e shkuar me 20,000 euro në portin Holyhead në Uells, për të cilat ai nuk mundi të provojë origjinën e tyre.

Gjatë dy javëve të fundit të muajit që lamë pas, në portin e Doverit policia kapi në total 150,000 stërlina në katër operacione të veçanta ku paratë e sekuestruara u përkisnin 3 shqiptarëve dhe 2 kosovarëve.

Detektiv Inspektrori Charlie Stokes nga policia portuale e Doverit thotë se nuk ndodh shpesh që ne të kapim persona të cilët posedojnë shuma të mëdha parash, në një hark kohor kaq të shkurtër. Ai sqaron se që të gjithë personave që i janë kapur këto shuma parash po përballen me ligjin si të akuzuar për pastrim parash.

Në muajin maj një gjykatë londineze dënoi me pesë vite e gjysmë burg Lulzim Lumaj, për pastrim parash pasi në makinë iu gjetën 380,000 euro të përfituara nga shitja e drogës.

10 muaj përpara arrestimit në Londër dhe më pas dënimit me 14 vite burg për posedim të 22 kilogram heroinë me vlerë shitje në rrugë 1,5 milion paund , Elton Negros policia franceze do t’i sekuestronte 500 mijë euro.

Londër-Shfaqet ne parlamentin britanik dokumentari shqiptar për hebrenjtë

2010-10-31T22:48:00.002Z

Nga Londra
Muhamed Veliu

Megjithëse kanë kaluar 50 vjet nga koha kur shqiptarët shpëtuan nga Holokausti më shumë se 2 mijë hebrenj, ky veprim i cili do t’i sillte çdo kombi krenari, vazhdon t’i jepet një rëndësi dhe vlerësim i veçantë.

Këtij akti, tashmë të cilësuar si një prej xhesteve, më fisnik të shqiptarëve në Shqipëri, përfshi ata në Kosovë, i është dedikuar një dokumentar që mban firmën e Dardan Islamit.

Ideja e shfaqjes së këtij dokumentari, në tempullin e demokracisë botërore siç është parlamenti britanik ishte e dy ambasadorëve atij të Shqipërisë, Zef Mazi dhe homologut të tij kosovar, Muhamet Hamiti.

Lordë, parlamentarë, studiues të çështjeve të Luftës së Dytë Botërore, anëtarë të komunitetit hebre dhe atij shqiptar në Londër, kanë ndjekur së bashku, dokumentarin e titulluar “Rescue in Albania” (Të shpëtuar në Shqipëri).

Dokumentari përcjell fuqishëm dy karakteristika të patjetërsueshme të shqiptarëve, bujarinë dhe besën, përfshi dëshmi rrënqethëse të atyre që i mbijetuan kërkimeve të ethëshme nga ushtarët nazistë me qëllimin final ekzekutimin.

“Shqiptarët gjatë Luftës së Dytë Botërore nuk kishin asgjë, por ishin të gatshëm të ndanin edhe kafshatën e fundit me ata në nevojë. Ndërsa besa ishte një tjetër element që çoi në mbrojtjen e hebrenjëve, pasi siç ne e dimë shqiptari më mirë jep jetën se sa t’i preket miku”, thotë producenti Dardan Islami.

Me shumë emocion e ka ndjekur dokumentarin njëra prej dëshimitareve okularë të atyre ngjarjeve.

Scarlett Epstein ishte vetëm 16 vjeçe kur u mor në mbrojtje nga një familje shqiptare. Pasi u largua nga Shqipëria ajo vazhdoi jetën në Londër ku u shkollua dhe tani punon si profesoreshë e antropologjisë dhe eksperte për problemet e vendeve në zhvillim.

Alban Bytyqi një prej aktivistëve të komunitetit shqiptar në Angli tha se “shfaqja e dokumentarit “Rescue in Albania”, përçoi një mesazh jashtëzakonisht të rëndësishëm, që tregon se, shqiptarët kanë plot arsye të jenë krenarë për vetitë e tyre fisnike dhe bujarinë e pashembullt, cilësi të cilat njihen shumë pak nga bota”.

Bllokohet përkohësisht ekstradimi Ilir Kumbaros

2010-10-21T22:49:00.000+01:00

Nga Londra
Muhamed Veliu

Bllokohet përkohësisht në Londër procesi shqyrtimit të kërkesës së ekstradimit të drejtësisë shqiptare për Ilir Kumbaron.
Shkaku i mos procedimit të mëtejshëm në gjykatën londineze të ekstradimeve, është marrja në shqyrtim nga Kolegjet e Bashkuara pranë Gjykatës së Lartë në Tiranë e kërkesës së avokatëve të Ilir Kumbaros.
Ata kërkojnë interpretimin e ligjshmërisë së fletë arrestit të ri ndërkombëtar lëshuar nga pesë gjyqtarë të Gjykatës së Krimeve të Rënda vitin e shkuar.
I veshur me një kostum gri, këmishë të bardhë dhe një kollare ngjyrë po gri të errët, i shoqëruar nga i biri Ervini, Ilir Kumbaro është ulur qetësisht në bankën e të akuzuarit.
Edhe gjatë kësaj séance që zgjati vetëm 10 minuta kur është pyetur ti deklarojë gjykatës emrin, Ilir Kumbaro është përgjigjur se ai quhet Shaqa Shatri pamvarsisht se Kolegjeve të Bashkuara në Tiranë, i është kërkuar një interpretim për shtetasin Ilir Kumbaro.
Claire Dobbin përfaqësuese e shtetit shqiptar i tha gjykatëses Alison Rose se për momentin nuk mund të procedohet me këtë cështje pasi është në pritje të zhvillimeve që do të ndodhin në Shqipëri.
Kjo kërkesë e prokurores Dobbin është pranuar duke u vendosur data 25 Nëntor për ti raportuar gjykatës zhvillimet e pritshme nga drejtësia shqiptare për këtë cështje.
Ndërkohë Top-Channel ka mësuar se Kolegjet e Bashkuara do ta shqyrtojnë kërkesën e avokatëve të zotit Kumbaro pas datës 20 Nëntor.
Ndërsa séanca kryesore e shqyrtimit të kërkesës së drejtësisë shqiptare, do ti paraqitet gjykatësit Haward Riddle i cili më 24 Mars 2009, mbërriti në përfundimin se personi i arrestuar pa më të voglin dyshim është Ilir Kumbaro dhe se kërkesa e ekstradimit ishte në përputhje me ligjin britanik të ekstradimeve.
Zoti Kumbaro vazhdon të jetë i lirë me kusht që të parqitet tre herë në javë në stacionin e policisë Fulham, pëfshi mbajtjen në këmbë të një cipi elektronik monitorimi.

Veliaj, 5.000 abetare për fëmijët e emigranteve ne diaspore

2010-10-13T10:55:00.000+01:00

Nga Londra
Muhamed Veliu

Pas kronikës në Top Channel për shqiptarët e Anglisë të harruar nga Ministria e Arsimit në dërgimin e abetareve për fëmijët, Erion Veliaj nisi një iniciativë përsonale në rrjetin FB.

“5,000 abetare për fëmijët e emigrantëve shqiptarë”, kështu e ka quajtuar Veliaj këtë nismë së cilës i janë përgjigjur pozitivisht me kontributet e tyre shumë shqiptarë.

Turin e shpërndarjes së abetareve në diasporë Veliaj e ka nisur me Anglinë. Ndalesa e parë në veri të kryeqyetit britanik në bashkinë e Enfildit, ku shoqata “Nënë Tereza” cdo të shtunë organizon klasat e gjuhës shqipe.

Fëmijët nisin e bashkëbisedojnë me mikun e ardhur nga Tirana që e kanë parë vetëm nga ekrani, duke u ndjerë të lumtur kur, një e nga një nisin e të marrin në dorë librin e abetares të sjellë nga Veliaj.

Në bashkinë Brent e cila ndodhet në Londrën perëndimore, jeton një numër i madh emigrantësh shqiptarë. Falë angazhimit të një tjetër shoqate e quajtur “Mother Tereza” fëmijët shqiptarë shumica të lindur në Angli, e kalojnë fundjavën duke mësuar në klasat shqipe.

Edhe këtu Erion Veliaj ka lënë një numër të konsiderueshëm abetaresh tejet të nevojshme për numrin në rritje të fëmijëve që frekuentojnë këto klasa.

Shpresa Programe që prej 8 vitesh vazhdon intesivisht të jetë një prej shoqatave në të suksesshme në lindje të Londrës duke fituar një sërë cmimesh për arritjet dhe përkushtimin përfshi larminë e shërbimeve që ofron.

E ndërsa fëmijët vazhdojnë normalisht mësimin, Erion Veliaj takohet me prindërit e tyre duke bashkëbiseduar për cështjet e arsimit në diasporë.

“Unë do të jem një e-mail apo një telefonatë larg problemeve tuaja nëse opozita vjen në pushtet”, u ka premtuar Velija të pranishmëve të cilët kanë këruar të vizitohen më shpesh nga politikanët e Tiranës.

Përvec këtij kontributi personal, ky tur i Veliajt në diasporë, i pari pas bashkimit të tij me PS-në, duket se është edhe sinjali strategjisë së opozitës për të afruar emigrantët në votimet e ardhshme, që me sa dukët do të jetë detyrë e Veliajt.

Një shqiptare pedagoge në Universitetin e Oksfordit

2010-10-12T21:16:00.001+01:00

Nga Londra
Muhamed Veliu

Me mijëra studentë janë ulur në auditoret e universiteteve britanike duke nisur vitin e ri akademik, ndërsa një juristeje shqiptare i është dhënë mundësia të japë mësim në një prej universiteteve me famë botërore sic është ai i Oksfordit.
Rudina Jasini është punësuar pranë Fakultetit juridik të këtij universiteti për të dhënë lëndën e “Te Drejtës Penale Ndërkombëtare” dhe “Të Drejtave të Njeriut”.

Është një rast i rrallë që në auditoret e këtij universiteti një shqiptare punësohet duke qënë pjesë e strukturave akademike të mësimdhënies.

Kjo oferte pune për zonjushën Jasini vjen pasi ajo gjatë vitit 2008-2009 përfundoi studimet e masterit për te Drejtën Penale dhe Kriminologji po në këtë universitet ku edhe ka nisur doktoraturën për të Drejtën Penale Ndërkombëtare.

Rudina Jasini i tha Top-Channel se “Të japësh mësim në një tempull dijesh sic është Universiteti i Oxford-it pa diskutim që është nje reflektim i aspiratave të brendshme dhe e një kërkese per stimulim intelektual. E kam mirëpritur ofertën me entuziasm dhe shpresoj që të japë kontributin tim
maksimal”.

Përpara mbërritjes në Universitetin e Oxfordit, Rudina Jasini ka punuar pranë Gjykatës Ndërkombëtare për Krime në ish-Jugosllavi si pjesë e ekipit të mbrojtës në cështjen e ish kryeministrit Ramush Haradinaj dhe dy të bashkëakuzuarve të tjerë, cështje të cilën ajo vazhdon ta ndjekë.

Pas përfundimit të studimeve për drejtësi, në Universitetin e Georgetown në Amerikë, ajo është përfshirë në dhënien e asistencës juridike viktimave të genocidit pranë gjykatës së posacme ndërkombëtare në Kamboxhia.

Gjithashtu juristja e suksesshme shqiptare është pjesë e studios ligjore britanike e cila po kryen një studim se cilat janë rrugët ligjore për zgjidhjen e cështjes Came.

Kriza ne Britani. Ministri kultures, "Mos lindni fëmijë"

2010-10-09T19:26:00.000+01:00

Nga Londra
Muhamed Veliu

Mos lindni fëmijë nëse nuk keni të ardhura të mjaftueshme financiare për t’i rritur ata. Kjo thënie nuk i përket ndonjë udhëheqësi fetar por një ministri në kabinetin qeveritar anglez.

Kjo deklaratë e Jeremy Hunt ministër për Kulturën, ka provokuar një debat kur ai sugjeroi se britanikët nuk duhet të lindin fëmijë pa patur para për t’i rritur ata.

Hunt e ka vazhduar deklaratë duke thënë se nuk është detyrë e qeverisë të financojë numrin në rritje të atyre familjeve me shumë fëmijë, të cilët marrin ndihma sociale.

Komentet e tij janë cilësuar si provokative, të cilat vijnë vetëm disa ditë pas konferencës së Partisë Konservatore nga ku ministri i Financave George Osborne anoncoi reformën në sistemin e ndihmës sociale për fëmijët.

I menjëhershëm ishte reagimi opozitës laboriste të drejtuar nga Ed Miliband, i cili i komentoi deklaratat e Jeremy Hunt si të pështira dhe mizore.

Megjithatë 10 Downing Street së bashku me Ministrinë e Financave përfshi disa deputëtë konservatorë janë munduar ta zbusin debatin e krijuar nga deklarata tepër e fortë e ministrit të Kulturës.

Qeveria e koalicionit mes Konservatorëve dhe Liberal demokratëve po luftojnë të zvogëlojnë deficitin buxhetor duke shkrurtuar vënde pune në administratën shtetërore dhe shpenzimet publike ku përfshihet edhe ndihma sociale.

Kryeministri britanik David Cameron disa ditë më parë deklaroi se qeveria e tij do të punojë për të ndërtuar një vend për njerëz të zotë.

“Shkurtimet do të jenë të forta, pasi nuk kishte rrugë tjetër. Por ju garantoj se brenda pak vitesh shpërblimi do të ndihet nga të gjithë në vendin tonë”, ka pohuar Cameron.

Mediat britanike komentojnë “Pitkinin shqiptar”

2010-10-05T19:37:00.003+01:00

Nga Londra
Muhamed Veliu

Sir Norman Wisdom, legjenda filmave komikë britanikë aq të dashur për shqiptarët, është ndarë nga jeta në moshën 95 vjecare.

Pas disa sëmundjeve kardiake ai ndërroi jetë qetësisht në një shtëpi kujdesi për moshuar.

Karriera e tij artistike e nisur fillimisht si amator gjatë Luftës së Dytë Botërore kur ai ishte ushtar, është shumë e pasur ku dominojnë qindra role, kryesisht komikë, duke përcjellë humorin tipik anglez me origjinalitet të plotë.

Të gjitha mediat britanike menjëherë pas marrjes së lajmit për ndarjen nga jeta të Sir Norman Wisdom janë marrë masivisht më shumë me lidhjen që ai kishte me Shqipërisë se sa me karrierën e tij në Britani.

“Për Shqipërinë Pitkini ishte një dritare për të parë perëndimin”, shkruan “The Times”.

Ndërsa “The Guardian” e përshkruan Wisdom si mbretin e skenës së humorist britanik i cili ishte shumë i njohur në Shqipëri ku kishte më shumë adhurues krahasuar me vëndlindjen e tij.

“The Indipendent” ka si titull” “Veterani komik, i preferuari shqiptarëve vdes në moshën 95 vjecare”.

“Cuditërisht ai ishte një figurë kult në Shqipëri ku filmat e tij ishin të vetmit filma perëndimorë që lejoheshin”, komenton “The Sun”.

Televizionet britanike kanë transmetuar intervista me Zef Mazin, ambasadorin e Shqipërisë në Mbretërinë e Bashkuar, të shoqëruara me pamje të Wisdom gjatë vizitës në Tiranë ku ai hyri në stadium në pjesën e dytë të ndeshjes ku Shqipëria luante kunder Anglisë.

“Pas Charlie Chaplin ai ishte komediani më i madh në Shqipëri. Ende e mbaj mend rolin e Pitkinit dhe bosit të tij zotit Grimsdale. Sir Norman Wisdom ishte shumë popullor për të gjithë grupmoshat duke i bërë atë të qeshnin gjatë periudhës komuniste ku nuk kishte shume arsye për të qeshur”, ka thëne Mazi për televizionin BBC.

Nga komentet e Facebook apo faqet online të televizoneve për vdekjen e Sir Norman, komentuesit shprehin habinë e gjithë kësaj dashurie të madhe shqiptare për komikun e tyre, madje edhe duke pyetur nëse Shqipëria do të mbajë 3 ditë zi?

Ndërkohë mediat britanike janë vënë në kërkim të pamjeve apo fotove nga ndonjë ceremoni e mudëshme përkujtimore në Tiranë.

Ndahet nga jeta Sir Norman Winsdom “Pitkini”

2010-10-05T00:34:00.001+01:00

Nga Londra
Muhamed Veliu

Ndahet nga jeta në moshën 95 vjeçare Sir Norman Winsdom, legjenda e filmave komikë britanik, aq të dashur për shqiptarët.

Vdekjen e komedianit me origjinë nga Londra, e njoftoi i biri mbremjen vonë të së hënës.

Vitet e fundit të jetës Sir Norman Winsdom i kaloi në një shtëpi kujdesi për të moshuar.

Duke filliuar që nga viti 2006 ai në mënyrë të vazhdueshme ka vuajtur nga sëmundje kardiake të cilat i shkaktuan humbjen e pjesëshme të memories.

Karriera e tij artistike e nisur fillimisht si amator gjatë luftës së dytë botërore kur ai ishte ushtar, është shumë e pasur ku dominojnë qindra role kryesisht komike duke përcjellë humorin tipik anglez me origjinalitet të plotë.

Në vitin 1946 ai do të debutonte për herë të parë si profesinist në moshën 32 vjecare.

Gjatë karrierës në Angli dhe teatrot Brodway në USA ai fitoi disa cmime.

Krahas aktrimit Norman Winsdom, ka publikuar disa albume përfshi një këngë kushtuar Shqipërisë me titull “Big in Albania” “I madh në Shqipëri” e cila në chartin e Top-Albania Radio zuri vëndin e 18.

Vetëm kur ai mbushi 90 vjec i la lamtumirën skenës së teatrove dhe shesheve të xhirimit për të shpenzuar më shumë kohë me familjen dhe duke luajtur golf.

Breza të tërë shqiptarësh janë rritur me filmat e Wisdom i cili ishte i vetmi aktor filmat e të cilit lejoheshin gjatë kohës së regjimit komunist.

I njohur për famën dhe admirimin në Shqipëri Wisdom që njihej si “Pitkini” vizitoi dy herë Shqipërinë.

Gjatë vizitës në vitin 2001, kur Shqipëria ndeshej me Anglinë me pjesmarrjen e tij në stadium ai eklipsoi lojtarë të njohur të ekipit të tre luanëve sic ishte edhe kapiteni David Beckham.

Londer-Shtyhet gjyqi për Ilir Kumbaron

2010-10-01T21:33:00.001+01:00

Nga Londra
Muhamed Veliu

I arrestuar në bazë të një fletë arresti ndërkombëtar, Ilir Kumbaro supozohej të përballej mesditën e së premtes me gjykatën e ekstradimeve, në Londër, ku do të zhvillohej seance gjyqësore në të cilën palët do t'i tregonin gjykatës argumentat e tyre pro dhe kundër ekstradimit.

Por një gjë e tillë nuk ka ndodhur. Një zëdhënëse e gjykatës “City of Westminster Magistrate Court” i tha Top-Channel, se me kërkesë të palës mbrojtëse seanca e ekstradimit është shtyrë për në 21 Tetor.

Kjo shtyrje nga avokati John Jones ndërmerret për të fituar më shumë kohë, pasi në Tiranë është pajtuar një eksperte, e cila është duke shkruar një raport se cfarë mund t'i ndodhë Ilir Kumbaros nëse ai ekstradohet.

Gjithashtu mbrojtja e Kumbaros në Londër është duke pritur me shumë interes, vendimin e “Kolegjeve të bashkuara” pranë Gjykatës së Lartë.

Kjo është e vetmja shpresë për një bllokim të mundshëm të ekstradimit pasi në seancën e shkuar gjykatësi Anthony Evans la të kuptohet se vendimi i tij do të jetë pro ekstradimit duke u bazuar në vendimin e gjyktasësit Haward Riddle, i cili me 24 Mars 2009 lejoi ekstradimin e ish SHIK-asit Kumbaro.

Avokatët e zotit Kumbaro në Tiranë, Vojo Bregu dhe Bledar Fejzo, i kanë kërkuar “Kolegjeve të Bashkuara” ti japë përgjigje tre pyetjeve që kanë të bëjnë me vlefshmërinë e fletëarrestit të lëshuar më 15 Dhjetor 2009 nga 5 gjykatës të Krimeve të Rënda, kryesuar nga Gurali Brahimllari

E kontaktuar përmes telefonit zëdhënësja e Gjykatës së Lartë Ida Vodica tha se anëtarët e gjykatës së lartë janë duke diskutuar se kur kjo cështje do ti kalojë për shqyrtimim Kolegjeve të Bashkuar dhe se ende nuk është caktuar data.

Sipas saj këto cështje janë shumë specifike dhe kërkojnë një vendim të unifkuar i cili më pas kthehet në precedent për të gjitha gjykatat.

Harrohen shqiptarët e Anglisë

2010-09-22T19:28:00.001+01:00

Nga Londra
Muhamed Veliu

Drejtuesit e shoqatave të emigrantëve shqiptarë në Londër shprehen se ata janë harruar duke u lënë jashtë programit që ministria shqiptare e arsimit ka për dërgimin e materialeve mësimore të gjuhës shqipe.

Disa ditë më parë kjo minsitri deklaroi se ka në dispozicion një fond për dërgimin e librave për fëmijët që studiojnë gjuhën shqipe në Greqi dhe Itali.

Nga të dhënat që paraqesin 8 shoqata shqiptare në Angli të cilat organizojnë klasa në gjuhën shqipe mësohet se 1,745 nxënës janë regjistruar të ndjekin studimet e gjuhës amtare këtë vit shkollor.

Esat Brace drejtor i shoqatës “Nënë Tereza” që vepron në veri të Londrës thotë se gjatë tre muajve të fundit i ka dërguar disa mesazhe elektronike, ministrisë së arsimit madje edhe vetë kryeministrit Berisha dhe askush nuk i është përgjigjur.

Sipas tij janë 300 nxënës në veri të Londrës që janë detyruar të paguajn vetë për blerjen e abetareve pas heshtjes të institucioneve shqiptare.

Drejtuesit e “Shpresa Programme” në lindje të Londrës ndajnë po të njëjtin shqetësim.

Gjatë të gjithë kohës që nga dita e parë e hapjes së klasave shqipe 6 vite më parë, kjo shoqatë nuk ka marrë asnjë libër nga shteti shqiptarë.

“Ndodhemi përballë dëshirës së madhe të shumë nxënësve që duan të mësojnë gjuhën shqipe por nuk kemi bazë materiale. Thjesht kemi siguaruar disa fotokopje tekstesh” thotë Pranvera Smith nga shoqata “Iliria” në qytetin e Birmingamit ku priten të hapen dy klasa të gjuhës shqipe.

Zamira Ruspi drejtoreshë e shoqatës “Mother Tereza” tregon se vitin e shkuar Ministria e Armisimit kishte dërguar 300 tekse por kërkesa këtë vit për të mësuar gjuhën shqipe nga fëmitë e emigrantëve sa vjen e shtohet.

Megjithë përpjekjet e këtyre shoqatave numri atyre fëmijëve që studiojnë gjuhën shqipe në Britaninë e Madhe është shumë i ulët duke u llogaritur vetëm në 1%.

Vërehet një tendencë e emigrantëve shqiptarë për të komunikuar me fëmijët në anglisht që do të thotë zbehje deri në zhdukjen graduale të gjuhës shqipe për brezin e dytë të emigrantëve shqiptarë në Britani që jo zyrtarisht besohet të jenë mbi 100 mijë persona.

Londer-Arrestohet shqiptari arratisur nga burgu ne 1997

2010-09-21T13:06:00.001+01:00

Nga Londra
Muhamed Veliu

Ka marrë fund arratia 13-vjecare e një shqiptari që fshihej në Londër pasi kërkohej të përfundojë dënimin e marrë me 25 vite burg për një vrasje dhe një tentativë vrasje.

Skuadra e ekstradimeve në Scotland Yard ka ekzekutuar një fletë arresti ndërkombetar duke bërë të mundur arrestimin e Fadil Hoxhës pas një informacioni të dërguar nga Interpol Tirana për identitetin e rremë që perdorte në Angli.

Nga përmbajtja e fletë arrestit mësohet se 41-vjecari Hoxha kërkohet për plotësuar vitet e mbetura të burgut pasi është gjetur fajtor për vrasjen e Hysen Luzës dhe tentativën e vrasjes së Meliha Xhidikut ngjarje e ndodhur më 8 Tetor 1992.

Gjatë momentit të arrestimit në banesën e tij në zonën Enfield në veri të Londrës, Hoxha ka deklaruar se ai quhet Arben Hoxha dhe se nuk ishte ai personi të cilin kërkonin.

Gjykatës së ekstradimeve përfaqësuesja e shtetit shqiptar i tha se Fadil Hoxha fshiheh duke përdorur një identitet të rremë madje pavaresisht se ishte i arratisur nga një burg shqiptar kishte mundur të përfitonte nështetësi britanike.

Në seancën e ardhshme i takon palës mbrojtëse t'i argumentojë gjykatës se personi i arrestuar nuk është i kërkuari Fadil Hoxha, ndërkohë nuk bëhen të ditura provat e palës shqiptare që kanë bërë të mundur identifikimin e tij.

Fadil Hoxha do t'i zhvillojë procedurat e ekstradimit në paraburgimin e burgut të sigurisë së lartë Belmarsh, për vetë natyrën e krimeve të cilat ai kërkohet të ekstradohet.

Skoci, historia rozë e vrasësit shqiptar

2010-09-19T11:34:00.001+01:00

Nga Londra
Muhamed Veliu

Megjithëse Fatjon Kapri ishte njëri prej shqiptarëve më të kërkuar nga Interpol Tirana, gjatë fshehjes në Skoci ai kishte ndërtuar një romancë dashurie me një grua skoceze duke jetuar një jetë të dyfishtë.

Historinë e kësaj romance me killerin shqiptar, 44 vjecarja me emrin Jean Goudie e ka rrëfyer për gazetën skoceze “Sunday Mail”.

“Ende nuk mund ta besoj kur policët arrestuan Fatjonin dhe me treguan se ai është dënuar në mungesë me 22 vite burg për vrasje. Ishte me të vërtetë një tronditje. Të gjithë ata që e kanë marrë vesh lajmin e arrestimt janë habitur”, ka treguar ajo.

Fatjon Kapri i cili në Skoci përdorte emrin Sajmir Sadiku, është njohur me Jeam në një dyqan ku ai punonte në qytetin e Gllasgout.

Ai kërkohet për të vuajtur dënimin e dhënë në mungesë nga Gjykata e Elbasanit për vrasjen e Ylli Pepës ndodhur në një park në Londër në Prill të vitit 2001.

Megjithëse vrasja ka ndodhur në Londër, sipas legjislacionit shqiptar, kur Prokuroria Shqiptare njoftohet për një vrasje të kryer nga një shtetas shqiptar, atëherë automatikisht nis procedimi penal.

Oficerë të Scotland Yard sëbashku me dëshmitarët okularë dhanë dëshmi në gjykatën e Elbasanit për vrasjen e Ylli Pepës duke paraqitur edhe provat e ADN-së që i përkisnin Fatjon Kaprit.

30 vjecari Fatjon Kapri pas 6 vjet fshehje në Londër dhe tre vitet e fundit në Skoci është arrestuar pasi Interpol Tirana siguroi një informacion për vendndodhjen dhe identietetin e rremë që përdorte.

Prangosja e tij u krye mëngjesin e 24 Qershorit 2010 nga oficerë të armatosur në Gllasgow.

Fillimisht ai e ka mohur të jetë Fatjon Kapri por pasi është kryer krahasimi ADN-së së gjetur në trupim e viktimës ka rezultuar se është e njëjtë me atë të Kaprit i cili pritet të ekstradohet për në Shqipëri.

Jeremy Clarkson prezantuesi i “Top Gear” në BBC viziton Shqipëri

2010-09-09T19:49:00.002+01:00

Nga Londra
Muhamed Veliu

Jeremy Clarkson është prezantuesi i njohur emisionit “Top Gear” në BBC, i cili është shfaqur edhe në Top-Channel.

Disa javë më parë, së bashku me familjen ai ka vizituar Shqipërinë.

Me shumë finesë dhe humorin tipik të një britaniku, mbresat e këtij udhëtimi i ka shkruar në një artikull të gjatë për suplementin e udhëtimeve në gazetën “The Times”, ku ai është koluminist i përjavshëm.

“Pas tre ditësh në Korfuz u thashë fëmijëve, se kishte ardhur momenti të niseshim drejt eksplorimit të Shqipërisë, duke e filluar me vizitën në Butrint”, kështu e fillon shkrimin Clarkson, i cili shquhet për batuat gjatë prezantimit të “Top Gear”.

I mësuar të testojë dhe të lëvizë me mjete udhëtimi të shpejta, Clarkson ka refuzuar kalimin nga Korfuzi për në Sarandë me tragetin e linjës.

Zgjidhja ishte “Jahti Ferreti”, i marrë me qera, por me të mbërritur në Sarandë, shkruan ai, nuk kishte ku ta ankoronte dhe zgjidhja e Clarkosn ishte ta hidhte spirancën afër anijes së mbytur në vitin 1956, që për koincidencë i përket vendit të origjinës së tij.

Që në fillim ai është impresionuar kur Fatosi, djali që i ka shoqëruar, i ka treguar se programi “Top Gear” është shumë i ndjekur edhe në Shqipëri, natyrisht falë Top-Channel.

Humori Clarkson në shkrim vjen përmes rreshtave kur ai citon shpjegimet e shoqëruesit shqiptar rreth burimeve ujore në Sarandë dhe prodhimit të 45 mijë ton shalqi në vit në këtë zonë.

Clarkson vlerëson gadishmërinë e udhërrëfyesit shqiptar, i cili nuk nguron të tregojë historinë e cdo ndërtese në Butrint, pavarësisht zhegut të vapës.

“Kjo është ajo që fëmijët duhet të bëjnë gjatë pushimeve. Të mësojnë zhvillimet historike dhe jo të kthejnë gota vodke apo të puthen”, thotë ai.

Padyshim që prezantuesit të programit të makinave nuk do të rrinin pa i rënë në sy një numër i madh automjetesh me targa angleze, për të cilat i është ngjallur habi duke pyetur: Si është e mundur?

Duke u kthyer për në Sarandë, sikurse shumë turistëve që vizitojnë këtë qytet, i kanë lënë një pershtypje të keqe ndërtesat e prishura.

“Paska rënë tërmet në këtë zonë?”, ka pyetur Clarkson. “Jo, ky është një tërmet qeveritar”, është përgjigjur Fatosi, i cili i ka sqaruar se kush ndërton pa leje forcat speciale ia shëmbin me buldozerë.

Clarkson, po prap, me humor e mbyll shkrimin duke shkruar se me të kënaqesh po të udhëtosh në vende të reja, pasi mëson sa shalqi prodhohet dhe sa e pasur me ujë është zona që vizitojnë.

Gjithashtu, merr njohuri si për shembull për planin rregullues të Sarandës dhe Shqipërisë, plus kuptimin në shqip të fjalës makinë në anglisht.

Angli-Gruaja e deputetit, prostitutë

2010-09-05T15:58:00.000+01:00

Nga Londra
Muhamed Veliu

Nuk kanë të sosur telashet për Devid Kamerun, liderin e konservatorëve britanikë, njëkohësisht kryeministër.

Fillimjavën e shkuar Uilliam Hague, njëri prej bashkëpuntëorëve më të ngusht që mban postin e Sekretarit të Jashtëm, u akuzua për një lidhje të fshehtë me asistentin e tij 25 vjeçar duke aluduar se ai ishte homoseksual.

Ndërsa sot gazeta “Sunday Mirror” ka zbuluar se gruaja një deputi konservator punon si prostitutë në një shtëpi publike.

Gazetarët nëpërmjet kamerave të fshehta kanë filmuar gruan e deputetit Majk Uetherli, e cila kundrejt 70 stërlinave ofronte marrëdhënie seksuale.

“Sunday Mirror” shkruan se 39 vjeçarja braziliane, e quajtur Clara dhe e fotografuar në parlament disa muaj me parë me bashkëshortin deputet, punonte si prostitë në 3 shtëpi publike në jug të Londrës.

E pyetur nga gazetarët nëse e pëlqente punën që bënte duke shitur trupin, gruaja deputetit tha: “Më pëlqen të punoj këtu, klientët janë njërëz të këndshëm, kjo shtëpi publike është një vend i mirë nga ku mund të fitosh para”

Kur i është treguar se bashkëshortja punonte si prostitutë deputeti konservator tha se kjo është një tronditje e vërtetë, por ai deklaroi se ata ishin ndarë në muajin shkurt dhe se takoheshin njëherë në javë për drekë si dy miq të mirë.

“Faleminderit për njoftimin tuaj”, u ka thënë deputeti gazetarëve që zbuluan këtë skandal.

Gjenerali Sir Mike Jackson “Blair, jo i saktë për Kosovën”

2010-09-05T14:35:00.000+01:00

Nga Londra
Muhamed Veliu

Pas një sërë kritikash se ka thyer protokollin mbretëror, libri “A Journey” (Një udhëtim) i ish kryeministrit britanik Tony Bler është kritikuar edhe nga ish-gjenerali Sir Mike Jackson i cili udhëhoqi trupat britanike në Kosovë.

Në një intervistë për gazetën “The People” ish-gjenerali thotë se faktet e publikuara në libër nga Bler për Kosovën nuk janë të sakta.

Bler në kapitullin për Kosovën shkruan se ishte ai që parandaloi një luftë të tretë botërore duke i telefonuar gjeneralit Jackson ku i kërkoi mos t’i bindej urdhërit të amerikanëve për të sulmuar rusët.

Sir Mike Jackson i ka treguar gazetës “The People” se ai personalisht nuk është telefonuar direkt nga Toni Bler, por nga një zyrtar i Ministrisë së Mbrojtjes.

Për t’u siguruar që kjo telefonatë nuk është bërë nga Toni Bler gjenerali thotë se ka biseduar me ndihmësin e tij nënkolonelin James Evarld, i cili ka konfirmuar se një telefonatë e tillë nuk është bërë nga ish kryeministri.

Në vitin 1999 kur komandanti trupave amerikane Wesley Clark urdhëroi gjeneralin britanik të bllokonte një rrugë që të çonte për në Prishtinë nga ku do të kalonin trupat ruse për t’i ardhur në ndihmë trupave serbe.

Gjenerali Sir Mike Jackson rikujton se ai këtij urdhëri iu përgjigj duke thënë se nuk kishte ndërmend të fillonte një luftë të tretë botërore për ata.

Pas luftës Sir Mike në librin e tij me kujtime nuk e përmend të ketë marrë një telefonatë nga Toni Bler ku është folur për këtë çështje.

Në libër Bler shkruan: “Unë isha komandandi përgjithshëm dhe Mike më tha se urdhëri është urdhër. Çfarë të bëj. Pasi më tha se ishte e pallogjikshme të sulmonim rusët i thashë të qëndronin të qetë dhe mos t’i bindeshin urdhërit”.

Duke vijuar shpjegimin për këtë vendim delikat, Bler në libër thotë se ai edhe sot kur e çon në mendje atë rrethanë dhe nëse do të kishte dhënë urdhër për të vepruar kundra rusëve, vallë çfarë mund të kishte ndodhur?

Pretendimeve të gjeneralit nëpërmjet një zëdhënësi të Toni Blerit i ka dhënë të drejtë duke deklaruar: “Nëse gjenerali thotë se atë bisedë nuk e kam kryer më atë, atëherë duhet të ketë qenë me dikë tjetër”.

Londër, lirohet me kusht Ilir Kumbaro

2010-09-02T14:38:00.000+01:00

Nga gjykata "Royal Court of Justice"
Muhamed Veliu

Gjykata e Apelit në Londër i rikthen lirinë me kusht ish- SHIK-asit Ilir Kumbaro i arrestuar javën e shkuar në bazë të një fletë-arresti ndërkombëtar lëshuar nga Gjykata e Krimeve të Rënda në Tiranë.

Gjykatësi Stephen Irwin pasi dëgjoi përfaqësuesen e shtetit shqiptarë dhe avokatin mbrojtës, urdhëroi vendosjen e një pajisje elektronike monitorimi në këmbën e Kumbaros.

Kjo pajise e njohur si “Tag” është e lidhur me stacionin e policisë lokale duke lejuar monitorimin e cdo lëvizje të personit që i vendoset në këmbë një e tillë.

Sipas Gjykatësit të Apelit londinez Kumbaro gjithashtu duhet të banojë në adresën tashmë të ditur nga policia.

Paraqitja 3 herë në javë në stacionin e policinë të zonës Fulham është një tjetër kusht i vendosur për Ilir Kumbaron.

Gjykata pranoi garancinë pasurore prej 10 mijë stërlinash vendosur nga një grua e cila nga gjykatësi Irwin u identifikua si nga bashkëshortja e djalit të Ilir Kumbaros.

Vetë zoti Kumbaro nuk ishte i pranishëm në sallën e gjyqit por u mbrojt nga avokati John Jones i cili tha se klienti i tij falë moshës, disa sëmundjeve dhe qëndrimit prej 15 muajsh në burg gjatë procesit të shkuar duhet të ndjekë procesin e ekstradimit në gjendje të lirë.

Avokati Jones përsëri tha se klienti i tij është Shaqa Shatri për aq kohë sa Ministria e Brendshme Home Office në bazë të këtij emri i ka garantuar azilin dhe nënshtetësinë britanike.

Clair Dobbin përfaqësuese e shtetit shqiptarë inicuese e apelit, kundërshtoi lirinë me kusht pasi sipas saj tani përballë një fletë-arresti të ri ndërkombetarë rreziku zhdukjes së zotit Kumbaro është më i madh.

“Detyra e mbajtur dhe lidhjet me shërbimin sekret shqiptarë, përfshi fshehjen e suksesshme 15 vjecare duke përdorur identitet të rremë gjër për të cilën ai ende këmbengul na bëjmë të besojmë se zoti Kumbaro mund t'i fshihet përsëri drejtësisë” theksoi zonja Dobin.

Seanca e ardhshme e ekstradimit do të zhvillohet më 1 tetor ku në thelb të debateve ligjore do të jetë vendimi i pritshëm gjatë këtij muaji i “Kolegjit të Bashkuar” në Gjykatën e Lartë në Tiranë për vlefshmërinë e mandatit të ri të lëshuar nga gjykata me kërkesë të prokurorisë.

Londër, Ilir Kumbaro mbetet në burg

2010-08-31T20:11:00.002+01:00

Nga gjykata “City of Westminster Magistrate Court”
Muhamed Veliu

Ilir Kumbaro edhe në seancën e djeshme gjyqësore të ekstradimit ka këmbëngulur përballë një gjykatësi britanik se ai është Shaqa Shatri një qytetar shqiptar nga Prizreni i Kosovës.

Që në fillim të seancës gjyqësore që zgjati më shumë se 40 minuta, kur ish-shefit të drejtorisë së parë të SHIK-ut për Tiranën iu kërkua t’i tregonte gjykatës emrin ai tha: “Unë jam Shaqa Shatri”.

Sipas fletarrestit ndërkombëtar mbi Kumbaron rëndojnë 6 akuza ndër to më e rënda është ajo për rrëmbimin dhe zhdukjen e biznesmenit shqiptaro-maqedonas, Remzi Hoxha, në tetor të vitit 1995.

Mary Westcott, përfaqësuese e shtetit shqiptar i tha gjykatësit Anthony Evans se ndaj zotit Kumbaro rëndojnë disa akuza të rënda dhe tejet serioze.

Sipas saj, nuk ka as më të voglin dyshim se personi në gjykatë është pikërisht ai që kërkohet nga drejtësia shqiptare.

Jones, avokati i zotit Kumbaro u ka bërë një kronologji të gjitha zhvillimeve të deritanishme në këtë proces ekstradimi duke kërkuar edhe liri me kusht për klientin e tij.

“Për më shumë se 15 muaj, vitin e shkuar, zoti Kumbaro qëndroi në burg për faj të drejtësisë shqiptare, e cila vendosi se fletarrestit dërguar në Angli i kishin kaluar afatet. Zoti Kumbaro ishte në dijeni të një mandati të ri arrestimi lëshuar 8 muaj parë. Ai nuk bëri asnjë përpjekje për t’iu fshehur drejtësisë”, ka argumentuar avokati Jones, kërkesën për lirimin me kusht të klientit të tij.

Djali i Ilir Kumbaros fillimisht ishte i gatshëm të vendoste për lirinë e të atit një garanci pasurore prej 5 mijë sterlinash.

Gjykatësi Evans kërkoi më shumë para dhe familjarët e rritën shumën e garancisë deri në 10 mijë sterlina, por përfaqësuesja e shtetit shqiptar e kundërshtoi aprovimin e lirisë me kusht dhënë nga gjykatësi Anthony Evans.

Ankimimi i saj do të shqyrtohet gjatë 48 orëve të ardhshme nga Gjykata e Apelit në Londër. Ndërkohë, edhe për orët në vazhdim, Ilir Kumbaro do të vazhdojë të qëndrojë në Burgun Wandsworth.

Seanca e ardhshme gjyqësore do të zhvillohet më 1 tetor 2010.

Gjykatësi Evans la të kuptohet se do të jetë shumë e lehtë për të në dhënien e vendimit, pasi më 24 mars 2009 kolegu i po të njëjtës gjykatë, Haward Riddle e quajti të drejtë kërkesën e shtetit shqiptar për të ekstraduar Ilir Kumbaron.

Ilir Kumbaro u arrestua për të dytën herë në Londër në bazë të një fletarresti ndërkombëtar lëshuar nga Gjykata shqiptare e Krimeve të Rënda.

Gjatë javës së fundit, ish-drejtori i Drejtorisë së Parë të SHIK-ut për Tiranën është mbajtur nën survejim nga skuadra e ekstradimeve në Scotland Yard.

Ilir Kumbaro nuk banonte më në banesën e tij në lagjen “Fulham”, por në shtëpinë e djalit, Endritit, në jug të Londrës, ku ka ndodhur edhe arrestimi.

Sikurse në arrestimin e parë, Ilir Kumbaro ka deklaruar se ai është Shaqa Shatri, një shtetas shqiptar nga Prizreni i Kosovës.

Kumbaro ka dalë përpara gjykatës së ekstradimeve në Londër, ku i është komunikuar përmbajtja e fletarrestit lëshuar nga drejtësia shqiptare.

Sipas fletarrestit, shtetasi shqiptar, Ilir Nazmi Kumbaro, kërkohet të ekstradohet për një sërë akuzash që kanë të bëjnë me rrëmbimin dhe zhdukjen e Remzi Hoxhës, torturimin e Zizo Kristopullit dhe Avdyl Loshajt përfshi edhe shpërdorim detyre.

Një gjykatës britanik vendosi masën e arrestit me burg deri më 31 gusht 2010, për t’u dhënë mundësi avokatëve mbrojtës të aplikojnë për ndjekjen e procedurave nga klienti i tyre në gjendje të lirë nëse familjarët e zotit Kumbaro do të vendosin një garanci pasurore.

Ilir Kumbaro për herë të parë do të provonte ftohtësinë e prangave britanike mëngjesin e datës 10 shtator 2008.

Pas 13 seancash gjyqësore nga data e arrestimit më 24 mars 2009, gjykatësi Haward Riddle e quajti të drejtë kërkesën e shtetit shqiptar për të ekstraduar Kumbaron.

Avokatët e tij e apeluan këtë vendim, ndërsa Gjykata e Apelit në Londër më 17 dhjetor 2009 pushoi çështjen e ekstradimit, pasi Gjykata e Lartë në Tiranë me një vendim të sajin e quajti mandatin e arrestit të pavlefshëm, pasi i kishte kaluar afati.

Megjithatë, përpjekjet e prokurorisë shqiptare për të ekstraduar Ilir Kumbaron vazhduan, duke i dërguar Ministrisë së Brendshme britanike Home Office një mandat të ri arresti lëshuar nga Gjykata e Krimeve të rënda.

Pikërisht ky mandat arresti është ekzekutuar mbrëmjen e së martës, duke rikthyer në qelitë e burgut Wansdworth ish-shikasin Ilir Kumbaro.

Sërish pranga londineze për Ilir Kumbaron

2010-08-25T18:42:00.002+01:00

Nga Londra
Muhamed Veliu

Arrestohet për të dytën herë në Londër Ilir Kumbaro në bazë të një fletë arresti ndërkombëtar lëshuar nga Gjykata shqiptare e Krimeve të Rënda.

Top-Channel ekskluzivisht ka mësuar të gjitha detajet e operacionit të “Scotland Yard” ë bëri të mundur arrestimin e të shumëkërkuarit të drejtësisë shqiptare.

Gjatë javës së fundit ish-drejtori drejtorisë së parë të SHIK-ut për Tiranën është mbajtur nën survejim nga skuadra e ekstradimeve në “Scotland Yard”.

Ka rezultuar se ai nuk banonte më në banesën e tij në lagjen Fulham, por në shtëpinë e djalit, Endrit Kumbaros, në jug të Londrës ku ka ndodhur edhe arrestimi.

Sikurse në arrestimin e parë Ilir Kumbaro ka deklaruar se ai është Shaqa Shatri, një shtetas shqiptar nga Prizreni Kosovës.

Kumbaro ka dalë përpara gjykatës së ekstradimve në Londër ku i është komunikuar përmbajtja e fletë arrestit lëshuar nga drejtësia shqiptare.

Sipas fletë arrestit shtetasi shqiptar, Ilir Nazmi Kumbaro kërkohet të ekstradohet për një sërë akuzash që kanë të bëjnë me rrëmbimin dhe zdukjen e Remzi Hoxhës, torturimin e Zizo Kristopullit dhe Avdyl Loshajt përfshi shpërdorim detyre.

Një gjykatës britanik ka vendosur masën e arrestit me burg deri më 31 Gusht 2010.

Në këtë datë avokatët mbrojtës do të kenë mundësi të aplikojnë për ndjekjen e proçedurave nga klienti i tyre në gjendje të lirë nëse familjarët e zotit Kumbaro do të vendosin një garanci pasurore.

Ilir Kumbaro për herë të parë do të provonte ftohtësinë e prangave britanike mengjesin e datës 10 Shtator 2008.

Pas 13 seancash gjyqësore nga data e arrestimit më 24 Mars 2009 gjykatësi Haward Riddle e quajti të drejtë kërkesën e shtetit shqiptar për të ekstraduar Kumbaron.

Avokatët e tij e apeluan këtë vendim, ndërsa Gjykata e Apelit në Londër më 17 Dhjetor 2009 pushoi çështjen e ekstradimit pasi Gjykata e Lartë në Tiranë me një vendim të sajin e quajti mandatin e arrestit të pavlefshëm pas i kishte kaluar afati.

Megjithatë përpjekjet e prokurorisë shqiptare për të ekstraduar Ilir Kumbaron vazhduan duke i dërguar Ministrisë së Brendshme britanike “Home Office” një mandat të ri arresti lëshuar nga Gjykata e Krimeve të Rënda.

Pikërisht ky mandat arresti është ekzekutuar mbrëmjen e djeshme duke rikthyer në qelitë e burgut “Wansworth” ish-agjentin e SHIK-ut, Ilir Kumbaro.

Nëse gjithçka do të shkojë sipas proçedurave të parapara nga ligji anglez dhe pala shqiptare do të jetë korrekte në dërgimin e dokumentacionit përkatës gjykatës angleze, atëherë ekstradimi Ilir Kumbaros kësaj here është më afër se kurrë.

Enesa Berisha mahnit në muzikalet e Londrës

2010-08-24T11:32:00.001+01:00

Nga Londra
Muhamed Veliu

Muzikalet e Londrës tashmë kanë pjesë të tyre edhe një këngëtare të re shqiptare nga Kosova. Enesa Berisha falë telentit të saj për të aktruar, përfshi një zë të bukur dhe të fortë, ka mundur të interpretojë me sukses në rolet kryesore në dy prej tyre.

Interpretimi fantastik i 12 vjecares Berisha në muzikalet Annie dhe Bagsy Malone janë vlerësuar maksimalisht nga kritika britanike.

Ajo ka filluar të këndojë që në moshën 5-vjecare.

Disa vite me parë Enesa Berisha mori pjesë në një audicion ku nga 2000 mijë fëmijë pjesmarrës ajo zuri vendin e parë duke fituar rolin kryesor në muzikalin Annie.

Pas këtij suksesi Enesa do të përzgjidhej për të luajtur një tjetër rol kryesor në teatrin Bloomsbury.

“Të jeshë pjesë e muzikaleve të Londrës është një mundësi që të jepet një herë në jetë. Mbi të gjitha është një privilegj pasi shpalos mundësitë e tua për të kënduar dhe aktruar në teatër”, thotë Enesa Berisha në një prononcim të sajin për Top-Channel.

Ajo nuk e fsheh aspak dëshirën që një ditë të këndojë edhe në skenat e Kosovës dhe Shqipërisë.

Muajt në vazhdim për Enesën do të jetë të mbushura me audicione ku njëri prej tyre është pejsmarrja në “Britain Got Talented”, një program televiziv shumë popullor në Britaninë e Madhe.

Regbi, një shqiptar me fanelën angleze

2010-08-23T10:58:00.001+01:00

Nga Londra
Muhamed Veliu

Regbia është një ndër sportet më të vjetër në Europë krijuar nga britanikët në shekullin XIX dhe gëzon popullaritet në shumë vende të botës.

Megjithëse në trojet shqiptare ky sport nuk praktikohet, tashmë edhe Shqipëria mund të krenohet se ka një lojtar të sukseshëm të sajin në këtë sport.

Olsi Krasniqi, është një prej talenteve të regbisë angleze që brenda një kohe shumë të shkurtër ka arritur të firmosë një kontratë si profesionist.

Talenti që ai ka e ka lejuar të veshë fanelën e përfaqësueses angleze për moshat nën 20 vjec.

17 vjecari shqiptarë është formuar si sportist në kolegjin "Feltham Community" të Londrës që gëzon një rekord të shkëlqyer në prodhimin e talenteve.

Këtë sezon ai luan në formacionin bazë për ekipin londinez Harlequins.

Sipas trajnerëve të këtij ekipi, Krasniqi ka një talent të jashtëzakonshëm, edhe pse detyra e tij në fushë nuk është nga më të lehtat. Olsi luan në rolin e mbrojtësit ku gjithmonë ka dyluftime.

Ai zotëron një teknikë të ashpër në ndërhyrje, duke dominuar përplasjet me kundërshtarët.

Megjithëse ka lindur në Angli, ai asnjëherë nuk e ka fshehur origjinën e tij shqiptare duke u bërë kështu mbase shqiptari i parë në botë që luan në një ligë profesioniste të regbisë.

Albanians suffer from a history of media misrepresentation in Europe

2010-06-27T23:41:00.000+01:00

By Kate Holman
Albania-Bruxelles Newspaper

A double killing in Brussels, and another Albanian hits the headlines.
Except this time the media got it wrong.

The alleged murderer of Judge Isabella Brandon and her assistant, André Bellemans, in a courtroom of the Palais de Justice on 3 July, was not Albanian at all, but a 47-year-old Iranian who subsequently confessed to the crime.

And yet, within hours of the shooting, the killer was being identified by media across Europe as Albanian.

`Fusillade à la Justice de Paix à Bruxelles : un Albanais?' Le Soir was already demanding just hours after the event.

La Derniere Heure took as its source Le Monde in France: `Selon lemonde.fr, il s'agirait d'un ressortissant albanais mécontent de son jugement,' it declared. Indeed, the story had spread well beyond Belgian borders.

Just as Le Monde's confident identification of the culprit as Albanian was being picked up elsewhere, La Repubblica – usually one of Italy's most reliable news sources – was claiming the killer to be an Albanian man angered at losing custody of his son, while in the UK the Daily Mail quoted a Brussels policeman as saying "We are looking for an Albanian immigrant."

No wonder such false reports solicit widespread indignation in Albania and the Albanian diaspora, where people have grown tired over the years of being demonized as lawless, violent and
vengeful.

Why would journalists leap to report such a conclusion apparently based on rumour and
hearsay?

The answer is linked to years of stereotyping of Albanians in many European countries – and indeed further afield. Journalists write about Albanians when they are involved in drugsmuggling, people trafficking, robbery or prostitution.

They don't find them newsworthy as writers, or musicians, or philanthropists (unless they're Mother Teresa) or doctors or politicians. You don't have to look far to find the evidence.

A quick Google search reveals numerous examples. Within the last two or three weeks, Le Soir has featured stories about arms caches in the Albanian community in Brussels, Albanian heroine smugglers, the alleged killing by `Les Albanais d'Arlon, and the imprisonment of Idajet Beqiri in Namur for organising bomb attacks in Macedonia.

The picture is similar in the UK, with recent articles in the Sun and the Evening Standard about an Albanian torturer living and claiming benefits in London, or a `gangster' arrested in Essex and wanted for murder in Tirana.

Top Channel's London correspondent Muhamed Veliu has been monitoring coverage in the UK for over a decade, and has observed this persistently negative imagery at first hand.

Of course there is some crime among Albanians, he says, just as in any community, but these criminals work with other nationalities and are not the main players.

The media, however, give them high visibility. "The tabloids love Albanian gangsters, and people read these articles," he argues, adding that the Albanian diaspora in the UK includes bankers, barristers, doctors, lecturers, and students achieving high results in their studies.

Yet in 10 years he only remembers one really positive article.

He even found that when he revealed his nationality, some people asked at once if he was a pimp. Recently, he drew attention through Top Channel to an article in The People claiming that "Britain's streets are swarming" with Kosovar assassins selling their services for "just £500 a pop". The wild allegation elicited a fiercely indignant response in Tirana.

In December, in the context of the build-up to the 2012 Olympic Games, the Sun ran an article claiming Albanian pimps are selling girls for thousands of pounds on London streets.

In fact, the single offence took place in 2005, and the culprits have already been sentenced and imprisoned. "The Sun gave the impression it happened yesterday," says Veliu, commenting that he would perhaps like to see the Albanian community in the UK not only organising language courses, but also reacting more forcefully in defence of its reputation.

Muhamed Veliu remembers in particular the notorious article by A.A. Gill in the Sunday Times in 2006 – `The land that time forgot' – a text so packed with bias and venom that the Albanian Embassy issued a formal
protest. Veliu has been monitoring Gill every since, and finds he is still targeting the country.

2006 was also the year I made my first visit to Albania, and it was through talking to people there that I became aware for the first time of the utterly unfair way Albanians are portrayed abroad, and the sense of anger and injustice it arouses.

Since then I have written a number of articles both in Belgium and the UK which – while aiming to avoid propaganda or an unrealistically rosy picture – attempt to put the record straight.

The stereotyping is not confined to news media. One of the most popular `sitcom' comedy shows on the BBC recently, entitled Outnumbered, follows the entertaining exploits of a family with three precocious children. It is a well written and amusing show.

In a recent episode, eight-year old Karen, the youngest child, recites the superstitious sayings she has learnt from her grandmother:

"Don't put a hat on a gypsy, and never give money to Albanians…." Such off-beat exhortations (which are totally fictional, by the way, and in no way part of British lore!) might have gone without remark, had it not been for the following week, when Karen is involved in a car accident and asks her mother:

"Was the man who ran me over Albanian?" "No," replies her mother, as if it needed saying. "Albanians are not responsible for everything bad that happens."

What is interesting about these exchanges is the fact that the writers assume a shared perception among their audience, which enables them to get away with `jokes' that would be considered shocking if applied to many other ethnic minorities.

It is hard to identify the exact source of this discrimination.

It certainly stems back as far as the 1990s, when images of frantic emigrants packing into small boats, to escape the economic and civil chaos that reigned in Albania at that time, created a lingering perception in EU countries of Albanians as miserable, desperate, and prepared to do anything to secure their survival.

Up to that time, little was known or understood of the country.

Even the left in Europe wrote Albania off as a primitive and isolated enclave with a regime so extreme as to be beyond the comprehension of even the most dedicated Maoist.

Of course, the phenomenon of national stereotyping is not confined to Albanians by any means.

I used to work during the 1980s as London correspondent for an Irish national newspaper, the Irish Press. At that time, `the Troubles' in Northern Ireland were bringing violence to the streets of Britain on a regular basis.

This was just one of the factors contributing to a rabid anti-Irish prejudice that permeated British culture for a couple of decades.

The Irish were not only vilified in the media as brutal and unruly, they were also– paradoxically – seen as stupid and naïve; the frequent butt of acerbic humour.

The `Irish joke' became so familiar that the advent of political correctness and a more critical attitude to racial stereotyping, coupled with greater confidence among the Irish themselves as their nation achieved unparalleled levels of growth and prosperity, generated a backlash that made the telling of Irish jokes no longer acceptable.

Ironically, many Britons picked the Belgians as their new whipping boys – andthe Albanians.

Thus, national stereotyping by journalists does not exist in isolation. It depends for its survival on a pool of prejudice within its audience – often reinforced by fear and ignorance – so that the two viewpoints become mutually reinforcing. Despite the element of fear, it is usually the larger, `stronger' populations that target smaller ones.

But as soon as that complicity begins to seep away, the stereotype can no longer be applied.

Is there any sign that this is happening? It is true that not all media took up the false Albanian claim after the Brussels shooting.

On Friday 4 June, for example, The Metro's front page carried a restrained lead story reporting the facts and avoiding the more exaggerated speculation.

Equally, the BBC in the UK omitted the alleged identity of the killer.

British media have also been broadly sympathetic to the plight of 29 year-old chef and father-of-three Edmond Arapi, an Albanian living and working in Staffordshire and married to an Englishwoman.

He faces possible extradition from the UK to Italy, where he has been tried and convicted in his absence, and without his knowledge, of a stabbing his supporters say he could not have committed.

Fair Trials International insists it is a clear case of mistaken identity.

The comment threads that followed the inaccurate reports of the Brussels shooting contained their fair share of racist rant, it is true – both in Belgium and the UK.

Unexpectedly, some of the most vitriolic reactions seemed to come from sources in the United States:

"The Albanian immigrant is on his way to British shores as we speak," writes a woman in Tampa, Florida, "secure in the knowledge that as soon as he arrives in the UK he will be welcomed with open arms by social workers, receive housing benefit, and will never have to work another day of his life, compliments of the British tax payer." Yet a more measured reaction comes from some:

"I feel sorry for Albania and Albanians, because more often than not the Albanians seem to be accused of crimes they never committed," writes `Fred', from London. "I think the media should be more sensitive when they speculate as to who did it, because it is certainly not fair to blame Albanians for crimes they never committed."

In November 2009, Peter Preston, the distinguished former editor of the Guardian newspaper in London, penned an enthusiastically positive portrayal of Albania.

"There's an energy and a sense of progress here that catches you by the throat," he wrote of Tirana. "If this is the 28th or 29th state of the Union, then there'll be something to celebrate: the continuing power of an idea [European unity] that we, immured too deep in tabloid ignorance, have lost the imagination to embrace.

Albania," he concluded, "tells us something slightly shaming about ourselves and our smug insularity." Quite.

All of which leads me to hope, after some five years of monitoring the British and Belgian media, that there is some progress being made.

Perhaps it is interesting to ponder the Irish example, and speculate that as rapid development and growth advances in Albania itself, and the country moves towards EU membership, a growing confidence will make itself felt around Europe.

But before that happens, there needs to be a settlement to the political stalemate in Tirana, to avoid yet more serious damage to the image of Albania abroad.

Vonohet kërkesa për ekstradimin e Ilir Kumbaros

2010-06-21T16:27:00.001+01:00

Nga Londra
Muhamed Veliu

Ministria e Drejtësisë në Tiranë nuk ka dërguar ende dokumentacionin e plotë palës angleze për ekstradimin e Ilir Kumbaros bazuar në një fletë arresti lëshuar vitin e shkuar nga Gjykata e Krimeve të Rënda.

Burime nga Ministria e Brendshme Britanike Home Office më 22 Mars 2010 i pohuan Top Channel se i kanë kërkuar Ministrisë së Drejtësisë, informacion shtesë i cili po sipas këtyre burimeve nuk ka mbërritur ende.

Po në të njëjtën datë nëpërmjet postës elektronike, i kërkuam zëdhënëses së Ministrisë së Drejtësisë Migena Demirxhi të na tregonte nëse dokumentacioni për këtë cështje është dërguar apo do të nisej gjatë ditëve në vazhdim.

Zëdhënësja e Ministrisë së Drejtësisë vetëm sot pas 89 ditësh nga dërgimi kërkesës tone, pranoi të prononcohej duke deklaruar se: “Ceshtja per te cilen interesoheni konsiderohet informacion i klasifikuar dhe Kodi i Procedures Penale ndalon publikimin dhe dhenien e informacionit rreth materialeve te tilla”.

Ishin pikërisht vonesat në dërgimi e dokumentacionit që i dhuruan Ilir Kumbaros lirinë pasi përfaqësueses së shtetit shqiptar, nuk i ishte dërguar nga kjo ministri vendimi gjykatës së Krimeve të Rënda.

Katër gjykatës të kësaj gjykate të kryesuar nga Gurali Brahimllari më 15 Dhjetor 2009 lëshuan një fletë-arresti tjetër për Ilir Kumbaron pas kërkesës së prokurit Xhevat Hana.

Pikërisht kjo fletë-arresti nuk ju dërgua përfaqësueses së shtetit shqiptar Claire Dobbing dhe si pasojë më 18 Dhjetor 2009 Gjykata e Apelit në Londër pushoi cështjen e ekstradimit për Kumbaron ish-drejtorin e Drejtorisë së Parë të SHIK-ut për Tiranën.

Mbi zotin Kumbaro rëndësojnë akuzat e shpërdorimit të detyrës, për rrëmbimin, torturimin e Zizo Kristopulit së bashku me Avdyl Loshajn përfshi zhdukjen e Remzi Hoxhës.

Rasti Pango dhe gazetaria investigative ne Angli

2010-06-19T21:32:00.001+01:00

Nga Londra
Muhamed Veliu

Si e premtja e zezë e gazetarisë investigative shqiptare. Kështu do të kujtohet gjatë, vendimi i djeshëm lexuar nga gjyqtari Agim Bendo, duke mos argumentuar se cfarë e ndalon një gazetar të filmojë brenda një shtëpie kur ai ftohet nga i zoti i shtëpisë.

Në Britaninë e Madhe janë me qindra rastet, kur televizionet apo gazetat kanë ekspozuar pikërisht njerëz brenda ambienteve të shtëpive të tyre dhe kjo në asnjë asnjë rast nuk ka përbërë shkelje të ligjit, në një shtet ku privacia respektohet në nivelet makismale.

Pas një investigimi dy vjecar në vitin 2003, BBC transmetoi dokumentarin “Polici i fshehtë”. Gazetari Mark Daily u infiltrua në një akademi policore ku në ambientet e brendshme të konviktit filmoi 8 kadetë duke shprehur haptas bindjet e tyre raciste ndaj komunitetit indian në Britani.Pasi filloi të punonte si polic gazetari mundi të filmojë në shtëpinë e dy kolegeve komente të tjera raciste. Si pasojë e dokumentarit të tetë personazhet e tij u larguan nga forcat policore ku shërbenin dhe askush nuk e kritikoi gazetarin përse i filmoi kolegët në ambientet e shtëpisë.

BBC e argumentoi filimin sekret, përfshi infiltrimin e gazetarit në akademi, si të vetmen mënyrë për të siguruar provat e racizmin në radhët e policisë.
Për këtë investigim gazetari Mark Daly në vitin 2004 do të fitonte cmimin prestigjoz “British Academy Television Award” .

Yjet e futbollit anglez Frank Lampard dhe Kieron Dyer në Qershor të vitit 2000 do të ekspozoheshin nga gazeta ‘News of The World’, pas filmimeve sekrete, në dhomën e një hoteli në Qipro, sëbashku me dy vajza të cilave u kërkonin të pozonin nudo duke i bërë foto dhe kryer lojra seksuale. Të dy futbollistët e turpëruar nuk kërkuan ndonjë dëmshpërblim nga gazeta për thyerje të privacisë në dhomën e hotelit.

Në vitin 2002 Roger Insall editori investigativ i gazetës ‘Sunday People’ duke pozuar si një vrasës me pagesë regjistroi ofertën e bashkëshortes të një biznesmeni e cila kërkonte vrasjen e tij, për trashëguar pasurinë prej 1 milion paund.
Për këtë ngjarje gazeta ‘Daily Telegraph’ e datës 24 Shtator 2002 shkruan...Gjatë bisedës me zotin Insall në ambientet e guzhinës në shtëpinë e saj në Gidea Park në Londër zonja Molyneux tha: “E dua atë të zhdukur përgjithmonë”.

Gjykata e Krimeve të Rënda në Londër dënoi Shelley Molyneux me 5 vite burg, falë bashkëpunimit mes gazetës dhe Scotland Yard. Në fund të procesit gjyqësor, gjykatësi e lavdëroi punën e gazetarit që shpëtoi jetën e biznesmenit

Po në të njëjtin vit prezantuesi televiziv John Leslie filmohet brenda në shtëpi duke thithur kokainë. Investigimi gazetarëve të ‘NeWs of the World’ që siguruan këtë filmim sekret bëri që Leslie të pushohej nga puna, madje coi në dhënien fund të karrierës si prezantues.

Kate Moss një prej modeleve më të famshme britanike në vitin 2005 do të përbënte lajm për të gjitha mediat botërore, kur u filmua në mënyrë sekrete tek sapo merrte, disa viza kokainë në një studio private rregjistrimi këngësh.
As ajo dhe as pronarët e studios private në asnjë rast nuk iu drejtuan gjykatës për thyerje të privacisë nga 'Daily Mirror' , shkaktimin e stresit dhe humbjen e qindra mijëra paundëve nga prishja kontratës që i bëri kompania TopShop ku ajo ishte modele.

Katër vjet më vonë Kerry Kantona ish pjestarja e grupit muzikor “Attomic Kitten” u filmua po në mënyrë sekrete në ambientet e shtëpisë së saj duke u droguar.
Në asnjë rast avokatët e saj nuk ju drejtua gjykatës për shkelje të privacisë por Kantona kërkoi falje publike për veprimin e saj.

Nuk janë vetëm yjet e futbollit, këngëtarët, modelet, politikanët atë të cilët në Britaninë e Madhe janë filmuar brenda në shtëpi duke kryer prapësi nga më të ndryshmet të cilat përbëjnë interes publik për t'u ekspozuar.

Investigimeve të këtij lloji nuk i kanë shpëtuar edhe pjetarët e familjes mbretërore.

Në 4 Shtator 2005 gazeta ‘News of The World’ ekspozoi princeshën Michael, e cila përdorte statusin e anëtarit të familjes mbretërore për të shitur shtëpinë. I gjithë pazari për të shitur shtëpinë sëbashku me tokën që e rrethonte, mes saj bashkëshortit dhe gazetarit që u paraqit si një blerës potencial u zhvillua në dhomën e saj të pritjes, ku edhe u filmua gjithcka.
Princesha në asnjë rast nuk pretendoi për thyerje të privatësisë.

Pas gjithë këtyre shembujve me të drejtë lind pyetja:

Kur në Britaninë e Madhe djepin e demoktacisë botërore këto filmime nga gazetarët nuk janë cilësuar në asnjë rast shkelje të privatësisë përse në Shqipëri një gjykatës si zoti Bendo, merr guximin t’i quaje filmimet e “ Fiks Fare” me zotin Pango si shkelje privatësie?

Angli, Kapet Eljon Lujkaj me 13,5 kg drogë

2010-06-15T19:09:00.002+01:00

Angli, Kapet Eljon Lujkaj me 13,5 kg drogë

Nga Londra
Muhamed Veliu

Agjentët e antidrogës në portin e Doverit në jug të Anglisë kanë kapur një korrier droge shqiptar, të cilët ju gjetën të fshehur në makinë 13,5 kg drogë.
Agjencia e kufirit “UK Border Agency” nepërmjet zëdhënëses se saj thotë se i arrestuari është Elion Lujkajn në makinën e të cilit u kap droga.
Droga e sekuestruar Lujkajt, përbëhej nga 10 kg kokainë dhe 3,5 kg heroine me vlerë shitje në rrugë 1 miljon paund.
Elion Lujkaj doli në gjykatën rajonale të Doverit si i akuzuar për importim të paligjshëm të lëndëve narkotike.
Droga besohet se vinte nga Hollanda dhe kishte destinacion tregun britanik.
Disa muaj më parë po në këtë port tre shtetas shqiptarë u arrestuan pasi në makinën kishin të fshehur 4,63 kile kokainë 100% e pastër.
Shqiptarët e arrestuar janë Bashkim Recica, Selami Selami dhe Fiknete Jusufi të cilët priten të gjykohen në Korrik 2010.

Angli-Policia kerkime per shqiptarin e arratisur nga spitali

2010-06-15T19:00:00.001+01:00

Nga Londra
Muhamed Veliu

Policia angleze është vënë në kërkim të një shqiptari i arratisur nga spitali pasi aksidentoi për vdekje një qytetar britanik.
Mësohet se policia zonës Hertfordshire po zhvillon një operacion për kapjen e shqiptarit që përdorte emrin e rremë Georgios Tsoulos.
Shqiptari emri të cilit nuk behet publik u arratis mëngjesin e sotëm nga spitali ku po kurohej për ti shpëtuar ndjekjes penale.
Emigranti shqiptar që përdorte identitet të rremë është plagosur pas aksidentit në autostradën A10, ku gjeti vdekjen 20 vjecari Ricky Burlton.
Fotot e shqiptarit me plagë në fytyrë janë shpërndarë në të gjitha pikat aero-portuale në Angli përfshi Interpolin.
Inspectori Paul Davis që po heton arratisjen e shqiptarit i tha Top-Channel se ne kemi ndërrmarrë një hap të paprecedentë duke lëshuar për median fotot e këtij personi kur ai ishte në spital për tu kuruar.
Hetusit britanik pohojnë se emigranti shqiptarë po udhëtonte jashtë limiteve të lejuara kur ndodhi aksidenti.
Sipas autoriteve policore angleze rezulton se shumica e emigrantëve shqiptarë që jetojnë ilegalisht në Angli përdorin patenta italiane apo greke të falsifikuara për të drejtuar automjetet.

Londra JO ekstradimit të Edmond Arapit

2010-06-15T18:55:00.001+01:00

Nga Londra
Muhamed Veliu

Ka marrë fund ankthi një vjecar për një emigrant shqiptarë që jeton në Angli i cili kërkohej për tu ekstraduar në Itali si autor i një krimi qe nuk e kishte kryer.
Drejtësia italiane ka hequr dorë nga kërkesa e ekstradimit të Edmodn Arapit të cilit i kishin vjedhur identitetin.Në gjykatën e Apelit në Londër, përfaqësuesi shtetit Italian në këtë proces ka pranuar se ata kishin kërkuar ekstradimin e një personi të gabuar.
Edmon Arapi kërkohej për tu ekstraduar në Itali për një vrajse ndodhur në vitin 2004 për të cilën ai ishte dënuar në mungesë me 16 vite burg.
Emigranti shqiptar e coi cështjen në gjykatën e apelit pasi kishte prova se ai në ditën që kishte ndodhur vrasja ishte në Angli duke punuar dhe jo në qytetin e Genovës.
Përfaqësuesit e drejtësisë italiane në proces i thanë gjykatës se ai është viktimë e një identiteti të vjedhur nga personi që ka kryer krimin.
“Kjo ishte një cështje që kalonte caqet e c’do normaliteti të cilën do ta quaja shumë mizore në kurriz të klientit tim” kështu ka deklaruar John Hardy QC avokati i zotit Arapi.
Menjëherë pas përfundimit të këtij procesi gjyqësor Edmond Arapi tha se ishte i lumtur që kjo ëndërr e keqe mori fund.
Kjo cështje ekstradimi u pasqyrua gjeresisht nga të gjitha mediat britanike duke mbërritur deri në parlament.
Vetë kryeministri David Cameron premtoi angazhimin personal në shikimin e fakteve të kësaj cështje e cila tashmë u mbyll për ta lejuar zotin Arapi të vazhdojë jetën i qetë sëbashku me familjen e tij.

Britani, rregulla të reja për martesat

2010-06-06T22:52:00.001+01:00

Nga Londra
Muhamed Veliu

Qeveria britanike e kryeministrit Devid Kameron ka nisur një sërë reformash në radikalizimin e sistemit të emigracionit.

Të gjithë ata emigrantë të cilët duan të martohen me shtetas britanikë do t’i nënshtrohen një testi të gjuhës angleze përpara aprovimit të martesës dhe marrjes së vizës për bashkim familjar.

Ministri emigracionit, Damian Grin do ta prezantojë javën e ardhshme rregulloren e re e cila sipas tij synon uljen e numrit të martesave jo legjitime, njohur si martesat e rreme.

Bëhet fjalë për të gjithë ata shtetas jashtë Bashkimit Europian të cilëve përpara martesës duhet të provojnë se flasin të njëjtën gjuhë me personin që martohen dhe se duhet të kenë njohuri të gjuhës angleze.

“Ne jemi duke parë me qindra martesa ku të supozuarit çifte të lumtura nuk mund t’i thonë asnjë fjalë njëri-tjetrit pasi nuk flasin të njëjtën gjuhë”, ka deklaruar një nëpunës i Agjensisë Britanike të Kufirit.

Kjo rregullore e re ndikon negativisht për ata mijëra emigrantë shqiptarë që tashmë janë shtetas britanik dhe synojnë bashkimin familjar me partnerë apo partnere që jetojnë në Shqipëri apo Kosovë.

Sipas statistikave rezulton se një prej vizave më të kërkura në Ambasadën Britanike në Tiranë është ajo për bashkim familjar.

Të dhënat e publikuara nga UK Border Agency tregojnë se vitin e shkuar totali aplikimeve për vizën e bashkimit familjar, ku përfshihen martesat e shtetasve shqiptarë që jetojnë në Angli me partnerë shqiptarë, ose atyre shqiptarë me partnerë britanikë, apo nga vendet e BE-së ishte 730, nga të cilat 335 u aprovuan ndërsa 380 u refuzuan.

Al-Jazeera: Gërdeci, fishekë dhe para

2010-06-03T21:22:00.003+01:00

Nga Londra
Muhamed Veliu

Tragjedia e 15 marsit 2008 në Gërdec vazhdon të tërheqë vëmendjen e medias botërore për të hedhur dritë rreth aktorëve dhe faktorëve që cuan në vdekjen e 26 personave dhe plagosjen e 300 të tjerëve.

Nëpërmjet emisionit hulumtues “People and Power”, “Njerëz dhe pushtet”, stacioni prestigjoz Al-Jazeera në gjuhën angleze dega e Londrës, ka realizuar një dokumentar me titull “Fishekë dhe Para” duke rindërtuar me detaje shpërthimin e Gërdecit.

Dokumentari i prezantruar nga gazetarja Ilva Tare nis me dëshmitë rrënqethëse të familjarëve të vikitmave duke treguar historinë e Erison Dudës, njëri prej fëmijëve që humbën jetën në fabriken e vdekjes.

Al-Jazeera i sjell shikuesve të saj një dokumentar, i cili mundohet të ekzaminojë se kush ishin përgjegjësit e kësaj tragjedie ku dy prej protagonistëve të saj, Mediu dhe Pinari, ishin zyrtarë të shtetit shqiptar.

Mbi të gjitha ky dokumentar sjell fuqishëm zërin e familjarëve të viktimave të cilët apelojnë për drejtësi. Një hapsirë e vecantë në dokumentar i kushtohet ekzaminit të fakteve rreth Fatmir Mediut, Ylli Pinarit dhe Mihal Delijorgjit, tre prej protagonistëve kryesorë në këtë histori.

Emisioni investigativ “People and Power” vendos në qendër të tij edhe rolin e Shkëlzen Berishës, djalit të kryeministrit Sali Berisha.

Al-Jazzera sjell premtimin e dhënë nga kryeministri Berisha për një hetim të plotë për këtë tragjedi, por kujton se kryeministri shqiptar nuk e përmendi asnjëhere se djali i tij ishte prapa një kompanie që ndërtoi Gërdecin nga fillimi deri në fund të ekszistencës së saj.

Kryeministri Berisha ka refuzuar t’i përgjigjet pyetjes së Al-Jazzera-s duke deklaruar: “Nuk është aspak normale për mua të komentoj rreth një cështje që është në gjykim e sipër”.

Pjesë e dokumnetarit është edhe vdekja e Kosta Trebickës, një person kyc me dijeni rreth operacionit të ripaketimit të fishekëve për llogari të kompanisë amerikane të Efraim Diverolit.

Dokumentari i Al-Jazeera analizon procesin gjyqësor për Gërdecin duke nënvizuar faktin se një prej njerëzve të përfshirë në ngjarje, ish-ministri i Mbrojtjes Mediu, nuk është në bankën e të akuzuarve.

Zoti Mediu ka refuzuar të intervistohet nga Al-Jazeera, por avokati i tij Ardian Visha i është përgjigjur disa pyetjeve rreth lidhjeve të Fatmir Mediut me Shkëlzën Berishën, përfshirë pretendimet se pala mbrojtëse zvarriti procesin gjyqësor.

Pyetjes se cilat janë marrëdhëniet e klientit tuaj, Fatmir Mediu, me djalin e kryeministrit Shkëlzen Berisha, avokati Visha ka dhënë këtë përgjigje:

“Këtë pyetje duhet t’ia drejtoni klientit tim. Nuk është një cështje që i përket një avokati, i cili mbron dikë në një cështje. Unë mendoj se lidhjet mes tyre nuk kanë të bëjnë fare me këtë cështje”.

Ndërsa prokuroi Altin Dumani, prokuror i cështjes së Gërdecit, ka deklaruar për Al-Jazera se, kolegët e tij gjatë hetimit paraprak për këtë procedim penal kanë konkluduar se nuk ka qenë e nevojshme pyetja apo marrja si dëshmitar e zotit Shkëlzen Berisha.

Gjithashtu, prokurori Dumani ka deklaruar se asnjë prej prokurorëve nuk ka ndjerë presion politik, duke shpjeguar arsyet përse njëri prej të akuzuarve kryesorë, Fatmir Mediu, nuk është pjesë e procesit gjyqësor, falë imunitetit të fituar si deputet.

“Një gjë është e qartë prej kësaj sage të komplikuar. Kur politika dhe paraja janë shumë afër me njëra-tjetrën, drejtësia githmonë do të vuaj”. Me këto fjalë e mbyll Al-Jazeera investigimin për Gërdecin.
Al-Jazeera: Gërdeci, fishekë dhe para
03/06/2010 20:05

Tragjedia e 15 marsit 2008 në Gërdec vazhdon të tërheqë vëmendjen e medias botërore për të hedhur dritë rreth aktorëve dhe faktorëve që cuan në vdekjen e 26 personave dhe plagosjen e 300 të tjerëve.
Nëpërmjet emisionit hulumtues “People and Power”, “Njerëz dhe pushtet”, stacioni prestigjoz Al-Jazeera në gjuhën angleze dega e Londrës, ka realizuar një dokumentar me titull “Fishekë dhe Para” duke rindërtuar me detaje shpërthimin e Gërdecit.

Dokumentari i prezantruar nga gazetarja Ilva Tare nis me dëshmitë rrënqethëse të familjarëve të vikitmave duke treguar historinë e Erison Dudës, njëri prej fëmijëve që humbën jetën në fabriken e vdekjes.

Al-Jazeera i sjell shikuesve të saj një dokumentar, i cili mundohet të ekzaminojë se kush ishin përgjegjësit e kësaj tragjedie ku dy prej protagonistëve të saj, Mediu dhe Pinari, ishin zyrtarë të shtetit shqiptar.

Mbi të gjitha ky dokumentar sjell fuqishëm zërin e familjarëve të viktimave të cilët apelojnë për drejtësi. Një hapsirë e vecantë në dokumentar i kushtohet ekzaminit të fakteve rreth Fatmir Mediut, Ylli Pinarit dhe Mihal Delijorgjit, tre prej protagonistëve kryesorë në këtë histori.

Emisioni investigativ “People and Power” vendos në qendër të tij edhe rolin e Shkëlzen Berishës, djalit të kryeministrit Sali Berisha.

Al-Jazzera sjell premtimin e dhënë nga kryeministri Berisha për një hetim të plotë për këtë tragjedi, por kujton se kryeministri shqiptar nuk e përmendi asnjëhere se djali i tij ishte prapa një kompanie që ndërtoi Gërdecin nga fillimi deri në fund të ekszistencës së saj.

Kryeministri Berisha ka refuzuar t’i përgjigjet pyetjes së Al-Jazzera-s duke deklaruar: “Nuk është aspak normale për mua të komentoj rreth një cështje që është në gjykim e sipër”.

Pjesë e dokumnetarit është edhe vdekja e Kosta Trebickës, një person kyc me dijeni rreth operacionit të ripaketimit të fishekëve për llogari të kompanisë amerikane të Efraim Diverolit.

Dokumentari i Al-Jazeera analizon procesin gjyqësor për Gërdecin duke nënvizuar faktin se një prej njerëzve të përfshirë në ngjarje, ish-ministri i Mbrojtjes Mediu, nuk është në bankën e të akuzuarve.

Zoti Mediu ka refuzuar të intervistohet nga Al-Jazeera, por avokati i tij Ardian Visha i është përgjigjur disa pyetjeve rreth lidhjeve të Fatmir Mediut me Shkëlzën Berishën, përfshirë pretendimet se pala mbrojtëse zvarriti procesin gjyqësor.

Pyetjes se cilat janë marrëdhëniet e klientit tuaj, Fatmir Mediu, me djalin e kryeministrit Shkëlzen Berisha, avokati Visha ka dhënë këtë përgjigje:

“Këtë pyetje duhet t’ia drejtoni klientit tim. Nuk është një cështje që i përket një avokati, i cili mbron dikë në një cështje. Unë mendoj se lidhjet mes tyre nuk kanë të bëjnë fare me këtë cështje”.

Ndërsa prokuroi Altin Dumani, prokuror i cështjes së Gërdecit, ka deklaruar për Al-Jazera se, kolegët e tij gjatë hetimit paraprak për këtë procedim penal kanë konkluduar se nuk ka qenë e nevojshme pyetja apo marrja si dëshmitar e zotit Shkëlzen Berisha.

Gjithashtu, prokurori Dumani ka deklaruar se asnjë prej prokurorëve nuk ka ndjerë presion politik, duke shpjeguar arsyet përse njëri prej të akuzuarve kryesorë, Fatmir Mediu, nuk është pjesë e procesit gjyqësor, falë imunitetit të fituar si deputet.

“Një gjë është e qartë prej kësaj sage të komplikuar. Kur politika dhe paraja janë shumë afër me njëra-tjetrën, drejtësia githmonë do të vuaj”. Me këto fjalë e mbyll Al-Jazeera investigimin për Gërdecin.

"Bullets and Bucks" eshte nje prodhim i kompanise se produksionit te dokumentareve "In My Country Productions" qe drejtohet nga Eki Rrahmani.

Britani, debate për ekstradimin e shqiptarit

2010-06-03T15:49:00.000+01:00

Nga Londra
Muhamed Veliu

Kryeministri britanik David Cameron do të shikojë personalisht të gjithë procedurën e ndjekur nga drejtsia italiane, e cila i kërkon Anglisë ekstradimin e një shqiptari të dënuar në mungesë për vrasje.

Cështja e ekstradimit të 29 vjecarit shqiptar Edmon Arapi është diskutuar gjatë seancës së djeshme parlamentare me pyetje dhe peërgjigje të kryeministrit Caremon me deputetët.

Karen Bradley, deputete e zonës Stafforshire ku jeton Arapi, e pyeti kryministrin Cameron nëse ai mund të ndërhynte në këtë proces ekstradimi.

“A është kryministri në dijeni të rastit të një banori të zonës time elektorale, i cili kërkohet të ekstradohet ne Itali ku është dënuar në mungësë? A do të shikojë kryeministri këtë cështje me urgjencë për të riparë procedurat e ekstradimit përpara se zoti Arapi të shkëputet nga familja e tij për t’u cuar në burgun italian?”. Me këto fjalë deputetetja Bradley i është drejtuar kryeministrit Cameron.

Ky i fundit tha se është i gatshëm të shikojë këtë cështje duke e biseduar me sekretaren e Brendshme të shtetit, e cila po merret me rregulloren e dëbimeve.

“Janë disa procedura ligjore të cilat duhen ndjekur”, deklaroi zoti Caremon. “Megjithatë, unë do të kontaktoj sekretaren e Brendshme dhe më pas juve e nderuara deputete”, shtoi ai.

Edmond Arapi akuzohet për vrasjen e Castillo Marcelos në tetor të vitit 2004. Ai është dënuar në vitin 2006 nga një gjykatë italiane me 16 vite burg në mungesë.

Emigranti shqiptar ka paraqitur në gjykatë një sërë provash të cilat vërtetojnë se në kohën kur ka ndodhur krimi, ai ishte duke punuar në restoration “Cafe Davide” në zonën Leek.

Gjatë ditës së djeshme të gjitha mediat britanike, përfshirë BBC, kanë publikuar historinë e Edmond Arapit duke e cilësuar atë si një gabim të drejtësisë italiane, që nuk duhet legjitimuar nga drejtësia britanike.

Italia i kërkon Anglise ekstradimin e shqiptarit

2010-06-02T22:35:00.001+01:00

Nga Londra
Muhamed Veliu

Drejtësia italiane kërkon të ekstradojë një shtetas shqiptar që jeton në Angli për një krimin të cilin ai thotë se nuk e ka kryer.

Të gjitha mediat britanike kanë publikuar sot historinë e Edmond Arapit i cili akuzohet për vrasjen e Castillo Marcelos ndodhur në Tetor 2004 dhe është dënuar në vitin 2006 me 16 vite burg në mungesë.

Emigranti shqiptar ka paraqitur në gjykatë një sërë provash të cilat vërtojnë se në kohën kur ka ndodhur krimi, ai ishte duke punuar në një pub në zonën ku banonte.

Gjithashtu 29 vjeçari shqiptar thotë se gjatë viteve 2000 deri 2006 ai nuk ka patur mundësi udhëtimi jashtë Britanisë së Madhe.

Arapi i martuar me një shtetase angleze, baba i tre fëmijëve i ka apeluar drejtësisë italiane dhe asaj britanike nëpërmjet BBC-s që t’i jepet fund këtij tmerri të vërtetë duke e lënë atë dhe familjen e tij të jetojnë të qetë.

Në mbrotje të emigrantit shqiptar është angazhuar edhe organizata “Fair Trials International”.

Jago Russell, shefe ekzekutive e kësaj organizate, ka deklaruar se Edmond Arapi nuk ka patur asnjë lloj njoftimi se ai është dënuar në Itali për vrasje duke mos patur asnjë të drejtë për të mbrojtur veten se ai nuk ishte në Itali kur ndodhi krimi.

“Kjo padrejtësi flet për veten e saj. Unë mund ta provoj 100% që ditën kur ndodhi krimi unë isha duke punuar në Angli”, ka thënë Arapi gjatë intervistës në BBC.

Gjykata e Ekstradimeve në Londër lejoi ekstradimin e Edmond Arapit drejt Italisë.

Do të jetë Gjykata e Lartë ajo që do të vendosë gjatë këtij muaji për fatin e mëtejshëm të këtij proçesi.

Edmond Arapi do të arrestohej vitin e shkuar në aeroportin e Gatuikut, kur po kthehej prej pushimeve në Shqipëri pasi ndaj tij ishte lëshuar një fletarrest ndërkombëtar.

Amnesty Interrnational : Ne Shqiperi shqetësim dhuna ndaj grave

2010-06-01T11:46:00.001+01:00

Nga Londra
Muhamed Veliu

Amnesty International ka publikuar raportin vjetor për të drejtat e njeriut në botë ku përfshihet edhe Shqipëria.

Që në fillim raporti i kësaj organizate me qëndër në Londër, paraqet shqetësimin për dhunën e vazhdueshme ndaj grave, të cilat i kanë denoncuar rastet e dhunës por më pas i kanë tërhequr ato.

“990 krime që kishin të bënin me dhunën ndaj grave janë raportuar vitin e shkuar, nga të cilat gjykata shqyrtoi 640 cështje duke lëshuar urdhër mbrojtës” thuhet në raport.

Nsërsa në stacionet e policisë disa qytetarë kanë pretenduar se ndaj tyre është përdorur dhunë dhe janë tortoruar.

Amnesty International në këtë raport shpreh shqetësimin për jetimët në moshë të madhe, të cilëve u është privuar e drejta për strehim të përshtatshëm.

Sikurse edhe në raportet e viteve të shkuara, cështja e zhdukjes së Remzi Hoxhës nga oficerët e SHIKU-t është pjesë e raportit të këtij vititi.

“Fati i Remzi Hoxhës vazhdon të jetë i panjohur. Pavarësisht akuzave serioze të ngritura ndaj Arben Sefgjinit, ai është emëruar në një post të rëndësishëm në Ministrinë e Drejtësisë, ndërkohë që kolegu i tij Ilir Kumbaro po gjykohet ne mungesë pasi u arrestua në Angli ku fshihej me një emërr të rremë. Por gjykata e Londrës pushoi cështjen e ekstradimit pasi fletëarrestit i kishte kaluar afati”, shkruhet në raportin e Amnesty International për cështjen e zhdukjes së Remzi Hoxhës.

Për Amnesty International gjendja e dhomave të paraburgimit dhe burgjeve në Shqipëri është nën nivelin kombëtar dhe ndërkombëtar të standarteve të të dejtave të njeriut për të ndaluarit dhe të burgosurit.

Britani, 18 vjeçari shqiptar sfidon “Google”

2010-05-27T10:01:00.000+01:00

Britani, 18 vjeçari shqiptar sfidon “Google”

Nga Londra
Muhamed Veliu

Nëse do të dëgjonim se dikush po tenton të konkurojë motorin kërkues në internet “Google”, mbase do ta komentonim këtë lajm jo me shumë optimizën duke shprehur skepticizëm.

Por në rastin e një 18 vjecari shqiptar në Britaninë e Madhe nuk ka aspak vend për dyshime. Marsel Gashi ka marrë përsipër të konkurojë “Google”, duke tërhequr vëmendjen e investitorëve amerikanë dhe holandezë të cilët i kanë vënë në dispozicion 6 milion dollar për zgjerimin e projektit të tij.

I riu shqiptar është themeluesi motorit të kërkimit Timmp.com që ofron 130 miliard faqe me të dhëna të cilave çdo ditë i shtohen nga 3 milion faqe të reja.

“Jam shumë i lumtur që ky projekt i imi ka gjetur mbështetjen e disa investitorëve të cilët besojnë tek unë dhe ky projekt”, thotë Gashi në një prononcim për Top-Channel.

Agjencia e lajmeve ekonomike “Bloomberg” e vlerëson projektin e shqiptarit si një prej motorëve të kërkimit më të rëndësishëm që ka shumë se cfarë të ofrojë për përdoruesit.

Gjeniu shqiptar i elektronikës ndjek studimet në shkollë të mesme dhe jeton në qytetin e Leiçesterit në të cilin familja e tij u vendos si emigrantë kur ai ishte 8 vjeç.

Që kur ishte 14 vjeç Marsel Gashi hapi një faqe interneti ku shiste orendi shtëpiake nga e cila çdo javë fitonte 3 mijë paund. Këtë biznes ai do ta shiste për shumën prej 100 mijë paundësh.

Ai është edhe autor i një libri me titull “Dream Less Win More” (Ëndërro pak fito shumë”), nëpërmjet të cilit kërkon të inspirojë të rinjtë në vështirësi ekonomike.

Gashi e komenton këtë libër si sekretin për të luftuar reçesionin dhe se si në kohë të vështira ekonomike mund të ndërtosh biznese të suksesshme.

Marsel Gashi themeloi kompaninë e tij të parë me emër “Solution Media” që kur ishte 14 vjeç.

Një vit më vonë ai fitoni një konkurs për të drejtuar një program radiofonik në një radio lokale, ku më pas programi i tij do të arrinte një audiencë prej 270,000 dëgjuesish.

E nëse qindra mijëra 18 vjeçarë në Britaninë e Madhe nuk e dinë ende se cfarë do të ndodhë me të ardhmen e tyre, për Marsel Gashin ky është një kapitull i mbyllur pasi idetë e tij tashmë janë kthyer në një sukses të vërtetë që vlejnë miliona paund.

Londër, sukses shqiptar në “Royal Opera House”

2010-05-14T14:34:00.000+01:00

Londër, sukses shqiptar në “Royal Opera House”

Nga Londra
Muhamed Veliu

Dy artistë shqiptarë me famë botërore sic janë sopranoja Ermonela Jaho sëbashku me tenorin Sajmir Pirgu kanë korrur suksesin e tyre të radhës në Operan Mbretërore të Londrës në “Covent Garden”, duke interpretuar në dy rolet kryesore të Travitës.

Eshtë hera e parë në historinë 276 vjecare të kësaj opere që dy rolet kryesore u besohet të luhen nga dy artistë prej të njëjtës origjinë.
Kritika britanike ka vlerësuar maksimalisht interpretimin e dy shqiptarëve.

Prestigjozja “The Times” i kushton një artikull me titullin “Lotët për Violetën me kualitet yjesh” duke shkruar se Ermonela Jaho rikthehet me rolin e Violetës duke provuar se ajo ka potencialin e duhur ta bëjë për vete audiencën.

Ndërsa për Sajmir Pirun kjo gazetë vlerëson tonin dhe interpretimin e vecantë në skenë.

Tenori Sajmir Pirgu rikthehet në “Royal Opera House” pas katër vitesh nga interpretimi tij i parë në Londër duke mos e fshehur gëzimin për këtë sukses të tijin me një partnere brilante sic është sopranoja Ermonela Jaho.

Për nder të artitstëve shqiptarë, Zef Mazi ambasador i Shqipërisë në Mbretërinë e Bashkuar, organizoi një pritje në selinë e ambasadës shqiptare në Londër.

Posacërisht për të ndjekur Jahon dhe Pirgun në skenën londineze kishte ardhur edhe Suzana Turku, zv/ministre e Kulturës, Rinisë dhe Sporteve.

Krahas mijëra britanikëve që ndoqën premierën e “La Traviata”-s kishte edhe shumë shqiptarë që jetojnë dhe punojnë në Londër, madje disa të tjerë kishin ardhur nga Shqipëria.

Suksesi Ermonela Jahos dhe Sajmir Pirgut në “Royal Opera House” krahas një arritje personale për ata është padyshim një prezantim dinjitioz i Shqipërisë duke i treguar britanikëve se vendi ynë prodhon talente të denjë për t’u ndjekur e duarokitur gjatë nga ata.

Cana merr cmimin “Ambasador i shqiptarëve në botë”

2010-05-11T14:56:00.001+01:00

Cana merr cmimin “Ambasador i shqiptarëve në botë”

Nga Londra
Muhamed Veliu

Lorik Cana është shpallur personaliteti shqiptar i vitit në Britaninë e Madhe nga gazeta e komunitetit “The Albanian”.

Talentit të futbollit shqiptar iu dorëzua cmimi i përvitshëm që jep kjo gazetë me motivacionin “Ambasador i shkëlqyer i shqiptarëve në botë”.

Petrit Kucana, botues i “The Albanian” tha:

“Cana është krenaria e shqiptarëve në Britaninë e Madhe i cili po u tregon britanikëve vlerat e vërteta të shqiptarëve duke u kthyer në shembull referues të një shqiptari të suksesshëm, mbi të gjitha të një djali patriot i cili është krenaria e kombit tonë”.

Pas dorëzimit të këtij cmimi nga poetja Brixhilda Ndini, i emocionuar Cana deklaroi: “Këtë cmim të dhënë nga komuniteti shqiptar në Angli e vlerësoj shumë pasi jam rritur në diasporë kur lashe Kosovën që shtatë vjec. Kur shkova në Zvicër për nëntë vite isha një emigrant pa dokumenta të rregullta qëndrimi por kjo më ka bërë të fortë pasi të jetuarit në diasporë mes shqiptarëve më krijoi ngrohtësinë e duhur sikur të isha në Kosovë. Eshtë e rëndësishme për ne dhe fëmijët e lindur në mërgim mos të harrojmë gjuhën dhe traditat tona”, ka thënë Cana.

I pyetur nga Top Channel se sa i kënaqur ishte ai që luante këtë sezon me ekipin e Sunderland-it dhe paraqitjen e tij, Cana u shpreh se ai ishte i kënaqur duke dhënë maksimumin, por ekipi nuk pati një parqitje të mirë për t’u renditur i 10-ti në fund të kampionatit.

Ndërsa pyetjes për një transferim të mundshëm sezonin e ardhshëm tek Arsenali apo ndonjë ekip tjetër anglez, Cana tha: “Do shqyrtoj me kujdes c’do ofertë. Unë dëshiroj të përmbush kontratën dy vjecere që kam me Sunderland. Dua që të jemë gjithmonë në 11-tëshen bazë të c’do ekipi për të luajtur intensivisht gjatë kampionatit. Vazhdoj të kem një komunikim shumë miqësor me trajnerin Arsen Venger”.

BBC shpall në kërkim shqiptarin

2010-03-30T17:58:00.002+01:00

Nga Londra
Muhamed Veliu

Nëpërmjet emisionit “Crime Watch” në BBC, Scotland Yard ka kërkuar ndihmën e publikut për kapjen e një shtetasi shqiptar të përfshirë në trafikun ndërkombëtar të drogës nga Europa për në Angli.

Skeda personale e Dejan Shegës është bërë publike nëpërmjet këtij programi, mbrëmjen e djeshme, pasi për të është lëshuar një fletë-arresti si i përfshirë në konspiracion për shitje droge dhe pastrim parash.

Nëpërmjet emisionit “Crime Watch” hetuesit britanikë deklaruan se 33-vjecari Dejan Shega mund të fshihet në Angli apo Hollandë.

Përpjekjet e deritanishme për të lokalizuar vendodhjen dhe më pas arrestimin kanë rezultuar të pasukseshme. Shega njihet në qarqet e botës së krimit në Londër me pseudonimim “Tuti” dhe “Tika”.

Një zëdhënëse e Scotland Yard tha se Dejan Shega kryente udhëtime të shpeshta në Europë dhe vecanerisht në Hollandë.

Gjithashtu besohet se ai mund të përdorë disa pasaporta me identitete të ndryshme për t'i shpëtuar kapjes.

Po në të njëjtin emision, në muajin Shkurt policia e zonës Huddesfield apeloi për ndihmë në kapjen e një tjetër të shumëkërkuari shqiptar.

Më 20 Shtator 2009 Reshino Arapaj qëlloi me pistoletë në drejtim të një makine në të cilën udhëtonin disa pesona të cilët fatmirësisht nuk pësuan dëmtime.

19-vjecari Arapaj, i cili njihet me presudonimin “Xhino”, besohet se fshihet në qytetin e Lidsit.

Ndaj tij rëndon akuza për tentativë vrasje.

Miliband: Mbështetje Kosovës për njohje të reja

2010-03-23T21:27:00.000Z

Nga Londra
Muhamed Veliu

Sekretari i Jashtëm britanik David Miliband sëbashku me ministrin për Evropën në Foreing Office, Chris Bryant, kanë pritur në një takim zyrtar Ministrin e Punëve të Jashtme të Republikës së Kosovës, Skënder Hyseni.

Pas takimit një zëdhënës i Foreing Office tha për Top-Channel se gjatë takimit zoti Miliband garantoi edhe njëherë ndihmën e Britanisë së Madhe ndaj Kosovës për shtimin e njohjes si shtet nga vende të tjera.

Përmirësimi qeverisjes, lufta ndaj korrupsionit dhe sfidat ekonomike që ka përpara Kosova, ishin pjesë e bisedimeve Miliband–Hyseni.

David Milliband i ka deklaruar homologut kosovar se progresi për këto cështje është vendimtar në përmbushjen e aspiratave të shqiptarve të Kosovës drejt Bashkimit Europian.

Gjatë këtij takimi është biseduar edhe për rëndësinë dhe vazhdimin e kujdesit të qeverisë kosovare për minoritetin serb. Sekretari i Jashtëm britanik David Miliband i ka parashtruar ministrit Hyseni të parit e mundësisë për bisedime me Serbinë për një sërë cështjesh praktike bashkëpunimi.

Vizita e ministrit Hysenit në Londër zhvillohet vetëm disa ditë pas deklaratës së ambasadorit anglez në Beograd Stephen Wordsworth, ku ai e bëri të qartë se Serbia dhe Kosova duhet ta gjejne një modalitet bashkëpunimi para hyrjes në BE.

Në kuadër të vizitës së tij zyrtare në Londër, ministri Hyseni, po ashtu do të ketë takime edhe me përfaqësues diplomatikë nga vende të ndryshme të botës, të akredituar në Londër.

The Economist-Korrupsioni në Kosovë, përgjegjës edhe ndërkombëtarët

2010-03-19T13:40:00.001Z

Nga Londra
Muhamed Veliu

Në numrin e saj të fundit, revista prestigjoze britanike “The Economist” i kushton një shkrim të vecantë korrupsionit në Kosovë, duke bërë fajtorë jo vetëm qeverinë e zotit Thaci por edhe ndërkombëtarët.

Udhëheqësit e Kosovës, dy vjet nga shpallja e pavarsisë, janë vënë nën sulmin e ndërkombëtarëve për tolerimin e nivelit të lartë të korrupsionit.

Duke cituar shtypin e Kosovës, “The Economist” shkruan rreth situatës aktuale në vend, ku nga aferat korruptive një ministër ka përfituar miliona euro.

Artikulli vijon duke evidentuar përpjekjet e komunitetit ndërkombëtar dhe deklaratat e zyrtarëve të lartë të BE-së që kanë kërkuar për luftë aktive ndaj korrupsionit.

“The Economist” citon deklaratën e 15 marsit të ambasadorit amerikan në Prishtinë, Christopher Dell, i cili tha se politikanët e Kosovës nuk mund të presin nga komuniteti ndërkombëtar që ata të kryejnë detyrat e tyre.

“Të tilla fjalë peshojnë shumë në një vend si Kosova, ku shumë njerëz e konsiderojnë ambasadorin amerikan si një njeri që duhet t’i dëgjohet fjala”, theksohet në shkrim.

Artikulli për korrupsionin në Kosovë vijon duke u servirur lexuesve të kësaj reviste faktin se Piter Faith i ka paraqitur kryeministrit Hashim Thaci prova që implikojnë një ministër të kabinetit në korrupsion, si dhe kërkesën për ta shkarkuar.

Por “The Economist” vëren se nuk janë vetëm qeveritarët e Kosovës ata që duhet ta mbajnë të gjithë barrën e fajit për korrupsionin.

“Misioni policor i BE-së në Kosovë ka një ekip të posacëm që i dedikohet luftës ndaj korrupsionit, por deri tani nuk ka vepruar ndaj personave delikatë”, vijon artikulli duke lënë të nënkuptohet se bëhët fjalë për njerëz me pushtet.

Në përfundim të artikullit “The Economist” shkruan se serbët e Kosovës nuk i kanë shpëtuar përfshirjes në korrupsion dhe se bosët e mafias serbe bashkëpunojnë ngushtë me ata shqiptarë.

UK, mocion për gjuhën shqipe ne parlament

2010-03-17T21:15:00.001Z

Nga Londra
Muhamed Veliu

Një grup parlamentarësh britanikë kanë inicuar nisjen e firmosjes së një mocioni që gjuha shqipe të përfshihet në provimet e lirimit që njihen si GCSE.

Në tekstin e mocionit deputetët laburistë dhe konservatorë i kërkojnë Ministrisë së Arsimit të marrë në konsideratë me kujdes kërkesën e tyre, për përfshirjen e gjuhës shqipe në skemën aktuale të gjuhëve të huaja në provimin GCSE.

Nisja e firmosjes së këtij mocioni vjen pas shumë përpjekjeve të shoqatave shqiptare në Britaninë e Madhe, të cilat në fokusin e punës së tyre kanë mësimin e gjuhës shqipe tek fëmijët e emigrantëve.

Rol parësor në cuarjen e kësaj cështjeje deri në Parlamentin britanik ka luajtur edhe ambasadori i Shqipërisë në Mbretërinë e Bashkuar, Zef Mazi, i cili ka patur kontakte intensive me depuetët britanikë.

“Jam i gëzuar që kjo punë intensive e bërë nga Forumi i shoqatave shqiptare, për këtë cështje kurorëzohet me kalimin e këtij mocioni në Parlament. Është një hap i rëndësishëm për komunitetin shqiptar pasi tregon se ata kanë mbështetjen e vendimmarrësve britanikë për këtë cështje”, ka thënë ambasadori Mazi.

Lutfi Vaka, kryetar i Forumit të Shoqatave Shqiptare në Britani e cilësoi nisjen e firmosjes së mocionit si një fitore për emigrantët shqiptarë dhe mbi të gjitha një fitore për fëmijët e tyre.

Vitin e shkuar 564 persona, mes tyre edhe britanikë, firmosën një peticion të inicuar nga “Shpresa Programe” po per këtë cështje që iu dërgua kryeministrit Gordon Brown.

Masakrohet e dashura shqiptarit pas publikimit te fotove ne Facebook

2010-03-15T17:59:00.002Z

Nga Londra
Muhamed Veliu

Nje vajze britanike eshte vrare ne menyre makabre nga ish i dashuri i saj, pasi ajo vendosi ne rrjetin social FB fotot e saja me te dashurin e ri shqiptar.

Paul Bristol goditi 20 here me thike ekonomisten Camille Mathurasingh pasi ajo kishte vendosur ne FB fotot me te dashurin Besim Haxhia.

Ish i dashuri i saj Paul Bristol eshte denuar me 22 vite burg pasi mberriti ne Londer nga ishujt Karaibe per t'u hakmarre ndaj saj, pasi pa ne FB fotot me te dashurin shqiptar.

Ai e kreu vrasjen pasi ish e dashura i tha se gjithcka mes tyre kishte marre fund dhe se ajo kishte nisur nje lidhje te re.

Duke lexuar masen e denimit gjykatesi Timothy Pontius tha:

"Eshte mese e qarte se xhelozia ishte motivi i vetem qe ju shtyu ta vrisnit ish te dashuren tuaj pasi mendonit se asnje mashkull tjeter, nuk mund ta zinte vendin tuaj si i dashur ne jeten e viktimes".

Ne Shkurt te vitit te shkuar viktima nisi nje lidhje te re dashurie me emigrantit Besim Haxhia duke postuar disa foto ne FB pa e ditur se ato foto do ktheheshin ne motivin e nje krimi makaber.

Nje dite perpara takimit me ish te dashurin ajo i dergoi nje mesazh ne telefon Haxhise ku i thoshte:

“Mbase siqeriteti nuk ka asnje kuptim por eshte me rendesi per mua ta kem zemren dhe mendjen e paster per gjerat qe do te pasojne”, duke i lene te kuptohej se ajo duhej te takohej me ish-te dashurin per t'i treguar lidhjen e re qe kishte nisur.

Ky ishte mesazhi i fundit qe Besim Haxhia do te merrte nga e dashura, pasi ajo nje dite me pas do te goditej 20 here me thike ne qafe, kraharor, shpine, dhe ne kembe nga ish-i dashuri i cili tentoi te kryente vetevrasje duke u perplasur me nje makine.

Britani, nga pornografia ne parlament

2010-03-13T14:52:00.002Z

Nga Londra
Muhamed Veliu

Kandidimi per t'u zgjedhur deputete e nje ish- producenteje filmash pornografike ka ngjallur debate te forta ne qarqet politike dhe mediatike ne Britanine e Madhe.

Partia Liberal Demokrate ka zgjedhur per te garuar ne zgjedhjet e ardhshme parlamentare ne Britani, ish- producenten e filmave pornografike Anna Arroesmith, e cila tani drejton nje kompani prodhimi filmash per te rritur.

Kandidatura e saj eshte miratuar per te garuar ne zonen Gavesham qe ndodhet ne qytetin e Kentit ne Jug te Anglise.

Nick Clegg i kryetar i Partise Liberal Demokrate kur u pyet per kandimin e Anna Arroesmith eshte treguar shume i kujdesshem.

“Karriera ne te shkuaren e Anna Arroesmith, perpara kandidimit per t'u zgjedhur deputete, nuk eshte nje ceshtje qe me perket mua. Cfare eshte e rendesishme ka te beje me faktin e preokupimit te saj per te perfaqesuar elektoratin ne parlament”, ka thene Clegg.

Sipas tij ajo nuk ka kryer ndonje veprimtari ilegale per t’u perjashtuar nga gara drejt Westminsterit.

Nuk ndajne te njejtim mendim perfaqesuesit e Partise Kosnservatore te cilen ne zgjedhjet e vitit 2005 fituan me shume veshtiresi ne zonen ku tani kandidon 38-vjecarja Arroesmith.

Ann Widdecombe deputetja aktuale e zones eshte shprehur se “eshte teresisht e papershtatshme per te kandiduar,nje person si ajo e perfshire ne ate lloj industrie”

Ndersa vete kandidatja Anna Arroesmith, ka qendruar larg debateve duke u mjaftuar me nje koment te shkurter ne faqen e saj personale ne Twitter ku shkruan: "Nga pornografia ne parlament”.

Zgjedhjet, Britania perfshihet nga ethet e basteve

2010-03-12T20:15:00.002Z

Nga Londra
Muhamed Veliu

Pa u caktuar ende data se kur do te mbahen zgjedhjet e pergjitheshme ne Britanine e Madhe, politikanet me shume se sondazhet i kane hedhur syte nga kompanite e basteve.

Koeficentet qe ato oftojne ne seksionin e politikes ne faqet e tyre online, jane kthyer tashme ne bisedat e perditeshme te politikaneve ne korridoret e Westminster-it.

Per momentin duket se bixhozi me politikane deri diku ka eklispsuar atmosferen e basteve per boterorin Afrika Jugut 2010 ku totali i shumes se basteve parashikohet te jete 1 miliard paund.

Specialistet e kompanive te basteve parashikojne nje rritje me 50 perqind te atyre te cilet do te vendosin baste per politikanet, krahasuar me zgjedhjet e vitit 2005. Jane vete politikanet britanike ata te cilet nuk ngurrojne te komentojne kete trend ne rritje.

Borish Xhonson, kryebashkiaku i Londres ka deklaruar se i beson me shume koeficenteve qe vendosin kompanite e basteve, se sa sondazhet qe publikohen cdo te diele neper gazeta.

Natyrshem lind pyetja se kush do t’i fitoje keto zgjedhje ne Britanine e Madhe, gjithnje sipas eksperteve te basteve? Konservatoret ne opozite apo Laburistet ne pushtet?
Kompanite e basteve i japin perparesi per te fituar laburisteve.

Per ta, kompania Ladbrokes jep koeficentin 4/1 ndersa per Konservatoret 1/7.

Fillimisht duhet te pritet caktimi i dates ku sipas te gjitha gjasave kryministri Gordon Brown duket se ka per te caktuar 6 Majin si diten per te shkuar drejt kutive te votimit.

Megjithate kjo nuk i ka penguar aspak bastexhinjte britanike te nisin plotesimin e skedinave, jo per garat tradicionale me qen dhe kuaj, por tani me politikane.

Britani, nje shqiptar ne bienalen "Artes Mundi"

2010-03-10T12:17:00.004Z

Nga Londra
Muhamed Veliu

Jane mesuar emrat e tete finalisteve pjesmarres ne bienalen “Artes Mundi” qe po zhvillohet ne qytetin e Cardifit, ku mes tyre eshte edhe nje artist shqiptare.

Nje prej punimeve te Adrian Pacit eshte ne gare per te fituar cmimin prej 40,000 sterlinash i cili konsiderohet si cmimi me i larte qe jepet ne Angli per artet vizuale.

Te nominuarit per fitimin e ketij cmimi jane perzgjedhur pas shqyrtimit te 500 aplikanteve me punimet e tyre nga e gjithe bota. Adrian Paci, garon ne kete bienale me nje fotografi ne te cilen eshte fiksuar nje peme ne momentin kur dielli deperton brenda degeve te saj si nje berthame zjarri.

Punimet e tete artisteve finalist jane prezantuar mbremjen e djeshme ne Muzeun Nacional te Uellsit.

Fituesi do te shpallet gjate nje ceremonie e cila do te zhvillohet me 19 maj. Organizatoret e bienales "Artes Mundi" thone se politika do te luaj nje rol te rendesishem kete vit, gjate bienales, pasi artistet finalist jane perzgjedhur duke pare se si ka reflektuar politika ne punimet e tyre.

Qellimi kesaj bienaleje eshte dhenia pergjigje nepermjet artin dy pyetjeve, se kush jemi ne dhe ne cfare shoqerie jetojme.

Zef Mazi ambasador i Shqiperise ne Mbreterine e Bashkuar ishte nje prej te ftuarve te nderit ne hapjen e bienales.

Ne nje prononcim per Top Channel ai e quajti si nje hap perpara per artin shqiptare pjesmarrjen e Adrian Pacit ne kete bienale duke theksuar se kjo arritje e artistit shqiptare tregon nivelin e larte qe artistet tane kane duke u perfaqesuar denjesisht.

“Te tilla evenimente jane padiskutim mjeti me i mire per rritjen e imazhti te Shqiperise dhe Shqiptareve ne Mbreterine e Bashkuar”, ka deklaruar ambasadori Mazi.

Punimet e Adrian Pacit gjate viteve te shkuara jane ekspozuar edhe ne disa galeri londineze, perfshi edhe ate me fame boterore sic eshte galeria TateModern.